វាយតម្លៃមកពីខាងក្រៅតាមកាលកំណត់នៃប្រព័ន្ធគ្រប់គ្រងគុណភាពតាមស្តង់ដារ ISO 9001:2015 ឆ្នាំ ២០២៣
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 12 កញ្ញា 2023
- ចុចដង៖ 22
(TVU) – នៅថ្ងៃទី៣០ ខែសីហា ឆ្នាំ២០២៣ គណៈកម្មការវាយតម្លៃមកពីខាងក្រៅរបស់អង្គការ Bureau Veritas Certifications Vietnam (BVC) បានវាយតម្លៃតាមកាលកំណត់នូវប្រព័ន្ធគ្រប់គ្រងគុណភាពតាមស្តង់ដារ ISO 9001:2015 ឆ្នាំ២០២៣ របស់សាកលវិទ្យាល័យត្រាវិញ។
គណៈកម្មការវាយតម្លៃមកពីខាងក្រៅ ដឹកនាំដោយលោក Pham Phi Long ធ្វើជាប្រធាន លោក Tran Vu Quynh និងលោក Le Truc Phuong ជាសមាជិកក្រុមត្រួតពិនិត្យ។
ទទួលស្វាគមន៍ និងធ្វើការជាមួយគណៈកម្មការវាយតម្លៃ មានបណ្ឌិត Thach Thi Dan សាកលវិទ្យាធិការរង និងសាស្ត្រាចារ្យរង បណ្ឌិត Diep Thanh Tung សាកលវិទ្យាធិការរង ព្រមជាមួយនឹងតំណាងថ្នាក់ដឹកនាំ អង្គភាពនានាចំណុះសាលាផងដែរ។
សាស្ត្រាចារ្យរង បណ្ឌិត Diep Thanh Tung សាកលវិទ្យាធិការរង បានគូសបញ្ជាក់ពីតួនាទីនៃសកម្មភាព វាយតម្លៃតាមកាលកំណត់នៃប្រព័ន្ធគ្រប់គ្រង គុណភាពតាមស្តង់ដារ ISO 9001:2015 ក្នុងការឧបត្ថម្ភការធានា កែលម្អគុណភាពជាប្រចាំ និងបន្តបន្ទាប់របស់សាលា ព្រមទាំងសន្យាសហការអនុវត្តម៉ឺងម៉ាត់ និងរក្សាប្រសិទ្ធភាពស្តង់ដារ ISO 9001:2015 ។
គណៈកម្មការវាយតម្លៃមកពីខាងក្រៅ បានអនុវត្តវាយតម្លៃនូវខ្លឹមសារឆ្លងតាមរយៈការពិនិត្យឯកសារ សំណុំលិខិត និងភស្តុតាង; ទស្សនានិងត្រួតពិនិត្យមូលដ្ឋានសម្ភារៈ; ពិនិត្យមើលលក្ខណៈធ្វើការ ការបង្ហាត់បង្រៀន ការស្រាវជ្រាវ រៀនសូត្រ និងការរស់នៅរបស់កម្មាភិបាល គ្រូឧទ្ទេស និងនិស្សិតសាលា; ពិនិត្យសម្ភារៈ ឧបករណ៍បម្រើការអនុវត្ត និងពិសោធន៍; ពិនិត្យពិច័យនូវផ្នែកទន់បម្រើការគ្រប់គ្រង បង្ហាត់បង្រៀន; ធ្វើការជាមួយអ្នកដឹកនាំសាលា; សម្ភាស និងប្រមូលមតិពីអង្គភាពនានាចំណុះសាលា។
ក្នុងពិធីបិទកិច្ចប្រជុំ តំណាងគណៈកម្មការវាយតម្លៃមកពីខាងក្រៅ លោក Pham Phi Long បានកត់សម្គាល់ នូវលទ្ធផល ដែលសាកលវិទ្យាល័យ សម្រេចបានក្នុងការចាត់តាំងបណ្តុះបណ្តាល ការងារគ្រប់គ្រង និងផ្គត់ផ្គង់សេវាកម្មរបស់សាលានាពេលកន្លង និងដាក់ចេញនូវសំណើសំខាន់ៗ ដើម្បីសាលា ជម្នះនូវចំណុចកង្វះខាតដែលកំពុងនៅមាន។ លោកសង្ឃឹមថា បន្ទាប់ពីដំណើរការវាយតម្លៃ សាសានឹងកាន់តែរក្សាមានប្រសិទ្ធភាពជាងទៀតនៃប្រព័ន្ធគ្រប់គ្រងគុណភាពតាមស្តង់ដារ ISO 9001:2015 នាពេលខាងមុខ។
បណ្ឌិត Thach Thi Dan សាកលវិទ្យាធិការរង បានថ្លែងអំណរគុណចំពោះគណៈកម្មការវាយតម្លៃមកពីខាងក្រៅ ដែលបានរួមដំណើរ ជាមួយនឹងសាលា ក្នុងសកម្មភាពវាយតម្លៃគុណភាពគ្រឹះស្ថានអប់រំ និងកម្មវិធី បណ្តុះបណ្តាល នៅសាលា។ សាកលវិទ្យាល័យត្រាវិញបន្តខិតខំអភិវឌ្ឍ និងកែលម្អការផ្តល់ មតិយោបល់របស់គណៈកម្មការ និងកាន់តែលើក កម្ពស់គុណភាពបណ្តុះបណ្តាល ជាងទៀតនៅសាលា ដើម្បីបម្រើដល់សហគមន៍។
អត្ថបទដោយ៖ Hanh Nguyen
ប្រែសម្រួលដោយ៖ So Phune
