ពិធីជួបជុំរបស់និស្សិតកម្ពុជានាឱកាសបុណ្យចូលឆ្នាំថ្មីប្រពៃណីខ្មែរឆ្នាំ ២០១៥
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 10 មេសា 2015
- ចុចដង៖ 1176
ថ្ងៃទី៨ មេសា ឆ្នាំ២០១៥ នៅសណ្ឋាគារគឺវឡុង គណៈកម្មាធិការប្រជាជនខេត្តត្រាវិញ បានរៀបចំពិធីជួបជុំអោយនិស្សិតខ្មែរ ទាំង ១១៤រូប ជាមួយនិស្សិតជនជាតិខ្មែរសម្រេចលទ្ធផលសិក្សាពូកែ ក្នុងនោះមាននិស្សិតកម្ពុជា៩៤រូបសិក្សានូវសាកលវិទ្យាល័យត្រាវិញ នាឱកាសចូលឆ្នាំថ្មី ២០១៥នេះ។
ចូលរួមកម្មវិធី មានលោក គឹម ង៉ុក ថាយ អនុលេខាធិការនៃគណៈកម្មាធិការបក្ខខេត្ត - អនុប្រធាននៃគណៈកម្មាធិការប្រជាជនខេត្តត្រាវិញ និងថ្នាក់ដឹកនាំនៃគណៈជនជាតិខេត្ត គណៈកម្មាធិការសាកលវិទ្យាល័យត្រាវិញ។
គណៈកម្មាធិការសាកលវិទ្យាល័យត្រាវិញ បានអោយដឹងថា សព្វថ្ងៃនិស្សិតកម្ពុជាកំពុងសិក្សានៅសាកលវិទ្យាល័យត្រាវិញរួមមាន៩៤រូប ក្នុងនោះនិស្សិតប្រុសមាន ៥៧រូប ស្រីមាន ៣៧រូប ជានិស្សិតឆ្នាំទី១ ចំណែកឆ្នាំទីពីររួមមាន ៨០រូប ។ ក្នុងឆ្នាំ២០១៥នេះ សាលាបានទទួលសិស្សបន្ថែមចំនួន ១៤រូប កំពុងសិក្សាភាសាវៀតណាម។
លោក គឹម ង៉ុក ថាយ តំណាងគណកម្មាធិការប្រជាជនខេត្តត្រាវិញ បានអបអរសាទរអំណរឆ្នាំថ្មី២០១៥ ដល់និស្សិតកម្ពុជា និង និស្សិតជាជនជាតិខ្មែរគ្រប់រូប ដែលទទួលបានលទ្ធផលសិក្សាល្អ នៅសាកលវិទ្យាល័យត្រាវិញ។
ខេត្តត្រាវិញ ត្រេកអរដែលនិស្សិតកម្ពុជាបានមកសិក្សានៅប្រទេសវៀតណាម ដោយបានជ្រើសសាកលវិទ្យាល័យត្រាវិញជាកន្លែងសិក្សានិងស្រាវជ្រាវ លើកកំពស់សមត្ថភាព បំណិនការងារ វត្តមានរបស់និស្សិតកម្ពុជា បានចូលរួមរាល់សកម្មភាពសិក្សា មានខឿនវប្បធម៌ដ៏សម្បូរបែប កាន់តែជួយរឹតបន្តឹងសាមគ្គីភាពរវាងខេត្តកក្រុងទាំងពីរ និយាយដោយឡែក និង ប្រទេសវៀតណាម -កម្ពុជានិយាយរួម ។ លោក សង្ឃឹមថាពិធីជួបជុំអំណរឆ្នាំថ្មីនេះ នឹងញ៉ាំងអោយបរិយាកាសចូលឆ្នាំខែ្មរកាន់តែកក់ដ្តៅថែមទៀត ពង្រឹងស្មារតីសិក្សារៀនសូត្រសម្រាប់និស្សិតគ្រប់រូប កំពុងសិក្សានៅសាកលវិទ្យាល័យត្រាវិញ៕