ឱកាសច្រើនក្នុងការជ្រើសរើសមុខជំនាញដែលអ្នកចូលចិត្តនៅសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 19 មីនា 2024
- ចុចដង៖ 124
សាកលវិទ្យាល័យត្រាវិញជានិច្ចកាលបន្តបេសកកម្មនៃការផ្តល់កម្មវិធីបណ្តុះបណ្តាលចម្រុះនៅគ្រប់កម្រិត រៀនបន្ត និងពហុជំនាញពីថ្នាក់បរិញ្ញាបត្រដល់ក្រោយបរិញ្ញាបត្រ ឆ្លើយតបនៃតម្រូវការនៃការសិក្សាពេញមួយជីវិត និងការយកចិត្តទុកដាក់ចំពោះជនជាតិភាគតិច ស្ត្រីភេទ និងសហគមន៍ដែលមានតម្រូវការពិសេស តភ្ជាប់យ៉ាងជិតស្និទ្ធជាមួយសហគ្រាស និងអង្គភាពជ្រើសរើសបុគ្គលិក ឆ្ពោះទៅគោលបំណងពង្រីកឱកាសការងារ និងបណ្តុះបណ្តាលប្រកបដោយគុណភាពដើម្បីឆ្លើយតបតម្រូវការជាក់ស្ដែងនៃសង្គម។
សាកលវិទ្យាល័យត្រាវិញគឺជាសាកលវិទ្យាល័យសាធារណៈដែលជម្រើសនិស្សិតទូទាំងប្រទេស (លេខកូដសាលា DVT) សាលាជម្រើសនិស្សិតចូលរៀនឆ្នាំ២០២៤ សម្រាប់មុខជំនាញថ្នាក់បរិញ្ញាបត្រចំនួន៤៧មុខជំនាញ; សម្រាប់ថ្នាក់អនុបណ្ឌិតចំនួន១៩មុខវិជ្ជា; សម្រាប់ថ្នាក់បណ្ឌិត និងឯកទេសកម្រិត១ និងឯកទេសកម្រិត២ចំនួន១០មុខជំនាញ។ សិស្សានុសិស្សមានឱកាសជាច្រើនដើម្បីជ្រើសរើសមុខជំនាញដែល ចូលចិត្តនៅសាកលវិទ្យាល័យត្រាវិញ ហើយសិក្សានៅកម្រិតខ្ពស់ជាងនេះ។
វិទ្យាស្ថានជីវបច្ចេកវិទ្យានៃសាកលវិទ្យាល័យត្រាវិញបានវិនិយោគកសាងជាង១៨០ពាន់លានដុង
ឆ្នាំនេះ សាកលវិទ្យាល័យត្រាវិញជ្រើសរើសនិស្សិតលើក្រុមមុខជំនាញ៖ កសិកម្ម និងវារីវប្បកម្ម; វិស្វកម្មបច្ចេកវិទ្យា; វិទ្យាសាស្ត្រសុខាភិបាល; សេដ្ឋកិច្ច នីតិសាស្ត្រ ឡូជីស្ទិច និងគ្រប់គ្រងធុរកិច្ច; គរុកោសល្យ; គីមីវិទ្យាអនុវត្ត; ទេសចរណ៍ សេវាកម្មភោជនីយដ្ឋាន និងសណ្ឋាគារ; ជីវបច្ចេកវិទ្យា និងបរិស្ថាន; ភាសា វប្បធម៌ វិចិត្រសិល្បៈខ្មែរណាមបូ; គ្រប់គ្រងកីឡា,…
សម្រាប់វិធីជម្រើសនិស្សិតរំពឹងទុកដូចខាងក្រោម៖
ជម្រើសនិស្សិតដោយពិនិត្យលទ្ធផលប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៤
ជម្រើសនិស្សិតដោយពិនិត្យលទ្ធផលសិក្សានៅវិទ្យាល័យ (សៀវភៅសិក្ខាគារិក)
ជម្រើសនិស្សិតដោយពិនិត្យលទ្ធផលប្រឡងវាយតម្លៃសមត្ថភាពរៀបចំដោយសាកលវិទ្យាល័យជាតិទីក្រុងហូជីមិញ។
ជម្រើសនិស្សិតចូលរៀនដោយផ្ទាល់តាមបទប្បញ្ញត្តិនៃការជម្រើសនិស្សិតចេញដោយក្រសួងអប់រំ និងបណ្តុះបណ្តាល។
