សាកលវិទ្យាល័យត្រាវិញចាត់តាំងសកម្មភាពជាច្រើនអំណរខួបអនុស្សាវរីយ៍៩១ឆ្នាំទិវាបង្កើតសម្ព័ន្ធយុវជនកម្មុយនិស្តហូជីមិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 08 មេសា 2022
- ចុចដង៖ 410
(TVU) នៅថ្ងៃទី២៦ខែមីនា សកលវិទ្យាល័យត្រាវិញបានចាត់តាំងសកម្មភាពជាច្រើន ដើម្បីអំណរខួបអនុស្សាវរីយ៍៩១ឆ្នាំទិវាបង្កើតសម្ព័ន្ធយុវជនកម្មុយនិស្តហូជីមិញ (២៦មីនាឆ្នាំ១៩៣១-២៦មីនាឆ្នាំ២០២២) ផ្សារភ្ជាប់នឹងកម្មវិធីបោះជំរំយុវជនឆ្នាំ២០២២ បានទាក់ទាញសិស្សជិត៥០០០រូបចូលរួម។
កម្មវិធីមានការចូលរួមរបស់លោកសាស្រ្តាចារ្យរង បណ្ឌិត Pham Tiet Khanh លេខាគណៈកម្មាធិការបក្ស ប្រធានក្រុមប្រឹក្សា និងជាសាកលវិទ្យាធិការ; បណ្ឌិត Nguyen Minh Hoa អនុលេខាប្រចាំការគណៈកម្មាធិការបក្ស និងជាសាកលវិទ្យាធិការរង ព្រមទាំងគណៈប្រតិបត្តិការសម្ព័ន្ធយុវជនគណៈប្រតិបត្តិការសមាគមនិស្សិត ជាមួយតំណាងបណ្ដាអង្គភាពចំណុះនិងកម្មាភិបាលសម័្ពន្ធយុវជនគ្រប់ដំណាក់កាលចូលរួមផងដែរ។
កម្មវិធីបោះជំរំឆ្នាំនេះបានប្រព្រឹត្តឡើងចាប់តាំងពីថ្ងៃ២៦ខែមីនាដល់ថ្ងៃទី២៧ខែមីនាដោយមានការចូលរួមជាង៥០ជំរំដោយមានចាត់តាំងសកម្មភាពជាច្រើនដូចជា លេងល្បែងប្រជាប្រិយ ដាក់តាំងផលិតផលពិសេសរបស់ភូមិស្រុក ការប្រឡងរចនាខ្លោងទ្វារជំរំ ការប្រឡងបង្ហាញម៉ូត ទំនិញយុវជនផ្ដើមអាជីវកម្ម។ល។ បានទាក់ទាញសិស្ស និស្សិតចូលរួមយ៉ាងកុះករ។
ចូលរួមរាត្រីមីតទិញនេះ លោកសាស្រ្តាចារ្យរង បណ្ឌិត Pham Tiet Khanh លេខាគណៈកម្មាធិការបក្សប្រធានក្រុមប្រឹក្សា និងជាសាកលវិទ្យាធិការនៃសាកលវិទ្យាល័យត្រាវិញបានប្រសិទ្ធពរសម្ព័ន្ធយុវជនកុម្មុយនិស្តហូជីមិញបានឆ្លងកាត់អស់រយៈពេល៩១ឆ្នាំកកើតនិងអភិវឌ្ឍ ព្រមទាំងស្ងើចសរសើរនូវបណ្ដាសមិទ្ធផលធំៗដែលយុវជនសាកលវិទ្យាល័យត្រាវិញសម្រេចបានក្នុងអំឡុងកាលកន្លងហើយ។ ហើយលោកក៏បានអំពាវនាវឱ្យនិស្សិតទាំងអស់រួមគ្នាបញ្ចេញកម្លាំងតស៊ូ លត់ដំដើម្បីរួមចំណែកជំរុញចលនានិស្សិតរបស់សាលាឱ្យកាន់តែអភិវឌ្ឍរឹងមាំថែមទៀត ហើយជានិច្ចកាលត្រូវរំឭកខ្លួនឯងថាត្រូវមាន «ចិត្តស្មោះស ឆន្ទៈមោះមុត បំណងប្រាថ្នាធំ»។
ជាពិសេស ដើម្បីចូលរួមយុទ្ធនាការម៉ោងផែនដីឆ្នាំ២០២២ កម្មវិធីបោះជំរំទាំងមូលបានបិទអគ្គិសនីព្រមគ្នាដើម្បីបង្ហាញពីស្មារតីរួមកម្លាំងក្នុងការប្រិតសំចៃអគ្គិសនីនិងការពារបរិស្ថាន ហើយក៏ដើម្បីផ្សព្វផ្សាយនូវសារអប់រំ «បង្កើតអនាគត - ពេលនេះឬឥតរហូត»។
ក្នុងឱកាសនេះផងដែរ សាកលវិទ្យាល័យត្រាវិញបានជូនប័ណ្ណសរសើររបស់ប្រធានគណៈកម្មាធិការប្រជាជនខេត្តត្រាវិញ និងបានផ្តល់ជូននូវគ្រឿងសម្គាល់ជានិស្សិតឆ្នើមក្នុងការផ្ដើមអាជីវកម្មជូនប្អូន Nguyen Ba Loc និស្សិតថ្នាក់បរិញ្ញាបត្របច្ចេកទេសគីមីសាស្ត្រឆ្នាំ២០១៧ ព្រមទាំងផ្តល់ជូនអាហារូបករណ៍ចំនួន០៤ជូនដល់និស្សិតដែលមានការខិតខំ ជម្នះការលំបាកឈានឡើងក្នុងការសិក្សា ដោយអាហារូបករណ៍នីមួយៗមានតម្លៃស្មើនឹង២លានដុង។
អត្ថបទដោយ៖ Hoang Nam – Hoang Tinh
ប្រែសម្រួលដោយ៖ Van Dong
