សាកលវិទ្យាល័យត្រាវិញបើកបវេសនកាលវគ្គសិក្សាខ្លីបំប៉នបំណិនមុខជំនាញគ្រប់គ្រងការិយាល័យឱ្យភ្នាក់ងាររដ្ឋបាលនៅបណ្តាស្ថាប័នរដ្ឋចំណុះខេត្ត
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 18 ឧសភា 2013
- ចុចដង៖ 1557
សាកលវិទ្យាល័យត្រាវិញបើកបវេសនកាលវគ្គសិក្សាខ្លីបំប៉នបំណិនមុខជំនាញគ្រប់គ្រងការិយាល័យឱ្យភ្នាក់ងាររដ្ឋបាលនៅបណ្តាស្ថាប័នរដ្ឋចំណុះខេត្ត
ព្រឹកថ្ងៃទី ១៤ ឧសភា ២០១៣ សាកលវិទ្យាល័យត្រាវិញបានសហការជាមួយនឹងមន្ទីរ មហាផ្ទៃខេត្តត្រាវិញចាត់តាំងបើកបវេសនកាលវគ្គសិក្សាខ្លីបំប៉នបំណិនមុខជំនាញគ្រប់គ្រងការិយាល័យឱ្យភ្នាក់ងាររដ្ឋបាលនៅបណ្តាស្ថាប័នចំណុះខេត្ត។ ចូលរួមក្នុងពិធីនេះរួមមាន លោកស្រី ផាន ធី បែណាំ - អនុប្រធានការិយាល័យនៃគណៈកម្មាធិការប្រជាជនខេត្ត, លោក ប៊ូយ វ៉ាន់ ប៊ិញ - នាយករងនៃមន្ទីរមហាផ្ទៃខេត្តត្រាវិញ, អនុបណ្ឌិត ង្វៀន តៀន យុង - សាកលវិទ្យាធិការរងនៃសាកលវិទ្យាល័យត្រាវិញ រួមជាមួយនឹងលោកគ្រូអ្នកគ្រូនៃមជ្ឈមណ្ឌលស្រាវជ្រាវវិទ្យាសាស្រ្ត និងផលិត បំរើសេវាកម្ម (CSP) ព្រមទាំងសិក្ខាកាមចំនួន ៦៩ រូបបានមកចូលរួមផងដែរ ។
អនុបណ្ឌិត ង្វៀន តៀន យុង ថ្លែងយោបល់ក្នុងពិធីបវេសនកាលនៃវគ្គសិក្សា
ថ្នាក់រៀនបានចាត់តាំងឡើងក្នុងរវាង ៣ ថ្ងៃ សមាសភាគដែលចូលរួមគឺសុទ្ធតែជាភ្នាក់ងាររដ្ឋបាលកំពុងបំរើការនៅបណ្តាការិយាល័យស្ថាប័ននិងអង្គការមហាជននានារបស់ខេត្តនិងនិគមទាំង៨។ ថ្នាក់បំប៉នវិជ្ជានេះ ដោយមានលោកវាគ្មិនមកពីវិទ្យាស្ថានរដ្ឋបាលជាតិទីក្រុងហូជីមិញនែណាំផ្ទាល់ បាននាំមកនូវចំណេះវិជ្ជា បំណិនសំខាន់ៗទាក់ទងមុខជំនាញគ្រប់គ្រងការិយាល័យ និងបំណិនរៀបរៀងអត្ថបទលើកុំព្យុទ័រ។ ម្យ៉ាងវិញទៀតក៏បានផ្តល់ជូននូវបទបញ្ញត្តិថ្មីមួយចំនួន ដើម្បីបំរើការឱ្យល្អក្នុងមុខជំនាញរបស់ខ្លួន។
លោកបណ្ឌិត ង្វៀន តៀន យុង មានប្រសាសន៍ថ្លែងអំណរគុណដល់អ្នកដឹកនាំការិយាល័យនៃគណៈកម្មាធិការប្រជាជនខេត្ត និងមន្ទីរមហាផ្ទៃ ដែលមានទំនុកចិត្តយ៉ាងមាំលើសាលាហើយក៏ជ្រើសយកសាកលវិទ្យាល័យត្រាវិញជាកន្លែងសម្រាប់បណ្តុះបណ្តាលនិងហ្វឹកហ្វឺនដល់សិក្ខាកាមទាំងឡាយ។ ព្រមជាមួយនោះដែរ លោកបានសំណូមពរអោយលោកគ្រូអ្នកគ្រូនិងសិក្ខាកាមទាំងឡាយរួមសហការគ្នា ហើយរៀបចំពេលវេលានិងកិច្ចការអោយសំស្របដើម្បីចូលរួមគ្រប់គ្រាន់ក្នុងពេលសិក្សា និងនាំមកនូវលទ្ធផលល្អបំផុត ។
ចប់វគ្គហ្វឹកហឺនសាលានឹងផ្តល់ជូននូវលិខិតបញ្ជាក់ដល់សិក្ខាកាមទាំងឡាយ ។
សមាជិកនិងសិក្ខាកាមទាំងឡាយចូលរួមក្នុងពិធីបវេសនកាល
