សម្ព័ន្ធយុវជននៃមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូចាត់តាំងមហាសន្និបាតលើកទី៦ អាណត្តិកាល ២០២២ - ២០២៤
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 25 កុម្ភៈ 2022
- ចុចដង៖ 499
កាលពីថ្ងៃទី១១ ខែ កុម្ភៈ ឆ្នាំ២០២២ សម្ព័ន្ធយុវជននៃមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូបានចាត់តាំងដោយជោគជ័យនូវមហាសន្និបាតតំណាងសម្ព័ន្ធយុវជនកុម្មុយនិស្ត ហូជីមិញ លើកទី៦ អាណត្តិកាល ២០២២ - ២០២៤ ក្រោមប្រធានបទ «ក្តីប្រាថ្នា សមត្ថភាព សាមគ្គីភាព ច្នៃប្រឌិត អភិវឌ្ឍន៍»។
សមមិត្ត Nguyen Van Vu An សមាជិកនៃគណៈប្រតិបត្តិការសម្ព័ន្ធយុជនថ្នាក់ខេត្ត លេខាសម្ព័ន្ធយុវជននៃសាកលវិទ្យាល័យត្រាវិញបានចូលរួមអបអរសាទរចំពោះគណៈប្រតិបត្តិការសម្ព័ន្ធយុវជននៃមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូចាត់តាំងមហាសន្និបាតលើកទី៦ អាណត្តិកាល ២០២២ - ២០២៤។
ដោយបានការអនុញ្ញាតពីគណៈអចិន្ត្រៃយ៍នៃសម្ព័ន្ធយុវជនសាកលវិទ្យាល័យត្រាវិញ សម្ព័ន្ធយុវជននៃមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូបានចាត់តាំងមហាសន្និបាតតំណាងសម្ព័ន្ធយុវជនកុម្មុយនិស្ត ហូជីមិញ លើកទី៦ អាណត្តិកាល ២០២២ - ២០២៤។ អង្គមហាសន្និបាតទាំងមូលបានវាយតម្លៃឡើងវិញនូវលទ្ធផលទទួលបានក្នុងអាណត្តិកាល ២០១៩ - ២០២២ ក៏ដូចជាកំណត់ទិសដៅ ភារកិច្ចសម្រាប់ អាណាតិកាល ២០២២ - ២០២៤ និងតែងតាំងគណៈប្រតិបត្តិការសម្ព័ន្ធយុវជននៃមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូលើកទី៦ អាណត្តិកាល ២០២២ - ២០២៤ និងតំណាងដើម្បីចូលរួមអង្គមហាសន្និបាតសម្ព័ន្ធយុវជននៃសាកលវិទ្យាល័យត្រាវិញលើកទី៩ អាណត្តិកាល ២០២២ - ២០២៤។
នៅក្នុងអង្គមហាសន្និបាតនេះផងដែរ ក្រោយពេលដែលបានធ្វើរបាយការណ៍អំពីលទ្ធផលនៃអាណត្តិកាលកន្លង និងកំណត់ទិសដៅសម្រាប់អាណត្តិកាលថ្មី សម្ព័ន្ធយុវជននៃមហាវិទ្យាល័យក៏បានធ្វើបទបង្ហាញចូលរួមពិភាក្សា មានដូចជា សមមិត្ត Thach Thi Thu Phuone ជាលេខានៃសាខាសម្ព័ន្ធយុវជនថ្នាក់ DA19SPTK និង DA19SNV ក្រោមប្រធានបទ ចលនាផ្តើមធ្វើអាជីវកម្មរបស់និស្សិតសាកលវិទ្យាល័យត្រាវិញនិងនិស្សិតមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ ; សមមិត្ត Tran Duy Khang ជាលេខានៃសាខាសម្ព័ន្ធយុវជនថ្នាក់ DA20SNV ក៏បានធ្វើបទបង្ហាញ ក្រោមប្រធានបទ តួនាទីរបស់សម្ព័ន្ធយុវជនចំពោះការរៀបចំសីលធម៌ក្នុងសាលារៀននៅសាកលវិទ្យាល័យត្រាវិញ និងសមមិត្ត Kim Thi Huynh Giao ដែលជាលេខានៃសាខាសម្ព័ន្ធយុវជនថ្នាក់ DA21SNVធ្វើបទបង្ហាញក្រោមប្រធានបទ តួនាទីរបស់អ្នកដឹកនាំយុវជនចំពោះការងាររបស់សម្ព័ន្ធនាសម័យ 4.0។
