បោះជំរំយុវជនឆ្នាំ២០២៤៖ “ជីវិតគាប់ប្រសើររបស់និស្សិត”
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 08 មេសា 2024
- ចុចដង៖ 370
(TVU) - ថ្ងៃទី២៣ ខែមីនា ឆ្នាំ២០២៤ សម្ព័ន្ធយុវជន - សមាគមនិស្សិតសាកលវិទ្យាល័យត្រាវិញចាត់តាំងបោះជំរំយុវជនឆ្នាំ២០២៤ជាមួយប្រធានបទ៖ “ជីវិតគាប់ប្រសើររបស់និស្សិត” អបអរសាទរអនុស្សាវរីយ៍៩៣ឆ្នាំនៃទិវាបង្កើតសម្ព័ន្ធយុវជនកុម្មុយនិស្តហូជីមិញ(ថ្ងៃទី២៦ខែមីនាឆ្នាំ១៩៣១ - ថ្ងៃទី២៦ខែមីនាឆ្នាំ២០២៤) អបអរសាទរមហាសន្និបាតតំណាងសម្ព័ន្ធយុវជនកុម្មុយនិស្តហូជីមិញនៃសាកលវិទ្យាល័យត្រាវិញលើកទី១០ អាណត្តិកាល ២០២៤ - ២០២៧។
កម្មវិធីបោះជំរំយុវជនឆ្នាំ២០២៤បានប្រព្រឹត្តឡើងក្នុងអំឡុងពេលពីរថ្ងៃ ២៣ និង២៤ខែមីនា ដោយមានស្ដង់ជំរំតូចៗចំនួនជាង១០០និងការចូលរួមរបស់អ្នកបោះជំរំចំនួនជាង៥០០០រូប ដែលជាសមាជិកសម្ព័ន្ធយុវជន គ្រូឧទ្ទេស និស្សិត និស្សិតមកពីកម្ពុជានិងឡាវ អ្នកស្ម័គ្រចិត្តបរទេសនិងអតីតនិស្សិត។ ក្នុងឱកាសនេះ សម្ព័ន្ធយុវជនសាកលវិទ្យាល័យត្រាវិញចាត់តាំងពិធីបញ្ចូលយុវជនឆ្នើមចំនួន១៩៧រូបឲ្យចូលក្នុងអង្គការសម្ព័ន្ធយុវជនកុម្មុយនិស្តហូជីមិញ។
លោកសាស្រ្តាចារ្យរង បណ្ឌិត Nguyen Minh Hoa អនុលេខាគណៈកម្មាធិការបក្ស សាកលវិទ្យាធិការនៃសាកលវិទ្យាល័យត្រាវិញមានប្រសាសន៍ជាមួយសមាជិកសម្ព័ន្ធយុវជននិងយុវជនមុនពេលបើកការបោះជំរំ
លោកសាស្រ្តាចារ្យរង បណ្ឌិត Nguyen Minh Hoa អនុលេខាគណៈកម្មាធិការបក្ស សាកលវិទ្យាធិការនៃសាកលវិទ្យាល័យត្រាវិញថ្លែងសុន្ទរកថាបើកការបោះជំរំ
លោកសាស្រ្តាចារ្យរង បណ្ឌិត Nguyen Minh Hoa អនុលេខាគណៈកម្មាធិការបក្ស សាកលវិទ្យាធិការនៃសាកលវិទ្យាល័យត្រាវិញប្រសិទ្ធពរការបោះជំរំយុវជនឆ្នាំ២០២៤ក្រោមប្រធានបទ៖ “ជីវិតគាប់ប្រសើររបស់និស្សិត”គឺជាព្រឹត្តិការណ៍គួររង់ចាំ ទាក់ទាញការចូលរួមយ៉ាងកុះករពីសំណាក់សមាជិកសម្ព័ន្ធយុវជន យុវជន គ្រូឧទ្ទេស និស្សិត និស្សិតកម្ពុជានិងឡាវ អ្នកស្ម័គ្រចិត្តបរទេសនិងអតីតនិស្សិត បង្កើនចំណងសាមគ្គីភាព បំប៉នបំណិនរបៀបចាត់តាំង វិធីសាស្រ្តសកម្មភាពសម្ព័ន្ធយុវជន សមាគមនិងចលនាយុវជន បង្កើតទីឋានសប្បាយរីករាយ សុវត្ថិភាព ផ្សព្វផ្សាយនូវសារដ៏ល្អប្រសើរ “យុវវ័យសាកលវិទ្យាល័យត្រាវិញសកម្ម ច្នៃប្រឌិត សាមគ្គីភាព លត់ដំសីលធម៌ ប្រាជ្ញា ឈានមុខ”។
