ឱកាសជាច្រើនសម្រាប់និស្សិតដាក់ពាក្យជម្រើសចូលរៀនថ្នាក់បរិញ្ញាបត្របែបពេញម៉ោងរហូតដល់ថ្ងៃទី២០ខែកញ្ញា
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 08 កញ្ញា 2023
- ចុចដង៖ 63
សាកលវិទ្យាល័យត្រាវិញ ប្រកាសទទួលពាក្យសុំចូលរៀនថ្នាក់បរិញ្ញាបត្របែបពេញម៉ោងឆ្នាំ២០២៣ ចាប់ពីថ្ងៃទី៩ខែកញ្ញា ដល់ថ្ងៃទី២០ ខែកញ្ញា។
សាកលវិទ្យាល័យត្រាវិញទើបតែបានប្រកាសពីការដាក់ពាក្យសុំចូលរៀនថ្នាក់បរិញ្ញាបត្របែបពេញម៉ោងលើកទីពីរឆ្នាំ២០២៣។ នេះជាឱកាសសម្រាប់បេក្ខជនដែលមិនទាន់ជាប់ឈ្មោះចូលរៀនថ្នាក់បរិញ្ញាបត្រនៅឆ្នាំ២០២៣ ឬមានបំណងចង់សិក្សាមុខជំនាញដែលពួកគេចូលចិត្តនៅសាកលវិទ្យាល័យត្រាវិញ។
បរិវេណមន្ទីរពេទ្យសាកលវិទ្យាល័យត្រាវិញបានវិនិយោគយ៉ាងទូលំទូលាយ ជាមួយនឹងសម្ភារបរិក្ខាទំនើបៗ
លើកនេះ សាកលវិទ្យាល័យត្រាវិញនឹងជម្រើសនិស្សិតបន្ថែមលើមុខជំនាញបណ្តុះបណ្តាលរបស់សាលាមានដូច៖ វិស័យបណ្ដុះបណ្ដាលផ្នែកសេដ្ឋកិច្ច ហិរញ្ញវត្ថុ គណនេយ្យ គ្រប់គ្រងរដ្ឋបាល នីតិសាស្ត្រ ជលវប្បកម្ម បសុពេទ្យ ឱកាសជាច្រើនសម្រាប់សិស្សដោយមាន ចំនួនគោលដៅច្រើនពី១00-២00 ។ លើសពីនេះទៀត ផ្នែកវិទ្យាសាស្ត្រសុខាភិបាល បច្ចេកវិទ្យា វិស្វកម្ម និងទេពកោសល្យ នៅតែមានឱកាសជាច្រើនកំពុងរង់ចាំសិស្សដាក់ពាក្យជម្រើស ដោយសម្រាប់ជំនាញនីមួយៗដល់រាប់សិបគោលដៅ។
ទាក់ទងនឹងបែបបទនៃការជម្រើសនិស្សិត សាលាអនុវត្តបែបបទជម្រើសចំនួនបីវិធី៖ វិធីជម្រើសនិស្សិតដោយយោងតាមលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៣; វិធីជម្រើសនិស្សិតដោយយោងតាមលទ្ធផលនៃការសិក្សានៅកម្រិតវិទ្យាល័យ (សៀវភៅសិក្ខាគារិក) និងវិធីជម្រើសនិស្សិតដោយគូបផ្សំលទ្ធផលប្រឡងសញ្ញាបត្រមធ្យមសិក្សាទុតិយភូមិរួមបញ្ចូលគ្នានឹងការប្រឡងទេពកោសល្យ។
តម្រូវការទូទៅសម្រាប់ការជម្រើសនិស្សិតលើកនេះ បេក្ខជនមានពិន្ទុប្រឡងត្រូវជាប់តាមកម្រិតគុណភាពនៃការចូលរៀន និងមានពិន្ទុដាក់ពាក្យជម្រើសសុំចូលរៀនចាប់ពីស្មើនិងខ្ពស់ជាងពិន្ទុទទួលយកនៃសំណុំបែបបទរបស់សាលា។
មុខជំនាញឱសថសាស្រ្តនៃសាកលវិទ្យាល័យត្រាវិញ ទើបតែបានទទួលស្គាល់គុណភាពអប់រំស្របតាមស្តង់ដារអន្តរជាតិ AUN-QA។
មុខជំនាញចំនួន១៥ត្រូវបានការទទួលស្គាល់គុណភាពអប់រំស្របតាមស្តង់ដារអន្តរជាតិ
ស្ថិតនៅតំបន់ស្នូលនៃភូមិភាគទិសនិរតី ដោយមានជនរួមជាតិខ្មែររស់នៅយ៉ាងកុះករ។បានបង្កើតឡើងនៅខែមិថុនា ឆ្នាំ២០០៦ ដោយមានការខិតខំប្រឹងប្រែងឥតឈប់ឈរក្នុងរយៈពេលដ៏ខ្លី សាកលវិទ្យាល័យត្រាវិញបានរីកចម្រើនយ៉ាងខ្លាំងទាំងពីគុណភាពបណ្តុះបណ្តាល និងបញ្ជាក់ពីជំហររបស់ខ្លួន ក្នុងការរួមចំណែកដ៏សំខាន់ៗជាច្រើនក្នុងបុព្វហេតុបណ្តុះបណ្តាលធនធានមនុស្សប្រកបដោយគុណភាពសម្រាប់ភូមិភាគនៅតំបន់វាលរាបទន្លេគឺវឡុង និងប្រទេសទាំងមូល។
