បំប៉នបំពេញវិធីសាស្ត្របង្រៀនភាសាខ្មែរលើទូទាំងខេត្តត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 16 កក្កដា 2013
- ចុចដង៖ 1497
ត្រាវិញ, 15.7.2013 – មន្ទីរអប់រំនិងបណ្តុះបណ្តាលខេត្តត្រាវិញបានសហការជាមួយសាកលវិទ្យាល័យត្រាវិញបើកបវេសនកាលថ្នាក់បំប៉នបំពេញវិធីសាស្ត្របង្រៀនភាសាខ្មែរសម្រាប់គ្រូបង្រៀនខ្មែរនៅថ្ងៃទី ១៣ កក្កដា។ សិក្ខាកាម៥០រូប ជាគ្រូបង្រៀនកំពុងបង្ហាត់បង្រៀនភាសាខ្មែរនៅបណ្តាគ្រឹះស្ថានអប់រំទូទៅ និងមជ្ឈមណ្ឌលអប់រំជាប្រចាំរបស់ខេត្តអញ្ជើញចូលរួម។
យោងតាមលិខិតដីកាលេខ 1297/BGDĐT-GDDT ថ្ងៃទី 01/3/2013 របស់ក្រសួងអប់រំនិងបណ្តុះបណ្តាលអនុម័តិឱ្យសាកលវិទ្យាល័យត្រាវិញទទូលភារកិច្ចបំប៉នគ្រូបង្រៀនបង្ហាត់បង្រៀនភាសាខ្មែរក្នុងបណ្តាគ្រឹះស្ថានអប់រំទូទៅនិងមជ្ឈមណ្ឌលអប់រំជាប្រចាំ។
វគ្គសិក្សារួមមាន ១៦៥ ម៉ោង ក្នុងគោលបំណងបំប៉នទទូលនូវបញ្ហារួមគឺ គោលនយោបាយ វប្បធម៌ អក្សរសាស្ត្រ អក្សរសិល្ប៍ខ្មែរ វិធីសាស្ត្របង្ហាត់បង្រៀនភាសាខ្មែរ បំណិនស្តាប់ និយាយ អានសរសេរភាសាខ្មែរ។ ក្នុងកម្មវិធីសិក្សានឹងមានសកម្មភាពជាច្រើនដូចធ្វើការជាក្រុម ពិភាក្សា ដោះស្រាយបញ្ហាទៅតាមស្ថានភាពជួបប្រទះ ដោះដូរផ្ទាល់ជាមួយគ្រូដើម្បីអភិវឌ្ឍនូវបំណិន ក្រេបយកវិធីសាស្ត្រថ្មីៗ និងទទូលអារម្មណ៍ដឹងច្បាស់នូវការចាំបាច់បំប៉នចំណេះដឹងលើកកម្ពស់គុណភាពបណ្តុះបណ្តាល។
លោកស្រីអនុបណ្ឌិត ថាច់ធីយ៉ឹន សាកលវិទ្យាធិការរងនៃសាកលវិទ្យាល័យត្រាវិញ សង្ឃឹមឆ្លងតាមវគ្គសិក្សានេះ សិក្ខាកាមទាំងឡាយនឹងទទួលបានបំណិន ចំណេះដឹងមានប្រយោជន៍ដើម្បីអភិវឌ្ឍសមត្ថភាពខ្លួនឯងទាំងកាយសម្បទានិងឯកទេសជំនាញ ត្រៀមលក្ខណៈឈានចូលឆ្នាំសិក្សាថ្មីដោយប្រើប្រាស់វិធីសាស្ត្រថ្មីនិងទទូលបានប្រសិទ្ធភាបខ្ពស់បំផុត។
មានអារម្មណ៍រីករាយក្នុងថ្ងៃបើកបវេសនកាល សិក្ខាកាម គីម ចូវ ភូ សំណេះសំណាលថា៖ ក្នុងរយៈពេលសិក្សា យើងខ្ញុំទាំងឡាយជួបឧបស័គ្គជាច្រើនអំពីផ្ទះលំនៅឆ្ងាយ ជីវភាពគ្រួសារខ្វះខាត់ខ្លាំង។ ប៉ុន្តែយើងខ្ញុំរីករាយដែលទទួលបានលិខិតសេចក្តីសម្រេចចូលរួមថ្នាក់បំប៉នវិជ្ជានេះ យើងខ្ញុំនឹងខិតខំព្យាយាមនិងក្រេបនូវចំណេះវិជ្ជា វិធីសាស្ត្របង្ហាត់បង្រៀនថ្មី ដើម្បីអនុវត្តឱ្យសមស្របចំពោះអ្នកសិក្សាជាសិស្សដែលមករៀនភាសាខ្មែរ ដើម្បីនាំមកប្រសិទ្ធភាពខ្ពស់បំផុត។
លោកគៀនក្វឹន នាយករងនៃមន្ទីរអប់រំនិងបណ្តុះបណ្តាលខេត្តត្រាវិញឱ្យដឹងថា៖ វគ្គបំប៉នលើកនេះជាវគ្គសិក្សាដំបូងសម្រាប់គ្រូបង្រៀនភាសាខ្មែរនៅទូទាំងខេត្ត។ បច្ចុប្បន្នគ្រូបង្រៀនភាសាខ្មែរនៅបណ្តាគ្រឹះស្ថានទូទៅចំនួនជាង ១៥០ រូប។ ប៉ុន្តែ វគ្គសិក្សានេះតម្រូវបើកបាន១ថ្នាក់ នៅគ្រូបង្រៀនឯទៀតនឹងបានបើកថ្នាក់បំប៉នបន្តនៅលើកក្រោយ។
លោកបន្ថែមទៀតថា នេះជាសកម្មភាពជាក់ស្តែងនិងអនុវត្តនូវលិខិតសម្រេច និងគោលនយោបាយបានចេញជាធរមានដែលបក្សនិងរដ្ឋបានយកចិត្តទុកដាក់។
