មហាវិទ្យាល័យសេដ្ឋកិច្ចនីតិសាស្រ្ត៖ សន្និសីទបង្កើនគុណភាពបណ្ដុះបណ្ដាលថ្នាក់ក្រោយបរិញ្ញាបត្រ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 29 វិច្ឆិកា 2023
- ចុចដង៖ 136
TVU - ថ្ងៃទី១៨ខែវិច្ឆិកា មហាវិទ្យាល័យសេដ្ឋកិច្ច នីតិសាស្រ្តនៃសាកលវិទ្យាល័យត្រាវិញបានចាត់តាំងសន្និសីទបង្កើនគុណភាពបណ្ដុះបណ្ដាលថ្នាក់ក្រោយបរិញ្ញាប័ត្រ អាស្រ័យដោយលោកសាស្រ្តាចារ្យរង បណ្ឌិត Nguyen Van Nguyen នាយកសាលាធ្វើជាអធិបតីនៃអង្គសន្និសីទ។
សន្និសីទបានប្រមូលផ្ដុំបណ្ឌិតជាង៥០រូប សុទ្ធតែជាអ្នកជំនាញការផ្នែកសេដ្ឋកិច្ច គ្រប់គ្រងធុរកិច្ច នីតិសាស្រ្ត និងអតីតបេក្ខជនបណ្ឌិត បេក្ខជនបណ្ឌិតដែលកំពុងសិក្សាក្នុងសាលា។
លោកសាស្រ្តាចារ្យរង បណ្ឌិត Nguyen Van Nguyen នាយកមហាវិទ្យាល័យសេដ្ឋកិច្ច នីតិសាស្រ្តថ្លែងសុន្ទរកថាបើកអង្គសន្និសីទ
ថ្លែងសុន្ទរកថាបើកអង្គសន្និសីទ លោកសាស្រ្តាចារ្យរង បណ្ឌិត Nguyen Van Nguyen នាយកមហាវិទ្យាល័យសេដ្ឋកិច្ច នីតិសាស្រ្តមានប្រសាសន៍ថា៖ សន្និសីទគឺជាឱកាសដើម្បីអស់លោកអ្នកតំណាងពិភាក្សាវិធានការបង្កើនគុណភាពបណ្ដុះបណ្ដាលថ្នា្កក់ក្រោយបរិញ្ញាប័ត្រមុខជំនាញផ្នែកសេដ្ឋកិច្ច គ្រប់គ្រងធុរកិច្ច នីតិសាស្រ្តនៃមហាវិទ្យាល័យសេដ្ឋកិច្ច នីតិសាស្រ្តក្នុងស្ថានភាពថ្មី បង្កើតសម្ព័ន្ធភាពរវាងអ្នកជំនាញការប្រមុខឯកទេស ពលករ ជាមួយនឹងបុគ្គលិកមហាវិទ្យាល័យសេដ្ឋកិច្ច នីតិសាស្រ្ត។ នេះជាឱកាសដ៏ពិសេសសម្រាប់ជួបជុំ ដោះដូរយោបល់ ចែករំលែកព័ត៌មាននិងបង្កើតបរិយាកាសមួយជម្រុញការអភិវឌ្ឍនៃការសិក្សាស្រាវជ្រាវដល់បុគ្គលម្នាក់ៗ ផ្សារភ្ជាប់ជាមួយសហគមន៍សិក្សាស្រាវជ្រាវ។
ក្នុងអង្គសន្និបាត បណ្ដាអ្នកជំនាញការប្រមុខឯកទេសបានគប់វាល់យោបល់សំខាន់ៗជាច្រើនទាក់ទងដល់កិច្ចការចាត់តាំង គ្រប់គ្រងបណ្ដុះបណ្ដាល និងជំនួយសិក្ខាកាមក្នុងការសិក្សាស្រាវជ្រាវ ក៏ដូចជាជំហានវាយតម្លៃគុណភាពអត្ថបទស្រាវជ្រាវ ប្រធានបទស្រាវជ្រាវ និក្ខេបបទរបស់សិក្ខាកាម។ ទន្ទឹមនោះ លើកឡើងនូវកំណត់ចំណាំ បទពិសោធន៍មួយចំនួនជំនួយបេក្ខជនបណ្ឌិតមានភាពងាយស្រួលក្នុងការសិក្សាស្រាវជ្រាវ។