ថ្មីៗនេះ យោងតាមលទ្ធផលនៃការវាយតម្លៃពីAUN – QA (ASEAN University Network – Quality Assurance) នៅខែសីហាឆ្នាំ២០២៣ កម្មវិធីសិក្សាចំនួន២ គឹកម្មវិធីសិក្សាឯកទេសឱសថសាស្ត្រ និងឯកទេសបច្ចេកទេសតេស្តវេជ្ជសាស្ត្រ នៃសាកលវិទ្យាល័យត្រាវិញសុទ្ធតែជាប់កម្រិតល្អប្រសើរនូវលក្ខណវិនិច្ឆ័យនៃស្តង់ដារ AUN – QA ។ នេះគឺជាលទ្ធផលនៃការខិតខំប្រឹងប្រែងរបស់គ្រូនិងសិស្សនៃសាកលវិទ្យាល័យត្រាវិញតែងតែឆ្ពោះទៅក្នុងការលើកកម្ពស់គុណភាពបណ្ដុះបណ្ដាល កិច្ចការស្រាវជ្រាវវិទ្យាសាស្ត្រ និងសេវាកម្មបម្រើសហគមន៍ និងការទំនួលខុសត្រូវចំពោះសង្គម។
ការសម្រេចបានជោគជ័យនៃកម្មវិធីសិក្សាទាំងពីរនេះបានបង្កើនកម្មវិធីសិក្សារបស់សាកលវិទ្យាល័យត្រាវិញដែលជាប់ចំណាត់ថ្នាក់ស្ដង់ដាអន្តរជាតិឡើងទៅចំនួន១៥ ហើយក៏បានធ្វើឱ្យសាកលវិទ្យាល័យត្រាវិញក្លាយជាសាកលវិទ្យាល័យឈានមុខគេនៅតំបន់វាលរាបទន្លេគឺវឡុងដោយមានកម្មវិធីសិក្សាគុណភាពខ្ពស់ស្របតាមស្ដង់ដារអន្តរជាតិដូចជា FIBAA, AUN-QA។
បច្ចុប្បន្ននេះ សាកលវិទ្យាល័យត្រាវិញមានកម្មវិធីសិក្សាចំនួន១៥ត្រូវបានទទួលស្គាល់គុណភាពបណ្ដុះបណ្ដាលស្របតាមស្តង់ដារអន្តរជាតិ ហើយក៏បានធ្វើឱ្យសាកលវិទ្យាល័យត្រាវិញក្លាយជាសាកលវិទ្យាល័យឈានមុខគេនៅតំបន់វាលរាបទន្លេគឺវឡុងដោយមានកម្មវិធីសិក្សាជាច្រើនស្របតាមស្ដង់ដារអន្តរជាតិ
កម្មវិធីសិក្សាចំនួន៧នៃសាកលវិទ្យាល័យត្រាវិញត្រូវបានទទួលស្គាល់គុណភាពអប់រំស្របតាមស្តង់ដារអន្តរជាតិAUN-QAគឺបរិញ្ញាបត្រកសិកម្ម បរិញ្ញាបត្រជលវប្បកម្ម បរិញ្ញាបត្របសុពេទ្យនៃមហាវិទ្យាល័យកសិកម្មនិងវារីវប្បកម្ម; បរិញ្ញាបត្រគិលានុបដ្ឋាក បរិញ្ញាបត្រឱសថសាស្ត្រ និងបរិញ្ញាបត្របច្ចេកទេសតេស្តវេជ្ជសាស្ត្រនៃមហាវិទ្យាល័យវេជ្ជសាស្ត្រនិងឱសថសាស្ត្រ និងបរិញ្ញាបត្រភាសាខ្មែរនៃមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូនិងមនុស្សសាស្ត្រ។
ទន្ទឹមនឹងនោះ នៅកម្មវិធីសិក្សាសម្រេចបានស្ដង់ដារ FIBAA មានកម្មវិធីសិក្សាចំនួន៧គឺបរិញ្ញាបត្រគ្រប់គ្រងពាណិជ្ជកម្ម បរិញ្ញាបត្រសេដ្ឋកិច្ច បរិញ្ញានីតិសាស្ត្រ បរិញ្ញាបត្រគណនេយ្យ និងបរិញ្ញាបត្រហិរញ្ញវត្ថុ-ធនាគារ បរិញ្ញាបត្រជានន់ខ្ពស់គ្រប់គ្រងពាណិជ្ជកម្ម បរិញ្ញាបត្រជានន់ខ្ពស់គ្រប់គ្រងសេដ្ឋកិច្ច និងបរិញ្ញាបត្របចេ្ចកវិទ្យាពត៌មានទើបតែបានទទួលស្គាល់ស្របតាមស្តង់ដារអន្តរជាតិ ABET។ សព្វថ្ងៃនេះសាលានឹងបន្តការដាក់អោយវាយតម្លៃគុណភាពអប់រំស្របតាមស្តង់ដារអន្តរជាតិនូវមុខជំនាញឯទៀត។