លោកសាស្រ្តាចារ្យរង បណ្ឌិត Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញ ប្រទានជូននូវគ្រឿងឥស្សរិយយសសម្ព័ន្ធយុវជនដល់សមាជិកសម្ព័ន្ធយុវជនទើបបានបញ្ចូលជាសមាជិក
បងស្រី Le Phuong Thao សមាជិកអចិន្ត្រៃយ៍នៃសម្ព័ន្ធយុវជនខេត្ត លេខាសម្ព័ន្ធយុវជនសាលា ប្រធានសមាគមនិស្សិតនៃសាកលវិទ្យាល័យត្រាវិញថ្លែងការក្នុងពិធីបញ្ចូលសមាជិកសម្ព័ន្ធយុវជនថ្មីឆ្នាំសិក្សា ២០២៣ - ២០២៤
សមាជិកសម្ព័ន្ធយុវជនថ្មីថតរូបអនុស្សាវរីយ៍ជាមួយលោកសាស្រ្តាចារ្យរង បណ្ឌិត Diep Thanh Tung សាកលវិទ្យាធិការរង និងបងស្រី Le Phuong Thao សមាជិកអចិន្ត្រៃយ៍នៃសម្ព័ន្ធយុវជនខេត្ត លេខាសម្ព័ន្ធយុវជនសាលា ប្រធានសមាគមនិស្សិតនៃសាកលវិទ្យាល័យត្រាវិញ
ប្អូន Huynh Quoc Khanh ប្រធានស្ដង់ជំរំតូចមហាវិទ្យាល័យសេដ្ឋកិច្ច និងនីតិសាស្ត្របានចែករំលែក៖ នេះជាឱកាសដ៏អស្ចារ្យសម្រាប់ពួកប្អូនរួមគ្នាសិក្សា ដើម្បីចម្រើនវ័យវឌ្ឍនា និងមានអនុស្សាវរីយ៍ជាមួយគ្នាពេលនៅជានិស្សិត។ ការបោះជំរំយុវជនមិនត្រឹមតែជាសកម្មភាពកម្សាន្តប៉ុណ្ណោះទេ វានៅជាសកម្មភាពមានលក្ខណៈអប់រំសមាជិកសម្ពន្ធយុវជន យុវជន បង្កើតនូវទីឋានពោរពេញដោយការច្នៃប្រឌិត ទំនាក់ទំនងគ្នានិងអភិវឌ្ឍបំណិនផ្សេងៗ។
ក្នុងពិធីបើកការបោះជំរំ មូលនិធិ OPPO Me Kong ភាគខាងជើងបានរួមដំណើរនិងជូនជាអាហារូបករណ៍ចំនួន១០ចំណែកដល់និស្សិតដែលមានជីវភាពលំបាក រៀនសូត្រពូកែ មានស្នាដៃជាច្រើនក្នុងសកម្មភាពសម្ព័ន្ធយុវជននិងចលនាសិស្ស និស្សិត។
មូលនិធិ OPPO Me Kong ភាគខាងជើងជូនអាហារូបករណ៍ដល់និស្សិតក្នុងពិធីបើកការបោះជំរំ
ការបោះជំរំឆ្នាំនេះជាឱកាសបូកបញ្ចូលសកម្មភាពប្រជុំជីវភាពនយោបាយទូលំទូលាយចំពោះសមាជិកសម្ព័ន្ធយុវជន យុវជនសាកលវិទ្យាល័យត្រាវិញ កសាងអង្គការសម្ព័ន្ធយុវជន - សមាគម - ក្រុម មួយថ្ងៃកាន់តែមាំពូកែ រួមចំណែកក្នុងការឆ្លើយតបតម្រូវការនិងផលប្រយោជន៍ដ៏សមស្របរបស់យុវវ័យសាលា។ ទន្ទឹមនឹងនោះ អប់រំយុវវ័យសាកលវិទ្យាល័យត្រាវិញអំពីប្រពៃណីបដិវត្តន៍ ការស្រឡាញ់ជាតិមាតុភូមិរបស់សមាជិកសម្ព័ន្ធយុវជន។
រូបភាពមួយចំនួននៅក្នុងការបោះជំរំយុវជនឆ្នាំ២០២៤
អត្ថបទដោយ៖ Hanh Nguyen
ប្រែសម្រួលដោយ៖ Son Van Dong
រូបភាពមួយចំនួននៃសកម្មភាពបោះជំរំយុវជនឆ្នាំ២០២៤ ត្រូវបានក្លឹបSMS និងក្លឹបសារពត៌មានបង្ហោះឡើងលើ Fanpage នៃ សាកលវិទ្យាល័យត្រាវិញ
