បង្កើតសាលាភាសា - វប្បធម៌ - វិចិត្រសិល្បៈ ខ្មែរណាមបូនិងមនុស្សសាស្ត្រ

ប្រភព​ពត៌មាន៖https://www.baotravinh.vn/trong-tinh/thanh-lap-truong-ngon-ngu-van-hoa-nghe-thuat-khmer-nam-bo-va-nhan-van-27232.html

សាលាភាសា - វប្បធម៌ - វិចិត្រសិល្បៈ ខ្មែរ​ណាម​បូ​និង មនុស្សសាស្ត្រ បានបង្កើត ឡើងលើមូលដ្ឋាននៃមហាវិទ្យាល័យភាសា - វប្បធម៌ - វិចិត្រសិល្បៈ ខ្មែរ​ណាម​បូ មហាវិទ្យាល័យ​ភាសាបរទេស និង​មហាវិទ្យាល័យ​គរុកោសល្យ​នៃ​សាកលវិទ្យាល័យ​ត្រា​វិញ។

10-1

លោកស្រី​បណ្ឌិត Thach Thi Dan សាកលវិទ្យាធិការរង; លោក Tran Hoan Kim ប្រធានក្រុមប្រឹក្សាពិគ្រោះ ផ្តល់បាច់ផ្កាជូនពរគណៈនាយកសាលាភាសា - វប្បធម៌ - វិចិត្រសិល្បៈ ខ្មែរ​ណាម​បូ​និងមនុស្សសាស្ត្រ

ថ្ងៃទី៧ ខែមីនា សាកលវិទ្យាល័យត្រាវិញ (ĐHTV) បានប្រកាស​សេចក្ដី​សម្រេច​និង​តែង​តាំង​គណៈ​នាយក​សាលា​ភាសា - វប្បធម៌ - វិចិត្រសិល្បៈ ខ្មែរ​ណាម​បូ​និងមនុស្សសាស្ត្រចំណុះ​សាកលវិទ្យាល័យ​ត្រា​វិញ​ ​លើមូលដ្ឋាននៃមហាវិទ្យាល័យភាសា - វប្បធម៌ - វិចិត្រសិល្បៈ ខ្មែរ​ណាម​បូ មហាវិទ្យាល័យ​ភាសាបរទេស និង​មហាវិទ្យាល័យ​គរុកោសល្យ។

អញ្ជើញ​ចូលរួម​ក្នុង​ពិធី​នេះ​មាន​លោកបណ្ឌិត​សាស្ត្រាចារ្យរង​​ Pham Tiet Khanh លេខា​គណៈកម្មាធិការ​បក្ខភាគ​ ប្រធាន​ក្រុមប្រឹក្សាភិបាល​​សាកល​វិទ្យាល័យ​ត្រា​វិញ; លោកស្រីបណ្ឌិត Thach Thi Dan សមាជិកគណៈអចិន្ត្រៃយ៍នៃគណៈកម្មាធិការបក្ខភាគ​ សាកលវិទ្យាធិការរងនៃសាកល​វិទ្យាល័យ​ត្រា​វិញ; លោក Tran Hoan Kim ប្រធានក្រុមប្រឹក្សាពិគ្រោះ​ ព្រម​ជា​មួយ​នឹង​​អតីតថ្នាក់ដឹកនាំសាលា​គ្រប់​ជំនាន់​ និងតំណាងថ្នាក់ដឹកនាំនៃអង្គភាពចំណុះ​សាលា។

សាលា​ភាសា - វប្បធម៌ - វិចិត្រសិល្បៈ ខ្មែរ​ណាម​បូ​និងមនុស្សសាស្ត្រ មានមុខងារបណ្តុះបណ្តាលកម្រិតឧត្តមសិក្សា និង​ធ្វើ​ការ​ស្រាវ​ជ្រាវ​វិទ្យាសាស្ត្រ និងបច្ចេកវិទ្យា បម្រើសហគមន៍ក្នុងវិស័យភាសា វប្បធម៌ និងវិចិត្រ​សិល្បៈខ្មែរណាម​បូ​ និង​មនុស្សសាស្ត្រ ក៏​ដូច​ជា​​វិស័យ​ផ្សេងៗទៀត​​ដែល​ពាក់​ព័ន្ធនឹង​មុខងារ ភារកិច្ចដែលបានកំណត់​តាមបទ​បញ្ញត្តិ​ស្តីពីការរៀបចំ និងសកម្មភាព​របស់សាកលវិទ្យាល័យត្រា​វិញ​ និងក្រឹត្យ​ច្បាប់ដែល​ពាក់ព័ន្ធ។

