លោកបណ្ឌិត Phan Quoc Nghia បានតែងតាំងជាសាកលវិទ្យាធិការរងនៃសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 02 មីនា 2023
- ចុចដង៖ 193
ប្រភពព័ត៌មាន៖ https://www.baotravinh.vn/trong-tinh/tien-si-phan-quoc-nghia-duoc-bo-nhiem-pho-hieu-truong-truong-dai-hoc-tra-vinh-27083.html
នៅរសៀលថ្ងៃទី ០១ ខែមីនា ក្រុមប្រឹក្សាភិបាលនៃសាកលវិទ្យាល័យត្រាវិញ (ĐHTV) បានប្រារព្ធពិធីប្រកាស និងប្រគល់សេចក្តីសម្រេចតែងតាំងលោកបណ្ឌិត Phan Quoc Nghia ជាសាកលវិទ្យាធិការរងនៃសាកលវិទ្យាល័យត្រាវិញ អាណត្តិកាល ២០២១ - ២០២៥ តាមសេចក្តីសម្រេចលេខ ១១/QĐ-HĐT ចុះថ្ងៃទី ២២ ខែកុម្ភៈ ឆ្នាំ២០២៣ របស់ក្រុមប្រឹក្សាភិបាលសាកលវិទ្យាល័យត្រាវិញ។
សាកលវិទ្យាធិការរង Phan Quoc Nghia (នៅកណ្ដាល) និងថ្នាក់ដឹកនាំក្រុមប្រឹក្សាភិបាល គណៈអធិការសាលា ថតរូបអនុស្សាវរីយ៍។
អញ្ជើញចូលរួមក្នុងពិធីប្រកាស និងប្រគល់សេចក្តីសម្រេចនេះ មានលោក Le Thanh Binh សមាជិកគណៈអចិន្ត្រៃយ៍នៃគណៈកម្មាធិការបក្សខេត្ត អនុប្រធានគណៈកម្មាធិការប្រជាជនខេត្តត្រាវិញ; លោក Tran Hoan Kim ប្រធានក្រុមប្រឹក្សាពិគ្រោះនៃសាកលវិទ្យាល័យត្រាវិញ; លោកសាស្ត្រាចារ្យរង បណ្ឌិត Pham Tiet Khanh ប្រធានក្រុមប្រឹក្សាភិបាលនៃសាកលវិទ្យាល័យត្រាវិញ; លោកសាស្ត្រាចារ្យរង បណ្ឌិត Nguyen Minh Hoa សាកលវិទ្យាធិការនៃសាកលវិទ្យាល័យត្រាវិញ; និងថ្នាក់ដឹកនាំនៃមន្ទីរស្ថាប័នខេត្ត; សាកលវិទ្យាធិការរង ព្រមទាំងថ្នាក់ដឹកនាំការិយាល័យ មហាវិទ្យាល័យ វិទ្យាស្ថាន មជ្ឈមណ្ឌលនានាចំណុះសាលា។
លោកបណ្ឌិត Phan Quoc Nghia ជាសមាជិកគណៈប្រតិបត្តិការបក្ខភាគនៃសាកលវិទ្យាល័យត្រាវិញ អាណត្តិកាល២០២០ -២០២៥ ប្រធានការិយាល័យចាត់តាំងប្រឡងនិងគ្រប់គ្រងពិន្ទុះ និងជាលេខាសាខាបក្ខ២៧។
ថ្លែងសុន្ទរកថាក្នុងពិធីប្រកាស និងប្រគល់សេចក្តីសម្រេចតែងតាំងនេះ លោក Phan Quoc Nghia សាកលវិទ្យាធិការរង បានសន្យាថានឹងអនុវត្តល្អនូវរាល់ភារកិច្ចដែលក្រុមប្រឹក្សាភិបាលសាលា ក៏ដូចជាគណៈអធិការសាលាប្រគល់ជូនរួមចំណែកធ្វើឱ្យសាកលវិទ្យាល័យត្រាវិញក្លាយជាសាកលវិទ្យាល័យមួយជឿនលឿននាពេលអនាគត។
ព័ត៌មាននិងរូបថតដោយ៖ Hong Nhung
ប្រែសម្រួលដោយ៖ Sa Phone