សិស្សានុសិស្សភូមិភាគនិរតីពេញចិត្តជាមួយបទពិសោធសាកល្បងជានិស្សិត
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 18 មីនា 2022
- ចុចដង៖ 488
មុនរដូវកាលជ្រើសរើសនិស្សិត សិស្សវិទ្យាល័យជាច្រើននៅភូមិភាគនិរតី បានអញ្ជើញមកសាកលវិទ្យាល័យត្រាវិញ ដើម្បីសាកល្បងក្លាយជានិស្សិត។ លោក Nguyen Đong Khoi ក្រុមប្រឹក្សាជ្រើសរើសនិស្សិតនៃសាកលវិទ្យាល័យត្រាវិញ មានប្រសាសន៍ថា៖“ មុនរដូវកាលជ្រើសរើសនិស្សិត សិស្សនៅវិទ្យាល័យនានាតែងតែចង់ស្វែងយល់អំពីសាលា។ ដើម្បីឆ្លើយតបតាមតម្រូវការនោះ សាកលវិទ្យាល័យត្រាវិញរងចាំស្វាគមន៍ប្អូនៗជានិច្ច"។
ថ្ងៃទី៤ ខែមីនា មានលោកគ្រូអ្នកគ្រូនិងសិស្សប្រមាណ១៥០នាក់ ដែលមកពីសាលាវិទ្យាល័យ Huu Thanhខេត្តវិញឡុងបានមកល្បងធ្វើជានិស្សិតនិងទស្សនានូវសកម្មភាពរៀនសូត្រ ស្រាវជ្រាវជាមួយនឹងនិស្សិតសាកលវិទ្យាល័យត្រាវិញ។
មុននោះ សាកលវិទ្យាល័យត្រាវិញក៏បានទំនាក់ទំនងជាមួយនឹងលោកគ្រូអ្នកគ្រូនៅបណ្ដាសាលាវិទ្យាល័យចាត់តាំងពិធីប្រឹក្សានិងតម្រង់អាជីពជារាល់សប្ដាហ៍តាមរយៈ google meet និង Fanpage ឲ្យដល់ប្អូនៗដែលមិនទាន់បានរៀបចំពេលវេលាដើម្បីមកទស្សនាសាកលវិទ្យាល័យត្រាវិញ។ ក្រៅពីនោះ លោកគ្រូអ្នកគ្រូសាកលវិទ្យាល័យក៏ដូចជាលោកគ្រូ អ្នកគ្រូនៃបណ្ដាសាលាវិទ្យាល័យបានត្រៀមជាស្រេចដើម្បីប្រឹក្សា តម្រង់អាជីពឲ្យប្អូនៗនៅគ្រប់សាលាវិទ្យាល័យ។
លោកNguyen Đong Khoi បានឲ្យដឹងថា៖ យើងខ្ញុំយល់ពីគោលបំណងរបស់ប្អូនៗគឺមកដើម្បីស្វែងយល់ ការវាយតម្លៃនូវរាល់សកម្មភាពបណ្ដុះបណ្ដាល ស្រាវជ្រាវវិទ្យាសាស្រ្ត ក៏ដូចជាសម្ភារៈសិក្សារបស់សាលា។ ឆ្លើយតបនូវតម្រូវការនោះ យើងខ្ញុំក៏បានណែនាំប្អូនៗទៅទស្សនាទីធ្លាសាលា បន្ទប់រៀននិងបណ្ដាមហាវិទ្យាល័យ អន្តេវាសិកដ្ឋាន បណ្ណាល័យសាលា មន្ទីរពេទ្យសាលា សាលប្រជុំ បន្ទប់អនុវត្តន៍ បន្ទប់ពិសោធន៍ ទីធ្លាលេងកីឡា និងកសិដ្ឋានពិសោធន៍។
ក្នុងដំណើរទស្សនានេះ ប្អូនៗបានពិសោធនូវរាល់សកម្មភាព មានដូចជារៀនសូត្រ ស្រាវជ្រាវរបស់និស្សិតនៅសាកលវិទ្យាល័យនិងផ្ដល់ព័ត៌មានជាច្រើនដែលមានប្រយោជន៍។ ប្អូនៗសិស្សានុសិស្សបានដាក់ចេញនូវសំណួរល្អៗជាច្រើនមានដូចជាវិធីជម្រើសនិស្សិត គោលនយោបាយ អាហារូបករណ៍ មជ្ឈដ្ឋានសិក្សា ឱកាសការងារហើយក៏បានលោកគ្រូ អ្នកគ្រូឆ្លើយយ៉ាងក្បោះក្បាយ។ ជាពិសេសឆ្នាំនេះ លោកគ្រូ អ្នកគ្រូដែលទទួលបន្ទុកខាងកិច្ចការជម្រើសសិស្សបានយល់នូវបំណងប្រាថ្នាក៏ដូចជាអារម្មណ៍របស់ប្អូនៗ លោកគ្រូ អ្នកគ្រូក៏បានពិភាក្សា ផ្ដល់នូវដំបូន្មានដើម្បីប្អូនៗជ្រើសរើសមុខជំនាញក៏ដូចជាសាលាដែលសមស្រប។
