សាកលវិទ្យាល័យត្រាវិញ ផ្តល់ជូនអាហារូបករណ៍ថ្នាក់អនុបណ្ឌិត "ចាំងពន្លឺសុបិនពានរង្វាន់បាល់មាស" ដល់កីឡាការិនី Huynh Nhu

នាថ្ងៃទី ២២ ខែកុម្ភៈ សាកលវិទ្យាល័យត្រាវិញបានប្រគល់ជូនអាហារូបករណ៍ "ចាំងពន្លឺ​សុបិន​ពាន​រង្វាន់​បាល់​មាស"​ ដល់កីឡាការិនីHuynh Nhu ប្រធានក្រុមបាល់ទាត់នារីវៀតណាម។

8-1

អញ្ជើញចូលរួមក្នុងកម្មពិធីនេះមាន លោកសាស្ត្រាចារ្យរង បណ្ឌិត Pham Tiet Khanh លេខាគណៈកម្មាធិការបក្ខភាគ ប្រធានក្រុមប្រឹក្សាភិបាល​សាកលវិទ្យាល័យត្រាវិញ និងលោកសាស្ត្រាចារ្យរង បណ្ឌិត Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញ ព្រម​ទាំង​តំណាងថ្នាក់ដឹកនាំការិយាល័យ អង្គភាព មហាវិទ្យាល័យសម្ព័ន្ធយុវជន-សមាគមនិស្សិតសាលា និង​ក្រុមគ្រួសារកីឡាការិនី Huynh Nhu

លោកសាស្ត្រាចារ្យរងបណ្ឌិត Pham Tiet Khanh លេខាគណៈកម្មាធិការបក្ខភាគប្រធានក្រុមប្រឹក្សាភិបាល​សាលាបានមានប្រសាសន៍ថា អាហារូបករណ៍ពេញលេញគឺជាអំណោយពិសេសដើម្បីផ្តល់កិត្តិយសដល់កីឡាការិនីដែលមានទេពកោសល្យរបស់ខេត្តត្រាវិញនិងលើកទឹកចិត្តដល់ស្នាដៃរបស់កីឡាការិនី HuynhNhu ដែល​សម្រេចបានក្នុងសកម្មភាពកីឡា។​

លោក​សង្ឃឹមថាអាហារូបករណ៍នេះ Huynh Nhu រក្សាទំនាក់​ទំនង​​ខ្ជាប់​ជាមួយនឹងសាលាបន្ទាប់ពីបញ្ចប់ដំណាក់កាលអាជីពជាកីឡាការិនី។ សាកលវិទ្យាល័យត្រាវិញនឹងបង្ករលក្ខណៈ​ងាយស្រួលបំផុតសម្រាប់នាងក្នុងការបន្តការសិក្សាថ្នាក់អនុបណ្ឌិតផ្នែកគ្រប់គ្រងការអប់រំនៅឯសាលា។

8-2

អាហារូបករណ៍ “ចាំងពន្លឺសុបិនពាន​រង្វាន់​បាល់មាស” - ជាអាហារូបករណ៍ពេញលេញសម្រាប់ថ្នាក់អនុបណ្ឌិតផ្នែកគ្រប់គ្រង​ការ​អប់រំដែល​សាលា​ប្រ​គល់​ជូន​ដល់ Huynh Nhu ដោយ​តម្លៃ​ទឹក​ប្រាក់​នៃ​អាហារូបករណ៍ជាង១00លានដុង។ នេះជារង្វាន់​លើកទឹកចិត្តខាងស្មារតីសម្រាប់កីឡាករវ័យក្មេងវៀតណាមនិយាយរួម និងកីឡាការិនីនិយាយ​ដោយ​ឡែក​ ដែល​សាកលវិទ្យាល័យត្រាវិញប្រ​គល់​ជូន។ សាលាមានមោទនភាពយ៉ាងខ្លាំងចំពោះសមិទ្ធផលរបស់ Huynh Nhu សម្រេច​បាន​ហើយសង្ឃឹមថានាងនឹងបន្តផ្តល់​នូវ​កម្លាំង​ចិត្តក្នុង​ការបំផុសគំនិតសម្រាប់បច្ឆា​ជន​ជំនាន់​ក្រោយ។

Huynh Nhu បានសម្តែងនូវក្តីសប្បាយរីករាយ និងថ្លែងអំណរគុណចំពោះថ្នាក់ដឹកនាំនៃសាកលវិទ្យាល័យត្រាវិញដែលបានផ្ដល់អាហារូបករណ៍ដ៏មានតម្លៃនេះដល់នាង និងបង្កលក្ខណៈ​ងាយ​ស្រួល​សម្រាប់នាងក្នុងការបន្តការសិក្សានៅសាលានាពេលអនាគត។ ក្នុងឱកាសនេះ Huynh Nhu បានចែករំលែកដំណើររបស់នាងក្នុងអាជីពបាល់ទាត់ ក៏ដូចជាការលំបាក និងបញ្ហាប្រឈមដែលនាងបានជួបប្រទះ។ Huynh Nhu ក៏បានលើកទឹកចិត្តសិស្សានុសិស្សឱ្យខិតខំសិក្សា និងហាត់ប្រាណដើម្បីសម្រេចគោល​បំណងរបស់ខ្លួន។

នៅក្នុងពិធីនេះ Huynh Nhu បានជូនដល់សាកលវិទ្យាល័យត្រាវិញ នូវ​អាវដែលនាងពាក់ក្នុងការប្រកួតឈ្នះ និង​ទទួល​បាន​សិទ្ធិ​ចូលរួមការប្រកួតបាល់ទាត់ពិភពលោកឆ្នាំ២០២៣។ នេះជាអំណោយដ៏មានអត្ថន័យក្នុងការទទួលស្គាល់ការខិតខំប្រឹងប្រែង និងភាពជោគជ័យរបស់នាងជាមួយកីឡាបាល់ទាត់និយាយ​ដោយ​ឡែក និង​កីឡាវៀតណាមនិយាយរួម។ .

8-3

សាកលវិទ្យាល័យត្រាវិញនឹងតាំង​បង្ហាញនូវ​ពាន​រង្វាន់​ និង​វត្ថុ​អនុស្សាវរីយ៍​របស់​កីឡាការិនី Huynh Nhu​ បាន​ជូន​សាលា​នៅក្នុងបន្ទប់ដាច់​ដោយ​ឡែក​មួយ ក្នុង​នោះ​មាន​អាវ​ ដែលនាងពាក់ក្នុងការប្រកួតឈ្នះ និង​ទទួល​បាន​សិទ្ធិ​ចូលរួមការប្រកួតបាល់ទាត់ពិភពលោកឆ្នាំ២០២៣។

អត្ថបទ​ដោយ៖ Ngan ២០០៣ - Hai Nam

ប្រែ​សម្រួល​ដោយ៖ Diem Phuc

ទីតាំង​របស់​អ្នក៖ ទំព័រដើម ព័ត៌មាន សាកលវិទ្យាល័យត្រាវិញ ផ្តល់ជូនអាហារូបករណ៍ថ្នាក់អនុបណ្ឌិត "ចាំងពន្លឺសុបិនពានរង្វាន់បាល់មាស" ដល់កីឡាការិនី Huynh Nhu