សាកលវិទ្យាល័យត្រាវិញចុះកិច្ចសន្យាជាមួយសាកលវិទ្យាល័យ Nguyen Tat Thanh
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 09 មីនា 2022
- ចុចដង៖ 458
(TVU) ថ្ងៃទី១៨ខែកុម្ភៈ ឆ្នាំ២០២២ សាកលវិទ្យាល័យត្រាវិញនិងសាកលវិទ្យាល័យ Nguyen Tat Thanh (ទីក្រុងហូជីមិញ) បានចុះកិច្ចសន្យារួមសហការជាមួយនឹងគោលដៅលើកកម្ពស់គុណភាព ជំនួយកិច្ចការផ្ដើមធ្វើអាជីវកម្មនិងបង្កើនទំនាក់ទំនងរវាងសាលាទាំងពីរ។
ចូលរួមក្នុងអង្គពិធីចុះកិច្ចសន្យានេះមានការចូលរួមអំពីលោកស្រីសាស្ត្រាចារ្យរងបណ្ឌិត Nguyen Thi Hong សាកលវិទ្យាធិការរងនៃសាកលវិទ្យាល័យNguyen Tat Thanh ជាប្រធានគណៈប្រតិភូបានដោះដូរពិភាក្សានិងចុះហត្ថលេខាលើកិច្ចសន្យាសហការនេះ។
ចំណែកភាគីខាងសាកលវិទ្យាល័យត្រាវិញមានការចូលរួមរបស់លោកបណ្ឌិត Nguyen Minh Hoa អនុលេខាគណៈកម្មាធិការបក្ខភាគសាលា សាកលវិទ្យាធិការរង ព្រមជាមួយនឹងតំណាងអង្គភាពមួយចំនួនចំណុះសាលា។
ថ្លែងប្រសាសន៍ក្នុងអង្គពិធី លោកបណ្ឌិត Nguyen Minh Hoa សោមនស្សរីករាយចែករំលែងនូវបណ្តាសកម្មភាពបង្ហាត់បង្រៀន កិច្ចការផ្ដើមធ្វើអាជីវកម្មរបស់សាលាហើយសង្ឃឹមថាសាលាទាំងពីរនឹងបង្កើននូវបណ្ដាសកម្មភាពសំដៅលើការលើកកម្ពស់គុណភាពបណ្តុះបណ្តាល កិច្ចការផ្ដើមធ្វើអាជីវកម្មលើមូលដ្ឋាននៃការពង្រីកនូវសក្ដានុភាពនៃសាលាទាំងពីរមួយថ្ងៃកាន់តែជិតស្និទ្ធថែមទៀត។ មិនតែប៉ុណ្ណោះ ពិធីចុះកិច្ចសន្យានេះក៏ជាជំហានដំបូងនៃឱកាសសហការលើបណ្ដាវិស័យផ្សេងៗទៀតរវាងសាលាទាំងពីរផងដែរ។
លោកស្រីសាស្ដ្រាចារ្យរង បណ្ឌិត Nguyen Thi Hong សាកលវិទ្យាធិការរងនៃសាកលវិទ្យាល័យNguyen Tat Thanh ក៏បានចូលរួមត្រេកអរនូវបណ្ដាសមិទ្ធផលទាំងឡាយដែលសាកលវិទ្យាល័យត្រាវិញទទួលបានក្នុងប៉ុន្មានឆ្នាំកន្លងមក ហើយក៏បានថ្លែងអំណរគុណចំពោះការទទួលបដិសណ្ឋារៈដ៏កក់ក្ដៅពីសាលាផងដែរ។ លោកស្រីបានឲ្យដឹងបន្ថែមថា សាកលវិទ្យាល័យNguyen Tat Thanhកំពុងបណ្ដុះបណ្ដាលពហុវិជ្ជាជីវៈ ពហុវិស័យ តាមទិសដៅសាកលវិទ្យាល័យអនុវត្តន៍។ សាលាតែងជំរុញកិច្ចសហការជាមួយនឹងបណ្ដាគ្រឹះស្ថានបណ្ដុះបណ្ដាលនៅវាលទំនាបទន្លេគឺវឡុង ដើម្បីអនុវត្តនូវបណ្ដាគម្រោងការស្រាវជ្រាវ ឧបត្ថម្ភនិងជំនួយដល់ប្រជាជននៅទូទាំងតំបន់។
ក្រោយពីបានពិភាក្សានិងឯកភាព តំណាងនៃភាគីទាំងពីរក៏បានចុះកិច្ចសន្យារួមសហការជាមួយគោលដៅរួមគឺលើកកម្ពស់គុណភាពបណ្ដុះបណ្ដាល ពង្រីកនូវសក្ដានុភាពនៃភាគីទាំងពីរ ជំនួយក្នុងកិច្ចការផ្ដើមធ្វើអាជីវកម្មនិងបង្កើនទំនាក់ទំនងរវាងសាលាទាំងពីរ។ ទន្ទឹមនឹងនោះចែករំលែកបទពិសោធន៍អំពីកិច្ចការផ្ដើមធ្វើអាជីវកម្មផ្លាស់ប្ដូរគំនិតច្នៃប្រឌិត ដំណើរការស្រាវជ្រាវនូវបណ្ដាវិស័យដូចជា វិទ្យាសាស្ត្រ បច្ចេកវិទ្យាកំរិតខ្ពស់ បច្ចេកវិទ្យាជីវសាស្ត្រ បច្ចេកវិទ្យាស្បៀងអាហារ បរិស្ថាន រចនាសម្ព័ន្ធអំពីវិស័យច្នៃប្រឌិត រចនាសម្ព័ន្ធអំពីគោលនយោបាយផ្នែកពាណិជ្ជកម្ម ដើម្បីបើកចេញនូវឱកាសសម្រាប់ភាគីទាំងពីរដោះដូរយោបល់ ចែករំលែកបទពិសោធន៍។ ឆ្លងតាមរយៈនោះដើម្បីរួមចំណែកជំរុញការអភិវឌ្ឍវិស័យអប់រំនៃប្រទេសជាតិយើងផងដែរ។
អត្ថបទដោយ៖ Tran Tram, Quoc Vinh
ប្រែសម្រួលដោយ៖Ngoc Chau
