ទិវាបុណ្យជាតិកាណាដាលើកទី ១៤៦
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 01 កក្កដា 2013
- ចុចដង៖ 1487
រសៀលថ្ងៃទី ២៧ មិថុនា ២០១៣ សាកលវិទ្យាល័យត្រាវិញបានប្រារព្ធពិធីទិវាបុណ្យជាតិកាណាដាលើកទី ១៤៦។
ចូលរួមក្នុងកម្មវិធី រួមមានលោក Audri Mukhopadhyay អគ្គកុងស៊ុលកាណាដាប្រចាំការនៅទីក្រុង ហូ ជី មិញ និងលោកស្រី សឺន ធី អាញ់ ហុង ជាអនុប្រធាននៃគណៈកម្មាធិការប្រជាជនខេត្តត្រាវិញ ព្រមទាំងប្រធានសមាគមមិត្តភាពវៀតណាមនិងកាណាដាខេត្តត្រាវិញគឺលោកបណ្ឌិតផាម ទៀត ខាញ់ ។
លោកអគ្គកុងស៊ុល Audri Mukhopadhyay សោមនស្សរីករាយដែលបានឃើញចំណងសហប្រតិបត្តិការរវាងប្រទេសទាំងពីរមួយថ្ងៃកាន់តែល្អប្រសើរបន្តអភិវឌ្ឍជារៀងរាល់ឆ្នាំ ជាពិសេសក្នុងវិស័យពាណិជ្ជកម្មនិងអប់រំ ។
លោកស្រី សឺន ធី អាញ់ ហុង បានថ្លែងសុន្ទរកថាអបអរសាទរជូនពរដល់ប្រជាជន និងប្រទេសជាតិកាណាដាមួយថ្ងៃកាន់តែអភិវឌ្ឍសម្បូណ៌រុងរឿង។
លោកស្រីអនុប្រធានគណៈកម្មាធិការប្រជាជនខេត្តបានអោយដឹងបន្ថែមទៀតថា ក្រោយពីបំបែកខេត្តនៅឆ្នាំ ១៩៩២ រហូតមកដល់បច្ចុប្បន្ននេះ ត្រាវិញទទួលបានការឧបត្ថម្ភក៍ដ៏ប្រសើរឧត្តមរបស់រដ្ឋាភិបាលនិងប្រជាជនកាណាដា ដែលបានរួមចំណែកយ៉ាងសំខាន់ក្នុងការជំនួយខេត្តត្រាវិញក្នុងវិស័យអភិវឌ្ឍសេដ្ឋកិច្ចសង្គម ។
តំណាងអោយអ្នកដឹកនាំនិងប្រជាជនខេត្តត្រាវិញ យើងខ្ញុំកំណត់សម្គាល់ព្រមទាំងថ្លែងនូវសេចក្តីអំណរគុណយ៉ាងជ្រាលជ្រៅចំពោះរដ្ឋាភិបាលនិងប្រជាជនកាណាដា ដែលបានជំនួយនូវការឧបត្ថម្ភក៍ដ៏ប្រសើរឧត្តមនោះ ។
ការស្ថាបនានិងអភិវឌ្ឍសេដ្ឋកិច្ចសង្គមក្នុងបណ្តាឆ្នាំបន្តបន្ទាប់ខាងមុខនេះ អ្នកដឹកនាំនិងប្រជាជនខេត្តត្រាវិញមានក្តីសង្ឈឹមជានិច្ចថា នឹងទទួលបាននូវការជំនួយឧបត្ថម្ភអំពីរដ្ឋាភិបាលនិងប្រជាជនកាណាដាបន្ថែមទៀត ។
វៀតណាមនិងកាណាដាបានបង្កើតការបរទេសពេញសិទ្ធិនូវថ្ងៃទី ២១/០៨/១៩៧៣ រហូតមកដល់បច្ចុប្បន្ននេះ ប្រជាជនវៀតណាមនិងប្រជាជនកាណាដាបានក្លាយទៅជាមិត្តភាពយ៉ាងជិតស្និទ្ធនិងមានភក្កីភាពរវាងគ្នានិងគ្នា។ ប្រទេសទាំងពីនៅតែមិនបង្អង់ការរក្សានិងការពង្រីកនូវការទំនាក់ទំនងរវាងភាគីមួយថ្ងៃកាន់តែរឹងមាំ ។ ប្រជាជននិងរដ្ឋាភិបាលកាណាដាតែងតែគាំទ្រវៀតណាមក្នុងភារកិច្ចតស៊ូរំដោះប្រជាជន បង្រួបបង្រួមប្រទេសជាតិ ព្រមទាំងជួយវៀតណាមក្នុងកិច្ចការកសាងប្រទេសនិងបញ្ចូលក្នុងអង្គការអន្តជាតិ ។
លោក Audri Mukhopadhyay ព្រមទាំងលោកស្រី សឺន ធី អាញ់ ហុង នៅក្នុងពិធីដាំកូនឈើអនុស្សាវរីយ៍
លោក Audri Mukhopadhyay, លោកស្រី សឺន ធី អាញ់ ហុង, លោក ផាម ទៀត ខាញ់ដាំកូនឈើអនុស្សាវរីយ៍
លើឧទ្យាននៃសាកលវិទ្យាល័យត្រាវិញ
លោកបណ្ឌិត ផាម ទៀត ខាញ់ ជាសាកលវិទ្យាធិការនៃសាកលវិទ្យាល័យត្រាវិញ និងជាប្រធានសមាគមមិត្តភាពវៀតណាមនិងកាណាដាខេត្តត្រាវិញ បានសំដែងសេចក្តីអបអរសាទរនិងជូនពរដល់ប្រជាជននៃប្រទេសកាណាដា ព្រមទាំងមានក្តីសង្ឈឹមជានិច្ចចំពោះការទំនាក់ទំនងរវាងសាកលវិទ្យាល័យត្រាវិញនិងលោកអគ្គកុងស៊ុលកាណាដានៅទីក្រុង ហូ ជី មិញ មួយថ្ងៃកាន់តែអភិវឌ្ឍរុងរឿងនិងរឹងមាំ ។