ថ្នាក់ដឹកនាំសាលាក្នុងវេទិកាចុះហត្ថលេខាលើអនុស្សរណៈនៃការយោគយល់គ្នាដើម្បីលើកកម្ពស់កិច្ចសហប្រតិបត្តិការអន្តរជាតិនៅសាកលវិទ្យាល័យត្រាវិញ។
ផ្សារភ្ជាប់យ៉ាងជិតស្និទ្ធជាមួយអាជីវកម្ម បើកទូលាយឱកាសការងារ
ថ្នីៗនេះ សាកលវិទ្យាល័យត្រាវិញត្រូវបានជាប់ចំណាត់ថ្នាក់ទី៤៣/១០០របស់ WURI Ranking ឆ្នាំ២០២៣ ដែលជាសាកលវិទ្យាល័យមានឥទ្ធិពលនិងការចូលរួមយ៉ាងសកម្មចំពោះសង្គម (កើនឡើង១៩ថ្នាក់ធៀបនឹងឆ្នាំ២០២២) និងជាប់ចំណាត់ថ្នាក់ទី ១១/៥០អំពីតម្លៃនៃការបណ្ដុះធុរកិច្ចថ្មីនិងនវានុវត្តន៍(Entrepreneurial Spirit)។ ជាប់ចំណាត់ថ្នាក់ទី ៣៤/៥០អំពីកិច្ចសហប្រតិបត្តិការនិងដោះដូរនិស្សិតអន្តរជាតិ ក៏ដូចជាឱកាសនៃការដោះដូរនិស្សិតក្នុងការសិក្សាជាមួយបណ្ដាគ្រឹះស្ថានបណ្ដុះបណ្ដាលនៅក្រៅប្រទេស។ ជាប់ចំណាត់ថ្នាក់ទី ១៨/៥០អំពីការតភ្ជាប់ឌីជីថល និងជាប់ចំណាត់ថ្នាក់ទី ២៩/៥០ពីការគ្រប់គ្រងនៃការបម្រែបម្រួល និងអភិវឌ្ឍន៍ស្ថេរភាព។ ជាប់ចំណាត់ថ្នាក់ទី ៤៥/៥០អំពីការអនុវត្តវិទ្យាសាស្ត្របច្ចេកវិទ្យា។
សាកលវិទ្យាល័យត្រាវិញជានិច្ចកាលបន្តបេសកកម្មផ្ដល់កម្មវិធីបណ្តុះបណ្តាលចម្រុះគ្រប់កម្រិត តភ្ជាប់ពហុជំនាញចាប់ពីថ្នាក់បរិញ្ញាបត្រដល់បរិញ្ញាបត្រជាន់ខ្ពស់ ដើម្បីឆ្លើយតាមតាមតម្រូវការនៃការសិក្សាពេញមួយជីវិត យកចិត្តទុកដាក់ចំពោះជនជាតិភាគតិច ស្ត្រីភេទ និងសហគមន៍ប្រជាជនដែលមានតម្រូវការពិសេស។បង្កើតភាពជិតស្និទ្ធផ្សារភ្ជាប់ជាមួយនឹងអាជីវកម្ម និងអង្គភាពជ្រើសរើសបុគ្គលិក ឆ្ពោះទៅគោលបំណងពង្រីកឱកាសការងារ បង្កើនគុណភាពបណ្តុះបណ្តាលដើម្បីឆ្លើយតបនឹងតម្រូវការជាក់ស្ដែងរបស់សង្គម។
ពត៌មានលម្អិតសូមមើលសេចក្ដីជូនដំណឹងមុខជំនាញជម្រើសនិស្សិតលើកទី២កាន់គេហទំព័រ៖ https://www.tvu.edu.vn/thong-bao-xet-tuyen-dai-hoc-he-chinh-quy-dot-2-nam-2023/. បេក្ខជនដាក់ពាក្យជម្រើសនិស្សិតតាមអនឡាញកាន់គេហទំព័រ៖ https://xettuyen.tvu.edu.vn/.
|
ជាច្រើនឆ្នាំបន្តបន្ទាប់សាកលវិទ្យាល័យឋិតក្នុងក្រុម២០០សាកលវិទ្យាល័យបៃតង និងស្និទ្ធស្នាល - UI GreenMetric Ranking។ សាកលវិទ្យាល័យត្រាវិញក៏បានធ្វើដំណើរការដោយអនុវត្តនូវប្រព័ន្ធគ្រប់គ្រងផ្នែកគុណភាពតាមស្ដង់ដារ ISO 9001-2000 ចាប់ពីឆ្នាំ២០០៦ ISO 9001-2008, ISO 9001-2015។ |
ប្រែសម្រួលដោយ៖ Sa Phone
