អង្គវេទិកាសំណេះសំណាលជាមួយសហគ្រាស«ក្នុងបីបុព្វហេតុអភិវឌ្ឍសហគមន៍»
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 06 មករា 2015
- ចុចដង៖ 1272
ព្រឹកថ្ងៃទី ១២ខែធ្នូ មហាវិទ្យាល័យកសិកម្មនិងជលវប្បកម្ម បានរៀបចំវេទិកាពិភាក្សាជាមួយនឹងសហគ្រាស ដើម្បីអភិវឌ្ឍសហគមន៍ ដោយមាន សមាជិកមកពីមន្ទីរ ស្ថាប័នរដ្ឋ សហគ្រាស ក្រុមហ៊ុន កសិករពូកែ នៅក្នុងនិងក្រៅខេត្តចំនួន២០០រូប អញ្ជើញចូលរួម។
លោកស្រី ថាច់ ធី យ៉ឹន សាកលវិទ្យាធិការីរងបានថ្លែងអំណរគុណយ៉ាងជ្រាវជ្រៅចំពោះវត្តមានរបស់សមាជិកដែលបានចូលរួមក្នុងអង្គវេទិកានេះ។ លោកស្រីបានបញ្ជាក់ថាឆ្លងតាមការប្រជុំលើកនេះ ចំណងសហការរវាង សាលានិងសហគ្រាសកាន់តែជិតស្និទ្ធ ជាពិសេសក្នុងការអនុវត្តតាមទម្រង់ផ្សារភ្ជាប់រវាង «រដ្ឋ-អ្នកវិទ្យាសាស្ត្រ-អាជីវកម្ម-កសិករ» ដើម្បីកសិករលើកកម្ពស់បច្ចេកទេសដាំដុះតាមបែបផែនថ្មី រួមចំណែកអភិវឌ្ឍនិងកសាងខឿនកសិកម្មរបស់ខេត្តតាមគោលដៅស្ថេរភាព សមស្របតថភាពនឹងបរិស្ថាន។
នៅអង្គប្រជុំ បណ្តាសមាជិកបានលើកយោបល់ស្តីពី ភាពលំបាកក្នុងការជំនួយបច្ចេកទេស ការជ្រើសសត្វចិញ្ចឹម និងពូជដំណាំមានគុណភាព ព្រមទាំង កត្តាមួយចំនួន គួរយកចិត្តទុកដាក់អំពីគម្រោងការពិសោធ បណ្តាកម្មវិធីជំនួយការហ្វឹកហ្វិនដល់កសិករ បណ្តាសហករណ៍នៅមូលដ្ឋានក្នុងរយៈពេលខាងមុខ ដល់សហគ្រាសអោយបានជ្រាប។ បង្កមូលដ្ឋាន សហការស៊ីជម្រៅ ក្នុងកិច្ចសហការនិងកសាងខឿនសេដ្ឌកិច្ចកសិកម្មរបស់ខេត្តត្រាវិញបានអភិវឌ្ឍដោយស្ថេរភាពក្នុងបណ្តាឆ្នាំខាងមុខ។
អ្នកតំណាងចូលរួមក៏បានដោះដូរ ពិភាក្សាជាមួយអ្នកវិទ្យាសាស្រ្ត អាជីវកម្ម អំពីមធ្យោបាយដំណោះស្រាយ បញ្ហាមួយចំនួនរបស់ប្រជាជន នូវបណ្តាមុខជំនាញនិងសភាពការណ៍បច្ចុប្បន្នក្នុងវិស័យកសិកម្ម។
ទន្ទឹមនឹងនោះ ក្រុមហ៊ុន APC បានផ្តល់អាហារូបករណ៍ចំនួន ៣ ចំណែកដល់និស្សិតព្យាយាមក្នុងការសិក្សា នៃមហាវិទ្យាល័យកសិកម្មនិងជលវប្បកម្ម ដោយមានទឹកប្រាក់ម្នាក់ៗ ទទូលបាន ២០០០ ០០០ ដុង។
ក្រោយពេលបញ្ចប់អង្គប្រជុំ បណ្តាអ្នកដំណាងបានទៅទស្សនាទីតាំងផលិតផលរបស់ ក្រុមហ៊ុន អាជីវកម្ម នៅទីលានមហាវិទ្យាល័យ។