សាកលវិទ្យាល័យត្រាវិញទទួលអ្នកស្មគ្រចិត្ត៣រូបមកពីអង្គការ WUSC ប្រទេសកាណាដា
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 27 ឧសភា 2013
- ចុចដង៖ 1526
អង្គការឧបត្ថម្ភមហាវិទ្យាល័យពិភពលោកកាណាដា(WUSC) កំពុងសហការដើម្បីអភិវឌ្ឍកម្មវិធីកសាងគុណភាពសម្រាប់បណ្តាសាកលវិទ្យាល័យដែលជាសមាជិក ឆ្លងតាមការឧបត្ថម្ភអប់រំ និងបណ្តុះបណ្តាលធ្វើជាមធ្យោបាយដើម្បីអភិវដ្ឍសេដ្ឋកិច្ចនិងសង្គមកិច្ច។ ពិសេសជារៀងរាល់ឆ្នាំ អង្គការ WUSC បានផ្ញើអ្នកស្មគ្រចិត្តកាណាដាជាច្រើនរូបមកបំរើការងារនៅសាកលវិទ្យាល័យត្រាវិញ។
ពីខាងឆ្វេង៖ លោក David Alexander Paul Martinello - ទី 3, អនុបណ្ឌិតង្វៀនតៀនយុង – ទី 5, អ្នកស្រី Meghan McMorris – ទី 6, លោក Mamoon Chakkansuri – ទី 7
ព្រឹកថ្ងៃទី ២៤ ឧសភា ២០១៣ អនុបណ្ឌិត ង្វៀន តៀន យុង សាកលវិទ្យាធិការរងបានមានកិច្ចជួបពិភាក្សាជាមួយអ្នកស្មគ្រចិត្តកាណាដា ៣រូបមកពីអង្គការនេះ នោះគឺ៖ លោក David Alexander Paul Martinello, អ្នកស្រី Meghan McMorris និងលោក Mamoon Chakkansuri។ ពួកគាត់ជាសមាជិកមានសមត្ថភាព ជំនាញឯកទេសខ្ពស់ មកសាកលវិទ្យាល័យត្រាវិញពួកគាត់នឹងមានឱកាសបញ្ចេញទេពកោសល្យ សហការរួមជាមួយសាលាអនុវត្តនៅគោលដៅ អំពីការលើកកម្ពស់សមត្ថភាពភាសាអង់គ្លេសឱ្យគ្រូបង្រៀននិងនិស្សិត ពិសេសលទ្ធផលយូរអង្វែងនិងរួមចំណែកអភិវឌ្ឍស្ថេរភាពនោះគឺការលើកកម្ពស់ភាសាបរទេស និងវិធីសាស្ត្របង្ហាត់បង្រៀនភាសាបរទេស។ តាមផែនការលោក David Alexander Paul Martinello បំរើកិច្ចការនៅការិយាល័យសហប្រតិបត្តិការអន្តរជាតិនិងជំរុញគម្រោងការ អ្នកស្រី Meghan McMorris បំរើការនៅដេប៉ាតឺម៉ង់ភាសាអង់គ្លេស និងលោក Mamoon Chakkansuri បំរើការនៅមជ្ឈមណ្ឌលសហប្រតិបត្តិការបណ្តុះបណ្តាលអន្តរជាតិ ពួកគាត់មានរយៈពេលធ្វើការនៅសាកលវិទ្យាល័យត្រាវិញ រហូតចុងខែកក្កដា ២០១៣។
ទិដ្ឋភាពនៅអង្គជំនួប
ដំណឹងនិងរូបភាព៖ ហ្វិញសាង