បើកដំណើរការបណ្តាញគាំទ្រការចាប់ផ្ដើមអាជីវកម្មសម្រាប់និស្សិតជាលើកដំបូងនៅតំបន់វាលរាបទន្លេគឺវឡុង
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 22 មីនា 2022
- ចុចដង៖ 466
ត្រាវិញ - នាថ្ងៃទី ១១ ខែមីនា សន្និសីទលើកទីមួយដើម្បីបើកដំណើរការបណ្តាញគាំទ្រនិស្សិតចាប់ផ្តើមអាជីវកម្មនៅតំបន់វាលរាបទន្លេគឺវឡុង លើកទី១អាណត្តិកាល ២០២២ - ២០២៤ ត្រូវបានប្រារព្ធឡើងនៅសាកលវិទ្យាល័យត្រាវិញ។
បណ្តាញគាំទ្រនិស្សិតក្នុងការចាប់ផ្ដើមអាជីវកម្មជាលើកដំបូងនៅតំបន់វាលរាបទន្លេគឺវឡុងទើបតែត្រូវបានបើកដំណើរការ។ រូបថត៖ HH.
បណ្តាញគាំទ្រនិស្សិតក្នុងការចាប់ផ្តើមអាជីវកម្មនៅតំបន់វាលរាបទន្លេគឺវឡុងត្រូវបានបង្កើតឡើងដោយសាលាចំនួន១៧ (សាកលវិទ្យាល័យចំនួន៩ និងគ្រឹះស្ថានឧត្តមសិក្សាចំនួន៨) នៅក្នុងតំបន់វាលរាបទន្លេគឺវឡុង។ នេះក៏ជាបណ្តាញគាំទ្រការចាប់ផ្តើមអាជីវកម្មសម្រាប់និស្សិតជាលើកដំបូងនៅតំបន់វាលរាបទន្លេគឺវឡុង។
គោលបំណងនៃទម្រង់នេះគឺដើម្បីលើកកម្ពស់ស្មារតី ចំណេះដឹង និងជំនាញនៃការចាប់ផ្តើមអាជីវកម្មក្នុងចំណោមនិស្សិត និងអតីតនិស្សិត។ ទន្ទឹមនឹងនោះ កសាងទំនាក់ទំនងជិតស្និទ្ធរវាងគ្រឹះស្ថានឧត្តមសិក្សា និងមហាវិទ្យាល័យ ដោយជំរុញសកម្មភាពសហប្រតិបត្តិការក្នុងគោលបំណងលើកកម្ពស់ចំណេះដឹង និងជំនាញនៃការចាប់ផ្តើមអាជីវកម្ម របស់និស្សិត និងអតីតនិស្សិត។
ក្រៅពីនេះ គឺមានការបង្កើតគេហទំព័រដើម្បីទទួលបានគំនិតផ្ដួចផ្ដើមរបស់សិស្សានុសិស្ស។ បង្កើតវេទិកាមួយដើម្បីផ្លាស់ប្តូរព័ត៌មាន និងបទពិសោធន៍ក្នុងការអនុវត្តគំនិតចាប់ផ្តើមអាជីវកម្ម ក៏ដូចជាការដោះដូរគំនិត និងគម្រោងចាប់ផ្តើមអាជីវកម្ម។ ទន្ទឹមនឹងនោះសកម្មភាពនេះអាចតភ្ជាប់សមាជិកអនុវត្តគម្រោងអន្តរជាតិ និងស្រាវជ្រាវលើការចាប់ផ្តើមអាជីវកម្មប្រកបដោយភាពច្នៃប្រឌិត។
លោកស្រី Thach Thi Danសាកលវិទ្យាធិការរងនៃសាកលវិទ្យាល័យត្រាវិញបានមានប្រសាសន៍ថា៖ការចាប់ផ្តើមអាជីវកម្មគឺជាសកម្មភាពសំខាន់មួយនៃបណ្ដាសាកលវិទ្យាល័យ និងគ្រឹះស្ថានឧត្តមសិក្សា ដើម្បីលើកកម្ពស់សកម្មភាពបណ្តុះបណ្តាប្រកបដោយភាពច្នៃប្រឌិត។ ការចាប់ផ្តើមអាជីវកម្មពីសាកលវិទ្យាល័យ និងគ្រឹះស្ថានឧត្តមសិក្សានានា ជួយបំពាក់នូវចំណេះដឹង និងជំនាញដើម្បីចាប់ផ្តើមអាជីវកម្មរួមចំណែកក្នុងការរក្សា និងអភិវឌ្ឍនូវគំនិតផ្ដួចផ្ដើមរបស់និស្សិតឱ្យក្លាយទៅជាការពិត។ ដូច្នេះហើយ សាលាសមាជិកត្រូវបញ្ចូលសកម្មភាពចាប់ផ្តើមអាជីវកម្មនៅក្នុងផែនការយុទ្ធសាស្រ្តរបស់ពួកគេ។ លើសពីនេះទៀត សមាជិកត្រូវបានលើកទឹកចិត្តឱ្យចេញយន្តការ និងគោលនយោបាយដើម្បីឧបត្ថម្ភដល់និស្សិតដែលចាប់ផ្តើមអាជីវកម្មនៅសាលា។
នៅក្នុងសន្និសីទនេះដែរ សមាជិកនៃបណ្តាញគាំទ្រដល់និស្សិតចាប់ផ្តើមអាជីវកម្មនៅតំបន់វាលរាបទន្លេគឺវឡុង បានយល់ព្រមជ្រើសរើស លោកបណ្ឌិតNguyen Minh Hoaសាកលវិទ្យាធិការរងនៃសាកលវិទ្យាល័យត្រាវិញជាប្រធានក្រុមប្រឹក្សាភិបាល និងអនុប្រធានចំនួន២រួមមាន៖ លោកបណ្ឌិត Nguyen Van Thanhសាកលវិទ្យាធិការរងនៃសាកលវិទ្យាល័យគៀងយ៉ាង និង អនុបណ្ឌិត Nguyen Minh Phuong នាយករងមហាវិទ្យាល័យសហគមន៍ដុងថាប។
អត្ថបទដោយ៖Minh Đam
ប្រែសម្រួលដោយ៖Diem Phuc