និស្សិតបរិញ្ញាបត្រគរុកោសល្យទទួលអាហារូបករណ៍ Nguyen Thanh Chim
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 07 ធ្នូ 2023
- ចុចដង៖ 135
ថ្ងៃទី២៨ ខែវិច្ឆិកា ឆ្នាំ២០២៣ អនុបណ្ឌិត Nguyen Thanh Chim បានជូនអាហារូបករណ៍ដល់និស្សិតបរិញ្ញាបត្រគរុកោសល្យ ដែលមានជីវភាពខ្វះខាតតែព្យាយាមក្នុងការសិក្សាចំនួន១៣ចំណែក ក្នុងមួយចំណែកមានតម្លៃទឹកប្រាក់២លានដុង។ អញ្ជើញចូលរួមក្នុងពិធីនេះមានបណ្ឌិត Thach Thi Dan ជាសាកលវិទ្យាធិការរងនៃសាកលវិទ្យាល័យត្រាវិញ ព្រមទាំងថ្នាក់ដឹកនាំ និងនិស្សិតចំណុះមហាវិទ្យាល័យករុកោសល្យ។
ថ្លែងចំណាប់អារម្មណ៍នាពេលទទួលបានអាហារូបករណ៍ ប្អូន Dinh Thi Dung ដែលជានិស្សិតថ្នាក់បរិញ្ញាបត្រ DA22THA មានទឹកចិត្តអរគុណយ៉ាងជ្រាលជ្រៅដល់អនុបណ្ឌិតNguyen Thanh Chimប្អូនថ្លែងថា ប្រាក់ឧបត្ថម្ភរបស់អ៊ំបានផ្តល់កម្លាំងកាយចិត្តដល់ក្មួយៗ សម្រាប់សិក្សារៀនសូត្រដើម្បីអនុវត្តនូវក្ដីប្រាថ្នារបស់ខ្លួន។ ក្មួយៗសូមសន្យាខិតខំសិក្សាព្យាយាមក្នុងកិច្ចការស្រាវជ្រាវ និងបន្តជំនះឧបស័គ្គក្នុងការសិក្សាឲ្យបានល្អ សមនឹងក្ដីសង្ឃឹមរបស់អ៊ំ និងលោកគ្រូ អ្នកគ្រូដែលមានជំនឿទុកចិត្ត ស្រឡាញ់រាប់អាន។
និស្សិត Dinh Thi Dung មានចំណាប់អារម្មណ៍រក្នុងពិធីជូនអាហារូបករណ៍
មានមេត្រីភាពជាមួយសាកលវិទ្យាល័យត្រាវិញជាង១៥ឆ្នាំប្លាយ អនុបណ្ឌិត Nguyen Thanh Chim តែងតែយកចិត្តទុកដាក់ អាណិតស្រឡាញ់និងលើកស្ទួយនិស្សិតរបស់សាលាជាច្រើនរូបក្នុងការសិក្សារៀនសូត្រ។
អនុបណ្ឌិត Nguyen Thanh Chim (ទី៧រាប់ពីខាងឆ្វេង) ជាមួយថ្នាក់ដឹកនាំសាលា និងថ្នាក់ដឹកនាំមហាវិទ្យាល័យគរុកោសល្យព្រមទាំងនិស្សិតដែលទទួលអាហារូបករណ៍
តំណាងថ្នាក់ដឹកនាំសាកលវិទ្យាល័យត្រាវិញ បណ្ឌិត Thach Thi Dan បានថ្លែងអំណរគុណយ៉ាងជ្រាលជ្រៅដល់អនុបណ្ឌិត Nguyen Thanh Chim តែងមានទឹកចិត្តស្រឡាញ់ គាំពារដល់និស្សិតមហាវិទ្យាល័យគរុកោសល្យនិងនិស្សិតផ្សេងៗទៀតនៃសាកលវិទ្យាល័យត្រាវិញ។ អ្នកគ្រូបណ្ឌិតបានផ្ដែផ្ដាំដល់និស្សិតទាំងឡាយត្រូវចេះរៀនសូត្រតាមលំអានរបស់អនុបណ្ឌិត Nguyen Thanh Chim នូវមនសិការស្នេហាជាតិ ឆន្ទៈនិងទឹកចិត្តបណ្តុះធនធានមនុស្សសម្រាប់អ្នកបន្តវេន។
អត្ថបទដោយ៖ Huynh Thi Ngoc Lan
ប្រែសម្រួលដោយ៖ Son Van Dong
