គណៈប្រតិភូសាកលវិទ្យាល័យត្រាវិញបំពេញទស្សនកិច្ចនៅក្រុមហ៊ុនចំកាត់ស្បែកជើងមីផុង
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 29 ឧសភា 2013
- ចុចដង៖ 1795
ក្នុងក្របខណ្ឌបានឯកភាពនៅកិច្ចប្រជុំថ្ងៃទី ២ ឧសភា រវាងសាកលវិទ្យាល័យត្រាវិញនិងក្រុមហ៊ុនចំកាត់ស្បែកជើងមីផុង។ ព្រឹកថ្ងៃទី ២៨ ឧសភា សាកលវិទ្យាល័យត្រាវិញបានជូនសិស្ស-និស្សិតចំនួនជាង៧០រូបទៅទស្សនាផ្ទាល់នៅក្រុមហ៊ុននោះ។
គ្រូបង្រៀននិងនិស្សិតសាលាថតរូបជាមួយអ្នកតំណាងក្រុមហ៊ុន
ក្រុមហ៊ុនចំកាត់ស្បែកជើងមីផុងជាក្រុមហ៊ុនផលិតស្បែកជើងចម្បាងបំផុតនៅខេត្តត្រាវិញ បង្កើតឡើងនៅឆ្នាំ២០០៥ មានផ្ទៃដីទំហំ ៣១ ហែកតានិងមានកម្មករជាង២០ពាន់រូប។ បច្ចុប្បន្ន ផលិតផលរបស់ក្រុមហ៊ុនមាននៅបណ្តាទីផ្សារសហគមន៍អឺរុប និងទ្វីបអាមេរិកឡាទីញ។ ដំណើរទស្សនានេះ គណៈប្រតិភូបានតំណាងក្រុមហ៊ុនឧទ្ទេសនាម ណែនាំទស្សនានៅបណ្តារោងផលិត។ ឆ្លងតាមការនោះ ជួយឱ្យនិស្សិតនិងក្រុមការងារសាលា ស្វែងយល់ផ្ទាល់នូវក្បួនផលិត របៀបគ្រប់គ្រង បរិស្ថានប្រព័ន្ធផលិតកម្មមូលជុំ និងគោលនយោបាយអាទិភាពចំពោះបៀវត្សរ៍ ថ្លៃចំណាយប្រើប្រាស់ ប្រាក់បន្ថែមចំពោះការងារប៉ះពាល់ជាមួយជាតិគីមី ក៏ដូចគោលនយោបាយទាក់ទាញនិងអភិវឌ្ឍអ្នកប្រាជ្ញរបស់ក្រុមហ៊ុន។ល។ ខ្លឹមសារសំខាន់ក្នុងដំណើរទស្សនានេះ ភាគីទាំងពីរបានចុះអនុស្សរណៈព្រមព្រៀងសហការលើគ្រប់វិស័យដូចជា៖ ក្រុមហ៊ុននឹងឧបត្ថម្ភ បង្កលក្ខណៈឱ្យនិស្សិតសាលាពេលបញ្ចប់វគ្គសិក្សានឹងអាចមកបំរើការងារនៅក្រុមហ៊ុន អនុវត្តស្រាវជ្រាវ ផ្ទេរជូនបច្ចេកទេសតាមតម្រូវការ អនុវត្តបណ្តុះបណ្តាលតាមកម្មវិធី co-op នឹងសាកលវិទ្យាល័យត្រាវិញ ម្យ៉ាងវិញទៀតឧបត្ថម្ភបង្កលក្ខណៈដើម្បីឱ្យសាស្ត្រាចារ្យ និស្សិតសាលាទៅទស្សនា អនុវត្តជាក់ស្តែងនៅក្រុមហ៊ុន។ បណ្តាវគ្គទៅទស្សនាជាក់ស្តែងបានលើកកម្ពស់គុណភាពទម្រង់ទិដៅសម្រាប់និស្សិត ក៏ដូចចូលរួមលើកកម្ពស់គុណភាពអប់រំបណ្តុះបណ្តាលរបស់សាលាសមស្របនឹងតម្រូវការសង្គម។
ពិធីចុះអនុស្សរណៈរវាងសាកលវិទ្យាល័យត្រាវិញនិងក្រុមហ៊ុនចំកាត់ស្បែកជើងមីផុង(បណ្ឌិតផាមទៀតខាញ់ ខាងស្តាំ លោកឡឹម ហៀនក្វឹន ខាងឆ្វេង)
និស្សិតកំពុងទស្សនារោងផលិត
និស្សិតចូលរួមអង្គពិភាក្សាជាមួយក្រុមហ៊ុន