បណ្ឌិត Le Huynh Ngoc បានឲ្យដឹងថា ក្នុងដំណាក់កាលសរសេរនិក្ខេបបទ គ្រូណែនាំគ្រាន់តែកំណត់ទិសដៅ វិធីសាស្រ្តស្រាវជ្រាវ ក្រៅពីនោះគឺបេក្ខជនបណ្ឌិតត្រូវតែអនុវត្តដោយខ្លួនឯង។ យោងតាមបណ្ឌិត Ngoc អ្នកសិក្សាត្រូវតែមានចំណង់ចំណូលចិត្តក្នុងការសិក្សាស្រាវជ្រាវនិងរៀនសូត្រ ត្រូវប្ដេជ្ញាចិត្តនឹងប្រធានបទស្រាវជ្រាវ បែងពេលវេលាអោយបានសមស្រប តភ្ជាប់នឹងអ្នកទទួលបន្ទុកបណ្ដុះបណ្ដាលថ្នាក់ក្រោយបរិញ្ញាប័ត្រ ដើម្បីទទួលបានការជំនួយជាចាំបាច់។
បណ្ឌិត Le Thanh Tan បានស្នើដល់បេក្ខជនបណ្ឌិតទាំងឡាយត្រូវតែបង្កើនសមត្ថភាពភាសាបរទេស ចូលរួមក្នុងកិច្ចសិក្សាស្រាវជ្រាវថ្នាក់អន្តរជាតិដើម្បីបង្កើនចំណេះសាកលលោក។ល។
យោបល់ជាច្រើនរបស់បេក្ខជនបណ្ឌិតពិភាក្សាក្នុងអង្គសន្និបាតបានលើកឡើងនូវចម្ងល់ ធ្វើសំណើដល់ថ្នាក់ដឹកនាំមហាវិទ្យាល័យសេដ្ឋកិច្ចនីតិសាស្រ្ត បានសាស្រ្តាចារ្យរង បណ្ឌិត Nguyen Van Nguyen និងអង្គភាពទាក់ទិនដោះស្រាយដោយផ្ទាល់ យ៉ាងច្បាស់លាស់។
ឱកាសនេះ មហាវិទ្យាល័យសេដ្ឋកិច្ច នីតិសាស្រ្តបានចាត់តាំងពិធីជួបជុំអំណរទិវាគ្រូបង្រៀនវៀតណាមថ្ងៃទី២០ខែវិច្ឆិកា សមូហភាព បុគ្គលោក គ្រូឧទ្ទេសរបស់សាលាទទួលប័ណ្ណសរសើរជាច្រើនរបស់ប្រធានគណៈកម្មាធិការប្រជាជនខេត្ត កិត្តិនាមយុទ្ធជនប្រឡងប្រណាំងខេត្ត ប័ណ្ណសរសើររបស់សាកលវិទ្យាធិការនៃសាកលវិទ្យាល័យត្រាវិញ។
រូបភាពមួយចំនួនក្នុងអង្គសន្និសីទ
មហាវិទ្យាល័យសេដ្ឋកិច្ច នីតិសាស្រ្តទទួលប័ណ្ណសរសើររបស់ប្រធានគណៈកម្មាធិការប្រជាជនខេត្តត្រាវិញទទួលបានកិត្តិនាមសមូហភាពបំពេញការងារឆ្នើមនិងប័ណ្ណសរសើរសម្រេចភារកិច្ចឆ្នើមក្នុង០២ឆ្នាំបន្តបន្ទាប់(ឆ្នាំសិក្សា ២០២១ - ២០២២ និង ២០២២ - ២០២៣)
បុគ្កលិក និងគ្រូឧទ្ទេសមហាវិទ្យាល័យសេដ្ឋកិច្ច នីតិសាស្រ្តទទួលប័ណ្ណសរសើរយុទ្ធជនប្រឡងប្រណាំងរបស់ប្រធានគណៈកម្មាធិការប្រជាជនខេត្តត្រាវិញ
បុគ្កលិក និងគ្រូឧទ្ទេសនៃមហាវិទ្យាល័យសេដ្ឋកិច្ច នីតិសាស្រ្តទទួលប័ណ្ណសរសើររបស់ប្រធានគណៈកម្មាធិការប្រជាជនខេត្តត្រាវិញ
បេក្ខជនបណ្ឌិតចូលរួមពិភាក្សា
ទិដ្ឋភាពអង្គសន្និសីទ
អ្នកតំណាងថតរូបអនុស្សាវរីយ៍
អត្ថបទដោយ៖ Duong Vu
ប្រែសម្រួលដោយ៖ Son Van Dong