បូកសរុបកម្មវិធីទស្សនកិច្ចសិក្សារបស់សិក្ខាកាមថ្នាក់បរិញ្ញាបត្រជាន់ខ្ពស់ផ្នែកគ្រប់គ្រងការអប់រំនៅសាកលវិទ្យាល័យសាធារណៈ Southern Leyte Public University ប្រទេសហ្វីលីពីន
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 27 មីនា 2024
- ចុចដង៖ 133
នៅថ្ងៃទី២២ ខែមីនា ឆ្នាំ២០២៤ ក្រុមសិក្ខាកាមថ្នាក់បរិញ្ញាបត្រជាន់ខ្ពសផ្នែកគ្រប់គ្រងការអប់រំពីសាកលវិទ្យាល័យត្រាវិញបានបញ្ចប់កម្មវិធីទស្សនកិច្ចសិក្សា ផ្លាស់ប្ដូរវប្បធម៌ និងការសិក្សាអប់រំនៅសាកលវិទ្យាល័យសាធារណៈ Southern Leyte State (SLSU) ប្រទេសហ្វីលីពីន។
លោកបណ្ឌិត Jude A. Duarte សាកលវិទ្យាធិការនៃសាកលវិទ្យាល័យសាធារណៈSouthern Leyte លោកបណ្ឌិត Constantino Medilo Jr. សាកលវិទ្យាធិការរង ព្រមទាំងតំណាងថ្នាក់ដឹកនាំបណ្ដាអង្គភាពបានចូលរួមកម្មវិធីផងដែរ។
គណៈប្រតិភូទទួលលិខិតបញ្ជាក់បញ្ចប់ទស្សនកិច្ចសិក្សាផ្លាស់ប្ដូរការសិក្សាអប់រំនៅសាកលវិទ្យាល័យសាធារណៈ Southern Leyte State University (SLSU) ប្រទេសហ្វីលីពីន
ក្នុងឱកាសនេះ លោកបណ្ឌិត Jude A. Duarte សាកលវិទ្យាធិការ បានសម្តែងនូវសេចក្តីរីករាយចំពោះភាពជោគជ័យនៃកម្មវិធី និងបានកោតសរសើរចំពោះស្មារតីសិក្សា និងការចូលរួមយ៉ាងសកម្មរបស់សិក្ខាកាមទាំងអស់។ លោកបណ្ឌិត Jude A. Duarte បានសង្កត់ធ្ងន់ថា កម្មវិធីផ្លាស់ប្តូរគ្រូបង្រៀន និស្សិត និងដោះដូរវប្បធម៌រវាង SLSU និង TVU រួមចំណែកក្នុងការលើកកម្ពស់សមាហរណកម្មអន្តរជាតិរវាងសាលាទាំងពីរនិយាយដោយឡែក និងរវាងប្រទេសទាំងពីរនិយាយរួម។
ក្រៅពីសកម្មភាពទស្សនា និងសិក្សានៅបណ្ដាសាលាមត្តេយ្យ និងសាលាវិទ្យាល័យ នៅ Sogod និងខេត្ត Southern Leyte ដូចជា Sogod Central School (កម្រិតបឋមសិក្សា) Sogod National High School (កម្រិតអនុវិទ្យាល័យនិងវិទ្យាល័យ) និងសាលា Diverse Minds Montessori (កម្រិតមត្តេយ្យសិក្សា) ដើម្បីអង្កេត និងសិក្សាអំពីការគ្រប់គ្រងសាលា គណៈប្រតិភូបានចូលរួមអង្គសិក្ខាសាលាថ្នាក់ខេត្ត និងវេទិកាអប់រំថ្នាក់សាលាបើកទូលាយដែលរៀបចំដោយសាកលវិទ្យាល័យសាធារណៈ Southern Leyte (SLSU) ប្រទេសហ្វីលីពីន។ នៅក្នុងព្រឹត្តិការណ៍ទាំងនេះ សមាជិកចូលរួមដោយផ្ទាល់នៅក្នុងសកម្មភាពព្រឹត្តិការណ៍ ធ្វើបទបង្ហាញពីប្រធានបទស្រាវជ្រាវវិទ្យាសាស្ត្រ និងចែករំលែកបទពិសោធន៍ជាក់ស្តែងក្នុងការស្រាវជ្រាវ។