ជម្រើសសិស្សនៃមហាវិទ្យាល័យត្រៀមបរិញ្ញាបត្រ - សាកលវិទ្យាល័យត្រាវិញ សាលាត្រៀមបរិញ្ញាបត្រជាតិ។
ជម្រើសនិស្សិតជាជនបរទេសបានបញ្ចប់សញ្ញាបត្រមធ្យមសិក្សាទុតិយភូមិ។
បច្ចុប្បន្ននេះ សាលាមានមុខជំនាញចំនួន១៩ ដែលត្រូវបានទទួលស្គាល់ស្របតាមស្តង់ដារអន្តរជាតិ រួមចំណែកនាំអោយសាកលវិទ្យាល័យត្រាវិញជាសាកលវិទ្យាល័យកំពូលនៅតំបន់វាលរាបទន្លេគឺវឡុង ដោយមានកម្មវិធីច្រើនបានការទទួលស្គាល់គុណភាពអប់រំអន្តរជាតិ។
សាលាមានមុខជំនាញចំនួន១៩ ដែលត្រូវបានទទួលស្គាល់ស្របតាមស្តង់ដារអន្តរជាតិ AUN-QA, FIBAA, ABET
ក្នុងនោះកម្មវិធីសិក្សាចំនួន១៩ស្របតាមស្តង់ដារអន្តរជាតិ និងកម្មវិធីសិក្សាចំនួន០១បានទទួលស្គាល់គុណភាពថ្នាក់ជាតិរួមមាន៖ កម្មវិធីសិក្សាចំនួន០៧ ដែលបានការទទួលស្គាល់ពី FIBAA របស់អឺរ៉ុប កម្មវិធីសិក្សាចំនួន១១ ដែលបានការទទួលស្គាល់តាមស្តង់ដារ AUN - QA នៃអាស៊ីអាគ្នេយ៍ និងកម្មវិធីសិក្សាចំនួន០១ ដែលស្របតាមស្តង់ដារ ABET របស់សហរដ្ឋអាមេរិក កម្មវិធីសិក្សាមុខជំនាញទន្តវទនសាស្ត្រស្របតាមស្តង់ដាររបស់ក្រសួងអប់រំ និងបណ្តុះបណ្តាល។ លើសពីនេះ សាលាកំពុងបន្តដាក់ពាក្យពិនិត្យវាយតម្លៃ ពី២០ទៅដល់២៥កម្មវិធីសិក្សាឯទៀតនាពេលខាងមុខ។
កម្មវិធីសិក្សាចំនួន១១របស់សាកលវិទ្យាល័យត្រាវិញដែលបានទទួលស្គាល់គុណភាពអប់រំស្របតាមស្តង់ដារអន្តរជាតិ AUN-QA មានដូចជា៖ កសិកម្ម វារីវប្បកម្ម បសុពេទ្យ គិលានុបដ្ឋាក បច្ចេកទេតេស្តវេជ្ជសាស្រ្ត ឱសថសាស្ត្រ ភាសាខ្មែរ បច្ចេកវិទ្យាចំណីអាហារ អនុបណ្ឌិតវប្បធម៌វិទ្យា អប់រំកុមារតូច និងភាសាអង់គ្លេស។
លើសពីនេះ កម្មវិធីសិក្សាទទួលស្គាល់គុណភាពអប់រំអន្តរជាតិ FIBAA ចំនួន០៧រួមមាន៖ គ្រប់គ្រងពាណិជ្ជកម្ម សេដ្ឋកិច្ច ច្បាប់ គណនេយ្យ និងហិរញ្ញវត្ថុធនាគារ អនុបណ្ឌិតគ្រប់គ្រងពាណិជ្ជកម្ម អនុបណ្ឌិតគ្រប់គ្រងសេដ្ឋកិច្ច។ មុខជំនាញបច្ចេកវិទ្យាពត៌មានបានទទួលស្គាល់គុណភាព ABET។
ថ្នាក់ដឹកនាំសាលាក្នុងវេទិកាចុះហត្ថលេខាលើអនុស្សរណៈនៃការយោគយល់គ្នាដើម្បីលើកកម្ពស់កិច្ចសហប្រតិបត្តិការអន្តរជាតិនៅសាកលវិទ្យាល័យត្រាវិញ