រចនាសម្ព័នរបស់សាលារួម​មាននាយកសាលា នាយករង;ក្រុម​ប្រឹក្សា​វិទ្យាសាស្ត្រ និងបណ្តុះបណ្តាល; ក្រុមប្រឹក្សាពិគ្រោះ​; ការិយាល័យសាលា; មហាវិទ្យាល័យនានា មជ្ឈមណ្ឌលនិង​អង្គភាព​ឯទៀត​ចំណុះ​សាលា។

លោកស្រី​បណ្ឌិត Ngo So Pheត្រូវ​បានតែងតាំងជានាយកសាលា; លោកស្រី​បណ្ឌិត Nguyen Thi Hue, លោកស្រីបណ្ឌិត Nguyen Thi Phuong Nam, លោកស្រីអនុបណ្ឌិត Lam Thi Bach Tuyet និង លោកបណ្ឌិត​ Lieu Thanh Tam ត្រូវ​បានតែង​តាំង​ជានាយករង។ ទន្ទឹមនឹងនោះនៅ​​ទាំងតែងតាំងថ្នាក់ដឹកនាំការិយាល័យ ព្រឹទ្ធ​បុរស​នៃ​បណ្ដា​មហាវិទ្យាល័យ និងនាយក នាយក​រង​នៃ​មជ្ឈមណ្ឌល​ ក្នុង​អាណត្តិកាល ឆ្នាំ​២០២១ - ២០២៥។

យោងតាមច្បាប់ សាលាដែល​ចំណុះសាកលវិទ្យាល័យ​​បានបង្កើតឡើងដោយការសម្រេចចិត្តរបស់ក្រុមប្រឹក្សាភិបាល​សាលា ហើយក៏មិនមែនជាគ្រឹះស្ថានឧត្តមសិក្សាថ្មីនោះដែរ។ ទាំងនេះគ្រាន់តែជាសាលាបណ្តុះបណ្តាលដូចនឹងមហាវិទ្យាល័យ ម៉្លោះហើយ​សាលា​គ្មាន​សិទ្ធិផ្តល់សញ្ញាប័ត្រឡើយ គឺគ្រាន់តែអនុវត្តមុខងារគ្រប់គ្រងបណ្តុះបណ្តាលតែប៉ុណ្ណោះ​ សាកល​វិទ្យាល័យ​ត្រាវិញ​ជា​អង្គភាព​ផ្ដល់​សញ្ញាបត្រ។

ដូច្នេះហើយ ការ​ជម្រើស​និស្សិត​នៃ​សាកលវិទ្យាល័យ​ត្រា​វិញ​នៅតែរក្សា​ដូចរាល់ឆ្នាំ និងអនុវត្ត​ទៅ​តាម​ការ​កំណត់​នៃ​បទបញ្ញត្តិស្តីពីការជម្រើស​និស្សិត​ថ្នាក់​បរិញ្ញាបត្រ​ និង​បរិញ្ញា​បត្រ​រង​ថ្នាក់​អប់រំ​កុមារ​ នៃ​ក្រ​សួង​អប់រំ​និង​បណ្ដុះ​បណ្ដាល។

ពត៌មាន​ដោយ៖ Hoang Nam

ប្រែ​សម្រួលដោយ៖ Sa Phone

ទីតាំង​របស់​អ្នក៖ ទំព័រដើម ព័ត៌មាន បង្កើតសាលាភាសា - វប្បធម៌ - វិចិត្រសិល្បៈ ខ្មែរណាមបូនិងមនុស្សសាស្ត្រ