វិទ្យាស្ថានបច្ចេកវិទ្យាកម្ពុជាផ្តល់អាហារូបករណ៍ពីរចំណែកសម្រាប់និស្សិតសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 02 សីហា 2013
- ចុចដង៖ 2003
ត្រាវិញ, 2.8.2013 ក្នុងក្របខណ្ឌសហប្រតិបត្តិការរវាងសាកលវិទ្យាល័យត្រាវិញ (TVU)និង វិទ្យាស្ថានបច្ចេកវិទ្យាកម្ពុជា(ITC) នៅព្រឹកថ្ងៃទី ២ សីហា ២០១៣ តំណាង ITC បានមក TVU ជ្រើសរើសនិស្សិតចូលរួមកម្មវិធីអាហារូបករណ៍ពេញទីឆ្នាំ២០១៣។
ពីខាងឆ្វេង៖ ១ លោក Moeung Noi, ៣ លោក An Bun Eng,៤ លោកង្វៀនតៀនយុង,៦លោក Soy Ty
បេក្ខជនចូលរួមមាន១២រូប មកពីគ្រប់មុខជំនាញនៃTVU ហើយពួកគេត្រូវឆ្លងកាត់ការប្រឡងក្រុម វិញ្ញាសាគណិតវិទ្យា រូបវិទ្យា និងសម្ភាសផ្ទាល់ ភាសាខ្មែរ អង់គ្លេស និងបំណិនវប្បធម៌ទូទៅ។
កម្មវិធីអាហារូបករណ៍ពេញទីឆ្នាំ២០១៣ របស់ ITC នឹងផ្តល់ជូនបេក្ខជនពីររូបដែលឆ្លងផុតសម័យប្រឡងជ្រើសរើសនេះ។
បេក្ខជនជាប់ឈ្មោះនឹងបានសិក្សានៅ ITC មួយឆ្នាំមូលដ្ឋាន រួចជ្រើសយកឯកទេសជំនាញក្នុងចំណោម៦មុខជំនាញនៃ ITC ដើម្បីសិក្សាបន្ត។
សំណេះសំណាលជាមួយលោក Soy Ty ប្រធានការិយាល័យបណ្តុះបណ្តាលបរិញ្ញា លោកឱ្យដឹងបន្ថែមថា និស្សិត TVU ពេលជាប់ឈ្មោះទៅសិក្សានៅ ITC នឹងបានរៀនជាមួយនិស្សិតកម្ពុជានៅឆ្នាំទី២ ហើយសិក្សាក្នុងរយៈពេល៤ឆ្នាំ និងទទួលសញ្ញាបត្រជាវិស្វាកររបស់ITC។
អំពីការសម្នាក់នៅ លោក An Bun Eng ប្រធានការិយាល័យសិក្សារឱ្យដឹងថា ITC បានទទួលនិស្សិត TVU ៤រូបមកហើយតាំងពីឆ្នាំ២០១១ ពួកគេបានស្នាក់នៅអន្តេវាសិកដ្ឋានដោយអត់គិតថ្លៃ និងទទួលប្រាក់ជំនួយពី ITC ចំនួន ២០០USD ជារៀងរាល់ខែ។
នេះជាកម្មវិធីនៅក្នុងចំណងមិត្តភាព សហប្រតិបត្តិការរួមអភិវឌ្ឍ។ ឆ្នាំ២០១០ TVU បានចុះហត្ថលេខាអនុស្សរណៈដំបូងជាមួយ ITC។
លោកង្វៀនតៀនយុង សាកលវិទ្យាធិការរងនៃTVU ឱ្យដឹងបម្ថែម៖ ITC និង TVU ជាដៃគូយុទ្ធសាស្ត្រ ភាគីទាំងពីរបានចុះអនុស្សរណៈជាច្រើនលើក។ ក្នុងឱកាសនេះដែរ លោកបានផ្តាំផ្ញើសួរសុខទុក្ខលោកបណ្ឌិត Om Romny និងជួនពរក្រុមការងាររបស់ ITC ប្រកបដោយជោគជ័យល្អប្រពៃ។
និស្សិត TVU កំពុងធ្វើតេស្តវិញ្ញាសាគណិតវិទ្យា
វិទ្យាស្ថានបច្ចេកវិទ្យាកម្ពុជា
ITC ជាគ្រឹះស្ថានឧត្តមសិក្សាកម្ពុជាដែលបានចាប់កំណើតតាំងពីឆ្នាំ ១៩៦៤។ វិស្វករ និងអ្នកជំនាញជាន់ខ្ពស់ជិត ១០០០០នាក់ ក្នុងវិស័យបច្ចេកវិទ្យាត្រូវបានបណ្តុះបណ្តាលនៅទីនេះ ហើយក៏បានចូលរួមយ៉ាងសកម្ម ទៅលើការស្ថាបនាឡើងវិញក្នុងការអភិវឌ្ឍន៍សេដ្ឋកិច្ច និងសង្គមរបស់ប្រទេសកម្ពុជា។
ក្នុងបរិបទបច្ចុប្បន្ននៃសាកលភាវូបនីយកម្ម និងបច្ចេកវិទ្យាថ្មីៗ គួបផ្សំនឹងការប្រឈមមុខចំពោះភាពផ្លាស់ប្តូរយ៉ាងលឿន ដែលជាចរន្តក្នុងយុគសម័យថ្មីនេះ គោលដៅដ៏សំខាន់របស់យើង គឺការកំណត់នូវតួនាទីរបស់ ITC នៅក្នុងសង្គមជាតិឱ្យស្ថិតនៅលើចំនុចប្រសព្វនៃការអភិវឌ្ឍន៍ប្រទេស និងការធ្វើឱ្យកាន់តែប្រសើរឡើងនូវប្រ័ពន្ធអប់រំក្នុងវិស័យឧត្តមសិក្សារបស់កម្ពុជា។
ហ្វិញ សាង