សមមិត្ត Thach Thi Thu Phuone លេខានៃសាខាសម្ព័ន្ធយុវជនថ្នាក់ DA19SPTK និង DA19SNV ធ្វើបទបង្ហាញក្នុងអង្គសន្និបាត
ថ្លែងចង្អុលការក្នុងអង្គសន្និបាត សមមិត្ត Nguyen Van Vu An សមាជិកនៃគណៈប្រតិបត្តិការសម្ព័ន្ធយុវជនថ្នាក់ខេត្ត និងជាលេខាសម្ព័ន្ធយុវជននៃសាកលវិទ្យាល័យត្រាវិញបានថ្លែងអំណរគុណចំពោះគណៈប្រតិបត្តិការសាខាបក្ស ថ្នាក់ដឹកនាំនៃមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ ដែលបានផ្តល់នូវលក្ខណៈងាយស្រួលដល់សម្ព័ន្ធយុវជននៃមហាវិទ្យាល័យក្នុងរយៈពេលកន្លងមកនេះ។ បន្ទាប់មក លោកក៏បានបញ្ជាក់ថា ៖ ភាពជោគជ័យនៃអង្គសន្និបាតទាំងមូលនាថ្ងៃនេះ វាគ្រាន់តែជាជំហានដំបូងទេ អ្វីដែលសំខាន់នោះគឺ យើងទាំងអស់គ្នាត្រូវខំប្រឹងប្រែងដើម្បីអនុវត្តឲ្យបានល្អនូវសេចក្តីសម្រេចដែលបានដាក់ចេញ រាល់គោលដៅត្រូវតែបានបំពេញដោយមានគម្រោងរួមនិងគម្រោងប្រចាំឆ្នាំឲ្យបានច្បាស់លាស់។ ក្រោយពេលដែលសន្និបាតនេះបានបញ្ចប់ គណៈប្រតិបត្តិការសម្ព័ន្ធយុវជននៃមហាវិទ្យាល័យត្រូវតែរិះរកវិធានការជាក់ស្តែងដើម្បីកែលម្អនូវចំណុចអវិជ្ជមានដែលបានលើកឡើងមកនេះ បំផុសចលនាប្រកួតប្រជែងគ្នា កសាងសំណង់យុវជន រៀបចំសកម្មភាពជាក់ស្ដែងនិងប្រសិទ្ធភាព ដើម្បីជាសមិទ្ធផលអបអរសាទរ មហាសន្និបាតសម្ព័ន្ធយុវជនកុម្មុយនិស្តហូជីមិញសាកលវិទ្យាល័យត្រាវិញលើកទី៩ អាណត្តិកាល២០២២ - ២០២៤។
តំណាងគណៈប្រតិបត្តិការសាខាបក្ស ថ្នាក់ដឹកនាំនៃមហាវិទ្យាល័យយភាសា វប្បធម៌ វិចិត្រសិល្បៈខ្មែរណាមបូ សមមិត្ត Lam Quang Vinh សមជិកនៃគណៈប្រតិបត្តិការសាខាបក្សទី១៩ ព្រឹទ្ធបុរសរងនៃមហាវិទ្យាល័យយភាសា វប្បធម៌ វិចិត្រសិល្បៈខ្មែរណាមបូ ហើយក៏ជានាយកមជ្ឈមណ្ឌលវប្បធម៌និរតីភាគនៃប្រទេសវៀតណាម បានសម្ដែងការចូលរួមអបអរសាទរចំពោះលទ្ធផលរបស់អង្គសន្និបាតទាំងមូល។ ទន្ទឹមនឹងនោះ ក្នុងនាមជាអ្នកតំណាងគណៈប្រតិបត្តិការសាខាបក្សទី១៩ លោកក៏បានសន្យាថា សាខាបក្សនឹងផ្តល់នូវលក្ខណៈងាយស្រួលបំផុតសម្រាប់សម្ព័ន្ធយុវជននៃមហាវិទ្យាល័យ។
សមមិត្ត Nguyen Van Vu An ជូនប័ណ្ណសរសើរដល់បណ្តាសមមិត្តដែលបំពេញការងារល្អក្នុងអាណត្តិកាល ២០២០ - ២០២២
មុននឹងបិទអង្គសន្និបាត គណៈចាត់តាំងបានជូននូវវត្ថុអនុស្សាវរីយ៍ទុកជាការអំណរគុណដល់សមាជិកនៃគណៈប្រតិបត្តិការអាណត្តិកាលចាស់ និងជូនប័ណ្ណសរសើរដល់សមមិត្តដែលបំពេញការងារល្អក្នុងអាណត្តិកាលកន្លង៕
អត្ថបទដោយ៖ Omnara
ប្រែសម្រួលដោយ៖Omnara