ប្អូន Tran Thi Cam Ly បានចែករំលែកអំពីដំណើរទស្សនានេះថា៖ ”សាកលវិទ្យាល័យត្រាវិញមានទីធ្លាដ៏ទូលំទូលាយ ស្រស់ស្អាតនិងស្រឡះស្រឡំជាមួយនឹងកម្មវិធីបណ្តុះបណ្តាលច្រើនមុខជំនាញ មានសម្ភារៈទំនើបជាច្រើន អន្តេវាសិកដ្ឋានប្រកបដោយផាសុកភាព។ ជាពិសេស បងៗនិស្សិតព្រមទាំងលោកគ្រូអ្នកគ្រូមានភាពស្និទ្ធស្នាលនិងសកម្ម។ ខ្លួនប្អូនផ្ទាល់មានចំណូលចិត្តយ៉ាងខ្លាំងខាងមុខជំនាញគ្រប់គ្រងអាហារដ្ឋាន - សណ្ឋាគារ ថ្ងៃនេះខ្ញុំពិតជាមានសំណាងណាស់ពេលដែលបានបងៗកំពុងរៀនខាងមុខជំនាញនេះណែនាំនិងបង្ហាញឱ្យបានយល់ច្បាស់បន្ថែមទៀតនៅមុខជំនាញនេះ។ប្រការនេះបានធ្វើឱ្យប្អូនមានកម្លាំងចិត្តដើម្បីជ្រើសរើសយកមុខជំនាញមួយនេះ។ ខ្ញុំសង្ឃឹមថា ក្នុងថ្ងៃខាងមុខខ្ញុំនឹងក្លាយជានិស្សិតមួយរូបរបស់សាកលវិទ្យាល័យត្រាវិញ“។
ប្អូន Diep Nguyen Tương Vi បានឱ្យដឹងថា៖ ”ប្អូនបានបងៗទទួលយ៉ាងរាក់ទាក់ហើយនាំប្អូនទៅទស្សនាជាច្រើនកន្លែងនិងស្វែងយល់អំពីមុខជំនាញជាច្រើន។ ប្អូននិងមិត្តភក្តិទាំងអស់គ្នាមានចំណូលចិត្តជាខ្លាំងចំពោះបរិវេណសាលារួមជាមួយនឹងភាពសកម្មរបស់បងៗនិស្សិតនៅទីនេះ”។
សាកលវិទ្យាល័យត្រាវិញមានកម្មវិធីសិក្សាជាច្រើនត្រូវបានទទួលស្គាល់អំពីគុណភាពបណ្ដុះបណ្ដាលស្របតាមស្តង់ដារអន្តរជាតិដូចAUN-QAFIBAA និង ABET ច្រើនឆ្នាំបន្តបន្ទាប់ សាលាបានជាប់ចំណាត់ថ្នាក់១០០នៃបណ្តាសាកលវិទ្យាល័យដែលមានឥទ្ធិពលនិងរួមចំណែកយ៉ាងសកម្មដល់សង្គម។ តាមចំណាត់ថ្នាក់របស់ WURI Ranking ប្រព័ន្ធចំណាត់ថ្នាក់នៃបណ្តាសាកលវិទ្យាល័យពិភពលោកដែលមានកិត្យានុភាព ហើយក៏បានជាប់ចំណាត់ថ្នាក់ទី២០០នៃសាកលវិទ្យាល័យបៃតង ស្និទ្ធិស្នាលតាមតារាងចំណាត់ថ្នាក់របស់ UI GreenMetric។ សាលាក៏បានអនុវត្តប្រព័ន្ធគ្រប់គ្រងគុណភាព ឆ្លើយតបតាមស្តង់ដារISO 9001-20០០ចាប់ផ្តើមពីឆ្នាំ២០០៦ ហើយមកដល់ពេលនេះបានឆ្លងកាត់ទម្រង់ISO 9001-2008, ISO 9001-2015។
លោក Nguyen Đong Khoi បានឱ្យដឹងបន្ថែមទៀតថា៖នៅពេលខាងមុខនេះ សាកលវិទ្យាល័យត្រាវិញបន្តការទទួលលោកគ្រូអ្នកគ្រូព្រមទាំងសិស្សានុសិស្សដែលមកពីបណ្ដាសាលាវិទ្យាល័យក្នុងនិងក្រៅខេត្តមកទស្សនាក៏ដូចជាល្បងបទពិសោធនៅសាលាយើងខ្ញុំ។យើងខ្ញុំសង្ឃឹមថាសិស្សម្នាក់ៗពេលដែលអញ្ជើញមកដល់សាកលវិទ្យាល័យត្រាវិញនឹងដិតក្នុងអារម្មណ៍ថាជាសាកលវិទ្យាល័យបៃតង មានភាពស្និទ្ធិស្នាលចំពោះសហគមន៍។ សមូហភាពកម្មាភិបាល សាស្ត្រាចារ្យបាននិងកំពុងតែខិតខំប្រឹងប្រែងដើម្បីបង្កើតឡើងនូវមជ្ឈដ្ឋានសិក្សា ស្រាវជ្រាវនិងមានប្រសិទ្ធភាពបំផុត រួបរួមនឹងប្រឹងប្រែងសំដៅទៅប្រព័ន្ធអប់រំបើកទូលាយ។លោក Nguyen Đong Khoi បានឱ្យដឹងបន្ថែមថា៖ ជ្រើសរើសសាលាណាគឺជាសិទ្ធិរបស់ប្អូនៗ ប៉ុន្តែយើងខ្ញុំមានអារម្មណ៍សប្បាយចិត្តណាស់ពេលដែលបានឃើញបានលឺនូវសំឡេងសើចក្អាកក្អាយ ការចាប់ដៃគ្នាការបក់ដៃសូមលាពេលបញ្ចប់ដំណើរទស្សនានេះ៕
អត្ថបទ៖ Đong Lam
ប្រែសម្រួលដោយ៖ Danh Phai – Ly Chanh The
