សិស្សនិស្សិតប្រកួតនិយាយភាសាខ្មែរ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 26 មេសា 2024
- ចុចដង៖ 1494
(TVU) - កាលពីថ្ងៃទី ២០ ខែមេសា មហាវិទ្យាល័យភាសា វប្បធម៌ វិចិត្រល្បៈខ្មែរណាមបូ និងមនុស្សសាស្ត្រ នៃសាកលវិទ្យាល័យត្រាវិញបានរៀបចំកម្មវិធីប្រកួតនិយាយភាសាខ្មែរ រដូវកាលទី៣ ឆ្នាំ២០២៤ ក្រោមប្រធានបទ "សមាហរណកម្ម" ទាក់ទាញសិស្សនិស្សិតយ៉ាងច្រើនកុះករចូលរួមប្រឡង និងគាំទ្រ។
សម្ដែងសុន្ទរកថាបើកពិធីប្រឡង លោកស្រី បណ្ឌិត Ngo So Phe នាយិកាមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ និងមនុស្សសាស្ត្រ បានសង្កត់ធ្ងន់លើសារៈសំខាន់នៃភាសាខ្មែរក្នុងជីវភាពវប្បធម៌ និងសង្គមរបស់ជនរួមជាតិខ្មែរណាមបូ។
លោកស្រី បណ្ឌិត Ngo So Phe បន្តថា៖ ការប្រឡងនេះរៀបចំឡើងដើម្បីអភិរក្ស និងផ្សព្វផ្សាយអត្តសញ្ញាណវប្បធម៌ជនរួមជាតិខ្មែរណាមបូ។ ពិធីប្រឡងគឺជាទីលានដ៏មានសារៈប្រយោជន៍សម្រាប់សិស្សនិស្សិត ដើម្បីបង្ហាញពីសមត្ថភាពប្រើប្រាស់ភាសាខ្មែរយ៉ាងស្ទាត់ជំនាញ អភិវឌ្ឍបំណិនធ្វើបទបង្ហាញ បំណិននិយាយចំពោះសាធារណៈ ព្រមទាំងបំប៉នទំនុកចិត្ត និងបំណិនត្រិះរិះពិចារណ៍ និងវោហារសាស្ត្រសម្រាប់សិស្សនិស្សិត។
ពិធីប្រឡងឆ្នាំនេះមានការចូលរួមពីបេក្ខជនជិត៨០នាក់ ដែលមកពីសាលាវិទ្យាល័យជនជាតិអន្តេវាសិកខេត្តត្រាវិញ បាកលីវ កឹនធើ និងវិញឡុងនិងសាកលវិទ្យាល័យត្រាវិញ។ បេក្ខជនឆ្លងកាត់៣វគ្គប្រឡងរួមមាន៖ សាកសួរណែនាំវោហារសាស្ត្រប្រធានបទជ្រើសរើសខ្លួនឯង និងវោហារសាស្ត្រតាមបរិបទ។
ខ្លឹមសារប្រឡងច្បាមប្រធានបទ ដោយបង្ហាញពីចំណេះដឹងទូលំទូលាយអំពីវប្បធម៌ និងសង្គមរបស់ជនរួមជាតិខ្មែរណាមបូ។ បេក្ខជនប្រឡងមិនត្រឹមតែបានបង្ហាញពីគំនិតផ្ទាល់ខ្លួនអំពីតួនាទី និងភារកិច្ចរបស់យុវជនខ្មែរក្នុងការកសាង និងអភិវឌ្ឍប្រទេសជាតិប៉ុណ្ណោះ ថែមទាំងបានបង្ហាញពីសមត្ថភាពប្រើប្រាស់ភាសាខ្មែរយ៉ាងបត់បែន និងប្រកបដោយភាពច្នៃប្រឌិតផងដែរ។
បញ្ចប់ពិធីប្រឡង គណៈកម្មាធិការរៀបចំបានប្រគល់រង្វាន់លេខ១ ចំនួន០១រង្វាន់ រង្វាន់លេខ២ ចំនួន០១រង្វាន់ រង្វាន់លេខ៣ ចំនួន០១រង្វាន់ និងរង្វាន់លើកទឹកចិត្តចំនួន០៥រង្វាន់។ រង្វាន់ឯកជនអ្នកធ្វើបទបង្ហាញ់ល្អបំផុត០១រង្វាន់ អ្នកដោះស្រាយបញ្ហាល្អបំផុត ០១រង្វាន់ បេក្ខជនចំណាប់អារម្មណ៍បំផុត០១រង្វាន់និងរង្វាន់ឆាកសម្ដែងល្អបំផុត០១រង្វាន់។
រង្វាន់លេខ១ ជាជ័យលាភីនៃអង្គភាពសាលាវិទ្យាល័យជនជាតិអន្តេវាសិក អនុវិទ្យាល័យ វិទ្យាល័យស្រុកថ្កូវ (ត្រាវិញ); រង្វាន់លេខ ២ ជាជ័យលាភីនៃអង្គភាពសាលាវិទ្យាល័យជនជាតិអន្តេវាសិកវិញឡុង និងរង្វាន់លេខ៣ ជាជ័យលាភីនៃអង្គភាពថ្នាក់បរិញ្ញាបត្រគរុកោសល្យភាសាខ្មែរឆ្នាំ២០២១ (សាកលវិទ្យាល័យត្រាវិញ)។
នេះជាសកម្មភាពដ៏មានអត្ថន័យ បង្ហាញអំពីចំណាប់អារម្មណ៍របស់សាកលវិទ្យាល័យត្រាវិញ ក្នុងការអប់រំសិស្សនិស្សិតពីមនសិការ អភិរក្ស និងពង្រីកអត្តសញ្ញាណវប្បធម៌ជាតិ។ សាលានឹងបន្តរៀបចំសកម្មភាពដ៏មានប្រយោជន៍ជាច្រើនទៀតសម្រាប់សិស្សនិស្សិតមានឱកាសសិក្សា ប្រាស្រ័យទាក់ទង និងបំប៉នបំណិនផ្ទាល់ខ្លួន។
អត្ថបទដោយ៖ Hoang Nam – Quoc Thang
ប្រែសម្រួលដោយ៖ Van Thon