និស្សិតចុះកម្មសិក្សា Co-op នៅសហគ្រាសផ្នែកឡូជីស្ទិចនិងពាណិជ្ជកម្មអេឡិចត្រូនិច
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 29 ឧសភា 2023
- ចុចដង៖ 202
(TVU) - ថ្ងៃទី១៧ខែឧសភាឆ្នាំ២០២៣ មជ្ឈមណ្ឌលបណ្ដុះបណ្ដាលLogistics និងពាណិជ្ជកម្មអេឡិចត្រូនិចនៃសាកលវិទ្យាល័យត្រាវិញ(CLEC) បានបញ្ជូននិស្សិតចុះកម្មសក្សា Co-op នៅកំពង់ផែកឹនធើ និងកំពង់ផែហូវយ៉ាង ព្រមទាំងធ្វើការជាមួយបណ្ដាសហគ្រាសក្នុងវិស័យ Logistics នៅទីក្រុងកឹនធើ.
គណៈនាយកកំពង់ផែកឹនធើនិងមជ្ឈមណ្ឌលបណ្ដុះបណ្ដាលLogistics និងពាណិជ្ជកម្មអេឡិចត្រូនិចធ្វើការដោះដូរទទួលនិស្សិតចុះកម្មសិក្សា Co-op
លើកនេះមាននិស្សិតចំនួន១០រូបជំនាញខាង Logistics និងការគ្រប់គ្រងខ្សែសង្វាក់ផ្គត់ផ្គង់ (DA20QLDL) ចុះកម្មសិក្សានៅក្រុមហ៊ុនភាកហ៊ុនកំពង់ផែកឹនធើ (រួមទាំងកំបង់ផែកៃគុយ និងកំពង់ផែហ្វាងយ៉ីវ) និងក្រុមហ៊ុនទទួលខុសត្រូវមានកម្រិត សេវាកម្មដឹកជញ្ជូនផ្លូវសមុទ្រ ហូវយ៉ាង VIMC។
លោកស្រីបណ្ឌិត Le Thi Thu Diem នាយកមជ្ឈមណ្ឌលLogistics និងពាណិជ្ជកម្មអេឡិចត្រូនិចនៃសាកលវិទ្យាល័យត្រាវិញបានឲ្យដឹងថា៖ កម្មសិក្សា Co-op នៅសហគ្រាសជាកម្មវិធីមួយ ដែលនិស្សិតត្រូវបានបណ្ដុះបណ្ដាលដូចបុគ្គលិកផ្លូវការ ក្រោមការណែនាំរបស់កម្មាភិបាលប្រចាំតាមអង្គភាពផ្ទាល់ និងគ្រូបង្រៀននៃមជ្ឈមណ្ឌល CLEC។ និស្សិតនឹងបានស្វែងយល់ ធ្វើស្គាល់ជាមួយបរិស្ថានការងារជាក់ស្ដែងដែលប្អូនៗកំពុងសិក្សាមុខជំនាញដូចជា៖ ធ្វើសំណុំលិខិតនៃការនាំចេញនាំចូល; លិខិតប្រគល់និងទទួលមុខទំនិញ ធានារ៉ាប់រងមុខទំនិញ; សេវាកម្មផ្គត់ផ្គង់ធានារ៉ាប់រងមុខទំនិញនាំចេញនាំចូល; ប្រតិវេទន៍គយ; សំណុំបែបបទប្រគល់និងទទួលមុខទំនិញ; ជំហ៊ានក្នុងការប្រគល់និងទទួលមុខទំនិញ។ល។ សម្បូរបែបដោយសេវាកម្មផ្សេងៗគ្នាទៅតាមតម្រូវការរបស់បណ្ដាសហគ្រាសនាំចេញ នាំចូលនាពេលបច្ចុប្បន្ន។
មជ្ឈមណ្ឌលបណ្ដុះបណ្ដាលLogistics និងពាណិជ្ជកម្មអេឡិចត្រូនិចនិងគណៈនាយកកំពង់ផែ កឹនធើ ថតរូបអនុស្សាវរីយ៍