ជាឆ្នាំទី៤បន្តបន្ទាប់ ដែលសាកលវិទ្យាល័យត្រាវិញ បានស្ថិតក្នុងចំណោមសាកលវិទ្យាល័យបៃតងកំពូលទាំង២០០ អភិវឌ្ឍប្រកបដោយនិរន្តរភាព និងមានការរួមចំណែកយ៉ាងច្រើនដល់សង្គម - UI Greenmetric World University Rankings រៀបចំណាត់ថ្នាក់។ ពីរឆ្នាំជាប់ៗគ្នា សាកលវិទ្យាល័យត្រាវិញ មានកិត្តិយសបានទទួលរង្វាន់ផ្លាស់ប្តូរឌីជីថលឆ្នើម (VietNam Digital Awards-VDA) ក្នុងផ្នែកអង្គភាពបុព្វហេតុផ្លាស់ប្តូរឌីជីថលឆ្នើម។ ច្រើនឆ្នាំបន្តបន្ទាប់ បានស្ថិតក្នុងចំណោមសាលាកំពូលទាំង១០០ មានឥទ្ធិពល និងរួមចំណែកជាវិជ្ជមានដល់សង្គម តម្លៃបណ្ដុះធុរកិច្ចថ្មីនិងនវានុវត្តន៍ ផ្លាស់ប្តូរឌីជីថល និងបើកទូលាយកិច្ចសហប្រតិបត្តិការ ដោះដូរនិស្សិតអន្តរជាតិ នៅលើតារាងរៀបចំណាត់ថ្នាក់ WURI Ranking។ សាកលវិទ្យាល័យត្រាវិញក៏បានអនុវត្តនូវប្រព័ន្ធគ្រប់គ្រងផ្នែកគុណភាពតាមស្ដង់ដារ ISO 9001-2000 ចាប់ពីឆ្នាំ២០០៦ ISO 9001-2008, ISO 9001-2015។
បន្តជាប់ចំណាត់ថ្នាក់ទី៤៣/១០០របស់ WURI Ranking ឆ្នាំ២០២៣ ដែលជាសាកលវិទ្យាល័យមានឥទ្ធិពលនិងការចូលរួមយ៉ាងសកម្មចំពោះសង្គម (កើនឡើង១៩ថ្នាក់ធៀបនឹងឆ្នាំ២០២២) និងជាប់ចំណាត់ថ្នាក់ទី ១១/៥០អំពីតម្លៃនៃការបណ្ដុះធុរកិច្ចថ្មីនិងនវានុវត្តន៍(Entrepreneurial Spirit)។ ជាប់ចំណាត់ថ្នាក់ទី ៣៤/៥០អំពីកិច្ចសហប្រតិបត្តិការនិងដោះដូរនិស្សិតអន្តរជាតិ ក៏ដូចជាឱកាសនៃការដោះដូរនិស្សិតក្នុងការសិក្សាជាមួយបណ្ដាគ្រឹះស្ថានបណ្ដុះបណ្ដាលនៅក្រៅប្រទេស។ ជាប់ចំណាត់ថ្នាក់ទី ១៨/៥០អំពីការតភ្ជាប់ឌីជីថល និងជាប់ចំណាត់ថ្នាក់ទី ២៩/៥០ពីការគ្រប់គ្រងនៃការបម្រែបម្រួល និងអភិវឌ្ឍន៍ស្ថេរភាព។ ជាប់ចំណាត់ថ្នាក់ទី ៤៥/៥០អំពីការអនុវត្តវិទ្យាសាស្ត្របច្ចេកវិទ្យា។ ជាច្រើនឆ្នាំបន្តបន្ទាប់សាកលវិទ្យាល័យឋិតក្នុងក្រុម២០០សាកលវិទ្យាល័យបៃតង និងស្និទ្ធស្នាល - UI GreenMetric Ranking។
សូមទាក់ទងជាមួយយើងខ្ញុំដើម្បីបានការប្រឹក្សាពត៌មានជម្រើសនិស្សិតដូចខាងក្រោម៖
ការិយាល័យជម្រើសនិស្សិតសាកលវិទ្យាល័យត្រាវិញ
ទូរសព្ទលេខ៖ 0911.202.707 (Zalo)
Fanpage: www.facebook.com/TraVinhUniversity.TVU
សូមមើលពត៌មានកាន់គេហទំព័រ៖ https://www.tvu.edu.vn/huong-nghiep-tuyen-sinh/
អត្ថបទដោយ៖ Huynh Hanh
ប្រែសម្រួលដោយ៖ Sa Phone
