ចុះហត្ថលេខាលើកិច្ចសហប្រតិបត្តិការជាមួយក្រុមហ៊ុនទទួលខុសត្រូវមានកម្រិតវិនិយោគពាណិជ្ជកម្ម និងសាងសង់ហាយផុង
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 30 វិច្ឆិកា 2023
- ចុចដង៖ 117
(TVU) - នាថ្ងៃទី២៣ខែវិច្ឆិកាសាកលវិទ្យាល័យត្រាវិញ និងក្រុមហ៊ុនទទួលខុសត្រូវ មានកម្រិតវិនិយោគ ពាណិជ្ជកម្ម និងសាងសង់ហាយផុង (ហាណូយ) បានចុះហត្ថលេខាលើអនុស្សរណៈនៃកិច្ចសហប្រតិបត្តិការ លើវិស័យបណ្តុះបណ្តាលភាសាជប៉ុន និងជ្រើសរើសពលករ ដែលជានិស្សិតទៅធ្វើការនៅប្រទេសជប៉ុន។
សាស្ត្រាចារ្យរង បណ្ឌិត Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញនិងលោកស្រី Tran Hien នាយិកាក្រុមហ៊ុនទទួលខុសត្រូវមានកម្រិតវិនិយោគពាណិជ្ជកម្ម និងសាងសង់ហាយផុង (ហាណូយ) បានចុះហត្ថលេខាលើអនុស្សរណៈនៃកិច្ចសហប្រតិបត្តិការក្នុងការបង្រៀនភាសាជប៉ុន និងជ្រើសរើសនិស្សិតសាកលវិទ្យាល័យត្រាវិញ ទៅសិក្សា ធ្វើកម្មសិក្សា និងធ្វើការនៅក្រុមហ៊ុន សហគ្រាសនៅប្រទេសជប៉ុន។
តាមរយៈអនុស្សរណៈនៃកិច្ចសហប្រតិបត្តិការរវាងភាគីទាំងពីរ បង្កើតឱកាសសម្រាប់និស្សិតកៀតជិតបរិយាកាសធ្វើកម្មសិក្សា និងធ្វើការសមស្របនឹងជំនាញរបស់ខ្លួននៅក្រុមហ៊ុន និងគ្រុបឈានមុខ មកពីប្រទេសជប៉ុន។ ជួយឱ្យនិស្សិតអភិវឌ្ឍជំនាញវិជ្ជាជីវៈ និងចំណេះដឹង ជាក់ស្តែង ព្រមទាំងបង្កើន ឱកាសការងារសម្រាប់និស្សិតទៀតផង។
សាស្ត្រាចារ្យរង បណ្ឌិត Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញ មានប្រ សាសន៍ថា នេះជាឱកាសដ៏ល្អសម្រាប់និស្សិតនៃសាកលវិទ្យាល័យត្រាវិញទទួលបានបរិយាកាសសិក្សា និងធ្វើការប្រកបដោយវិជ្ជាជីវៈទំនើបនៅក្នុងសហគ្រាសនៃប្រទេសជប៉ុន។ កិច្ចសហប្រតិបត្តិការនេះរួមចំណែកលើកកម្ពស់គុណភាពបណ្តុះបណ្តាល និងបង្កើតឱកាសការងារ សម្រាប់និស្សិត ទន្ទឹមនឹងនោះ ជំរុញការអភិវឌ្ឍនសេដ្ឋកិច្ច-សង្គមរបស់ខេត្តត្រាវិញផងដែរ។
តាមរយៈពិធីចុះហត្ថលេខាលើអនុស្សរណៈនេះ លោកស្រី Tran Hien នាយិកាអាជីវកម្មនៃក្រុមហ៊ុន ទទួល ខុសត្រូវមានកម្រិត វិនិយោគពាណិជ្ជកម្ម និងសាងសង់ហាយផុង (ហាណូយ)សង្ឃឹមថានឹងនាំមកនូវ ផល ប្រយោជន៍ជាក់ស្តែងជាច្រើនសម្រាប់ភាគីទាំងពីរ ជាពិសេសសម្រាប់និស្សិតនៃសាកលវិទ្យាល័យ ត្រាវិញ ។
អត្ថបទដោយ៖ Thanh Hong – Quoc Vinh
ប្រែសម្រួលដោយ៖ Van Thon
