សហជីពមូលដ្ឋានសាកលវិទ្យាល័យត្រាវិញបានប្រារព្ធសម័យប្រឡង ”ចំរៀងសម្រាប់កុមារ” លើកទី១ឆ្នាំ ២០១៣នាឱកាសទិវាកុមារអន្តរជាតិ ថ្ងៃទី០១ មិថុនា
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 05 មិថុនា 2013
- ចុចដង៖ 1505
ដើម្បីបង្កើតមជ្ឈដ្ឋានកំសាន្តស្អាតស្អំ និងមានប្រយោជន៏ដល់ប្អូនៗនៅឱកាសទិវាកុមារអន្តរជាតិថ្ងៃទី០១មិថុនា ក៏ដូចជាការបង្កើតទីលានកំសាន្តសម្រាប់ក្មួយៗកុមារាកុមារីដែលជាកូនកងគ្រូបង្រៀននៃសាកលវិទ្យាល័យត្រាវិញ បានជួបសំណេះសំណាល រៀនសូត្រទៅវិញទៅមក។ រាត្រីថ្ងៃទី៣១ឧសភាឆ្នាំ២០១៣កន្លង នៅសាលប្រជុំមជ្ឈមណ្ឌលអប់រំការពារជាតិ គណៈប្រតិបត្តិការសហកជិពមូលដ្ឋានសាកលវិទ្យាល័យត្រាវិញប្រារព្ធនូវសម័យប្រឡង “ចំរៀងសម្រាប់កុមារ” លើកទី០១ឆ្នាំ២០១៣ដោយសម្រេចជោគជ័យ។
មានប្រសាសន៍នៅកម្មវិធីលោកទ្រឹងឡើយសមាជិកគណៈអចិន្ត្រៃយ៍ត្រួតពិនិត្យក្រុមសហជីពមូលដ្ឋានសាកលវិទ្យាល័យត្រាវិញបាននាំយកប្រសាសន៍របស់លោកស្រី ថាច់ធីយ៉ឹន សាកលវិទ្យាធិការរងដល់ក្មួយៗកុមារថា៖ នាឱកាសទិវាកុមារអន្តរជាតិថ្ងៃទី០១មិថុនា លោកស្រីជូនពរក្មួយៗឱ្យបានសុខសប្បាយ ឈ្លាសវៃ រៀនពូកែ ស័ក្ដិសមជាកូនល្អសិស្សពូកែ ជាចៅឆ្លាតរបស់អ៊ំហូ។ ស្របឱកាសនេះដែរលោករំឮកសាឡើងវិញនូវបវេណីទិវាកុមារអន្តរជាតិ ថ្ងៃទី០១មិថុនានិងជូនពរដល់សម័យប្រឡងបានជោគជ័យល្អ។
នៅសម័យប្រឡងឆ្នាំនេះបានទាក់ទាញបេក្ខសិស្សចូលរួមប្រឡងចំនួន២៤រូបដោយមានឈុតសម្តែងច្រើនប្រភេទដូចជាចំរៀងម្នាក់ឯង ចំរៀងជាគូ របាំរាំ និងក្បាច់រាំចង្វាក់សម័យជាដើម។ តាមការឱ្យតម្លៃនៃគណៈមេប្រយោគឈុតឆាកប្រឡងឆ្នាំនេះបានឆ្លងកាត់ការហ្វឹកហាត់យ៉ាងហ្មត់ចត់ មានច្រើនឈុត សំដែងគួរជាទីចំណាប់អារម្មណ៍និង បានរកឃើញនូវសំឡេងសូរសៀងច្រៀងជាច្រើនដែលពិរោះរណ្ដំបន្សល់ទុកនៅមនោសញ្ចេតនាយ៉ាងជ្រាលជ្រៅដិតជាប់អារម្មណ៍ដល់ទស្សនិកជន។
ក្រោយពីរយៈពេលរវាង៣ម៉ោងដែលសម័យប្រឡងបានកើតឡើងយ៉ាងឱឡារិកគគ្រឹកគគ្រេងនោះ ក្មួយទាំងពីររូបគឺ ទ្រឹង ង្វៀន ង៉ុក អៀន (SBD 14) និងក្មួយ ង្វៀន ហ្វាងញ៉ឺ ហ្វា (SBD 04) បានជាប់ជ័យលាភីលេខ១ បន្តបន្ទាប់ក្រុមដែលមានអាយុ ថ្នាក់មត្តេយ្យនិងបឋមសិក្សា។ ក្រៅពីនេះគណៈចាត់តាំងបានផ្ដល់រង្វាន់លេខ២ លេខ៣ រង្វាន់លើកទឹកចិត្ត និងរង្វាន់មួយចំនួនទៀតដល់ក្មួយៗ ។
សម័យប្រឡងមិនត្រឹមតែជាការជំនួយដល់សាលានិងឪពុកម្តាយក្មួយៗបានឃើញច្បាស់ និង ការបំប៉នដល់ក្មួយៗឱ្យមានទេពកោសល្យ ផ្នែកខាងសិល្បៈនោះទេថែមទាំងជាសកម្មភាពមួយដែលមានអត្ថប្រយោជន៍ជាច្រើន សម្រាប់កុមារ ព្រោះថានេះក៏ជាការអាចជំនួយដល់កុមារអភិវឌ្ឍន៍គ្រប់វិស័យអំពីរូបរាងកាយ ចំណេះវិជ្ជា ភាសា និងមានស្មារតីស្ម័គ្រចិត្តចូលរួមបណ្ដាចលនាក្នុងសង្គម ថែមទាំងជំនួយដល់កុមារមានជំនឿចិត្ត អង់អាច់ក្លាហាន ប្រឹងប្រែងតស៊ូក្នុងជីវភាពរស់នៅ។