គណៈនាយកក្រុមហ៊ុនសេវាកម្មដឹកជញ្ជូនផ្លូវសមុទ្រហូវយ៉ាង (VIMC) និងមជ្ឈមណ្ឌលបណ្ដុះបណ្ដាលLogistics និងពាណិជ្ជកម្មអេឡិចត្រូនិចធ្វើការដោះដូរទទួលនិស្សិតចុះកម្មសិក្សា Co-op
លោក Pham Minh Tuan នាយករងក្រុមហ៊ុនទទួលខុសត្រូវមានកម្រិតសេវាកម្មដឹកជញ្ជូនផ្លូវសមុទ្រហូវយ៉ាង បានឲ្យតម្លៃខ្ពស់លើកម្មវិធីចុះកម្មសិក្សា Co-op ផ្នែក Logistics របស់សាលា ព្រមទាំងសង្ឃឹមថានិស្សិតត្រូវតែម្ចាស់ការក្នុងការងារ ធ្វើការដោយម៉ឺងម៉ាត់ ឧស្សាហ៍ព្យាយាម និងក្ដាប់បាននូវចំណេះដឹងមុខជំនាញ ជាពិសេសគឺបំណិនបែងបទដោះស្រាយការងារ។
គណៈនាយកកំពង់ផែហូវយ៉ាង និងមជ្ឈមណ្ឌលបណ្ដុះបណ្ដាលLogistics និងពាណិជ្ជកម្មអេឡិចត្រូនិច ថតរូបអនុស្សាវរីយ៍
ប្អូន Chau Ngoc Han និស្សិតថ្នាក់បរិញ្ញាបត្រគ្រប់គ្រងសេវាកម្ម Logistics ឆ្នាំ២០២០ កំពុងចូលរួមចុះកម្មសិក្សានៅក្រុមហ៊ុនភាគហ៊ុនកំពង់ផែកឹនធើបានអោយដឹងថា៖ “ក្នុងរយៈកាលចុះកម្មសិក្សា ប្អូននឹងខិតខំបំប៉ននិងសិក្សាបន្ថែមនូវចំណេះដឹង បំណិនការងារ ក៏ដូចជាបង្កើនសមត្ថភាពទំនាក់ទំនងដោយភាសាអង់គ្លេសរបស់ខ្លួន។ ក្រៅពីនោះ ប្អូនបានលោកគ្រូ អ្នកគ្រូនិងបងៗក្នុងក្រុមហ៊ុនណែនាំដោយសុទ្ធចិត្ត ហេតុនេះហើយប្អូនក៏ឃើញនូវចំណុចអន់របស់ខ្លួនដើម្បីផ្លាស់ប្ដូរនិងជឿជាក់លើអ្វីដែលខ្លួនបានជ្រើសរើស”។
រសៀលក្នុងថ្ងៃដដែល ក្រុមការងារ CLEC បានជួបជុំនិងដោះដូរសហការជាមួយគណៈនាយកក្រុមហ៊ុនដឹកជញ្ជូនផ្លូវសមុទ្រ MeKong Agenty លើវិស័យសិក្សាស្រាវជ្រាវបង្ហាត់បង្រៀនចំណេះដឹងអំពីសេវាកម្មផ្គត់ផ្គង់ធានារ៉ាប់រងមុខទំនិញនាំចេញ នាំចូល; ប្រតិវេទន៍គយ; ជំហ៊ានក្នុងការប្រគល់និងទទួលមុខទំនិញ ក្នុងកម្មវិធីបណ្ដុះបណ្ដាលមុខជំនាញ Logistics និងការគ្រប់គ្រងខ្សែសង្វាក់ផ្គត់ផ្គង់។
មជ្ឈមណ្ឌល CLEC ដោះដូរតម្រង់ទិសកិច្ចសហប្រតិបត្តិការក្នុងការបង្ហាត់បង្រៀនជាមួយគណៈនាយកក្រុមហ៊ុនដឹកជញ្ជូនផ្លូវសមុទ្រ MeKong Agenty
អត្ថបទដោយ៖ Hanh Nguyen
ប្រែសម្រួលដោយ៖ Son Van Dong