គណៈប្រតិភូចូលរួមអង្គសិក្ខាសាលា RAL Colloquium and Sharing of Best Research Practices
ជាក់ស្ដែងនៅថ្ងៃទី២១ ខែមីនា ឆ្នាំ២០២៤ គណៈប្រតិភូបានចូលរួមអង្គសិក្ខាសាលា "ARAL Colloquium and Sharing of Best Research Practices" ក្រោមប្រធានបទ "Bridgeging Research, Innovation, and Action: Pathways for a Future-Proof Quality Education"។ តាមរយៈសិក្ខាសាលានេះ សិក្ខាកាមបានសិក្សាបទពិសោធន៍ជាច្រើនក្នុងការស្រាវជ្រាវវិទ្យាសាស្ត្រ ក៏ដូចជាទទួលបានបទពិសោធន៍ជាក់ស្តែងក្នុងការដោះដូរ និងភ្ជាប់ចំណេះដឹងជាមួយមិត្តភក្តិអន្តរជាតិ។
គណៈប្រតិភូចូលរួមវេទិកាអប់រំនៅសាកលវិទ្យាល័យសាធារណៈ Southern Leyte Public University (SLSU) ប្រទេសហ្វីលីពីន
វេទិកាអប់រំដែលមានប្រធានបទ “Cutting-edged Approaches in Navigating the Demands of Education 5.0: Pathways for a Future-Proof, Resilient and Agile Educational Leadership and Management” បានប្រព្រឹត្តិឡើងនៅថ្ងៃទី២២ ខែមីនា ឆ្នាំ២០២៤ នៅឯតំបន់ Tomas Oppus ក្នុង SLSU ។ ក្នុងវេទិកានេះ គណៈប្រតិភូបានស្តាប់វាគ្មិនបង្ហាញពីវិធីសាស្រ្តធ្វើបច្ចុប្បន្នភាពបំពេញតម្រូវការនៃការអប់រំ ៥.0 ដែលបត់បែន និងតម្រង់ទិសអនាគត។
លោកបណ្ឌិត Nguyen Huy Thong អនុប្រធានវិទ្យាស្ថានអប់រំអន្តរជាតិបានថ្លែងអំណរគុណចំពោះសាកលវិទ្យាល័យសាធារណៈ Southern Leyte Public University ដែលបានបង្កលក្ខខណ្ឌ គាំទ្រ និងសម្របសម្រួលរៀបចំកម្មវិធីផ្លាស់ប្ដូរការសិក្សាអប់រំ និងវប្បធម៌ប្រកបដោយជោគជ័យ។
បញ្ចប់កម្មវិធី គណៈប្រតិភូទទួលបានបទពិសោធន៍ជាក់ស្តែងក្នុងវិស័យវប្បធម៌ ការអប់រំ ការគ្រប់គ្រងវិស័យអប់រំ ក៏ដូចជាវិធីសាស្រ្តស្រាវជ្រាវបែបវិទ្យាសាស្ត្រនៅសាកលវិទ្យាល័យសាធារណៈ Southern Leyte State (SLSU) សាលាវិទ្យាល័យដទៃទៀតនៅក្នុងខេត្ត Southern Leyte និងគ្រឹស្ថាន ស្ថាប័នមួយចំនួនផ្សេងទៀត។
រូបភាពសកម្មភាព និងទស្សនកិច្ចសិក្សាខ្លះៗរបស់សិក្ខាកាមថ្នាក់បរិញ្ញាបត្រជាន់ខ្ពស់ផ្នែកគ្រប់គ្រងការអប់រំនៅ Southern Leyte ប្រទេសហ្វីលីពីន
អត្ថបទដោយ៖ Phuong Thuy
ប្រែសម្រួលដោយ៖ Van Thon