បណ្ណាល័យសាកលវិទ្យាល័យត្រាវិញបើកពិធីតាំងពិព័រណ៍ថ្ងៃសៀវភៅវៀតណាមឆ្នាំ២០១៥
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 23 មេសា 2015
- ចុចដង៖ 1157
TVU – ព្រឹកថ្ងៃទី 21.4.2015, បណ្ណាល័យសាកលវិទ្យាល័យត្រាវិញបានបើកពិធីតាំងពិព័រណ៍ថ្ងៃសៀវភៅវៀតណាមដោយមានប្រធានបទ៖ «ចំណេះដឹងថ្ងៃនេះ បទពិសោធថ្ងៃស្អែក» បានប្រ ព្រឹត្តឡើងនៅទីស្នាក់ការកណ្តាលនៃសាកលវិទ្យាល័យត្រាវិញ។ លោក វ៉ ហ្វាង ខាយ អញ្ជើញចូលរួម និងមានប្រសាសន៍បើកអង្គពិធី។.
នេះជាឆ្នាំដំបូង បណ្ណាល័យសាកលវិទ្យាល័យត្រាវិញបានរៀបចំសកម្មភាពជាច្រើនចូលរួមទិវាថ្ងៃសៀវភៅវៀតណាម ចាប់តាំងនាយករដ្ឋមន្ត្រីចុះសេចក្តីសម្រេចជ្រើសយកថ្ងៃ ២១ មេសា ជាថ្ងៃសៀវភៅវៀតណាម។
នៅសាកលវិទ្យាល័យត្រាវិញ សកម្មភាពអំណរថ្ងៃសៀវភៅវៀតណាម បានរៀបចំឡើងតាំងពីថ្ងៃ ១៦ មីនាឆ្នាំ ២០១៥ បានមានសកម្មភាពចលនាអានសៀវភៅនៅបណ្ណាល័យ ទាក់ទាញនិស្សិតជាច្រើនចូលរួម។ លទ្ធផលគឺប្រគល់រង្វាន់ជូននិស្សិត ៦ រូបដែលទទួលបានការគាំទ្រពីសំណាក់អ្នកអាន លោកស្រី ង្វៀន ធី គីម ថាញ នាយករងនៃបណ្ណាល័យបានឱ្យដឹងដូច្នោះ។
មានប្រសាសន៍បើកអង្គពិធី លោក វ៉ ហ្វាង ខាយ ថ្លែងថា៖ ព្រឹត្តិការណ៍នេះនាំមកនូវសរៈសំខាន់ បំផុសឡើងនូវទឹកចិត្តមនសិការក្នុងកងជួរបុគ្គលិក គ្រូបង្រៀន និងនិស្សិត ជំរុញចលនាអានសៀវភៅក្នុងនិស្សិត ឆ្ពោះទៅកសាងនិងអភិវឌ្ឍវប្បធម៌សិក្សា បង្កើតទម្លាប់អានសៀវភៅ និងលើកដំកើងវប្បធម៌អាន នៃមនុស្សវៀតណាម។
ក្រៅពីបណ្តាតូបសៀវភៅដាក់តាំងពិព័រណ៍ដោយមានប្រធានបទសម្បូរបែបដូចជា៖ សៀវភៅនិងវប្បធម៌វៀតណាម ឃ្លាំងសៀវភៅបរទេសប្រភពចំណេះដឹង កោះសមុទ្រវៀតណាម ទីដែលសម្រាប់អ្នកស្រឡាញ់អានសៀវភៅ កាសែត និងសេវាបម្រើ Internet អត់គិតថ្លៃ។ បណ្តានិស្សិតថែមទាំងចូលរួមពិភាក្សា ដោះដូរជាមួយអ្នកឯកទេសស្រាវជ្រាវផ្នែកវប្បធម៌ប្រជាប្រិយ លោក ហ្វិញ ង៉ុក ត្រាង និងអ្នកឯកទេសស្រាវជ្រាវផ្នែកវប្បធម៌ណាមបូ លោក ទ្រឿង ង៉ុក តឿង។
