ឆ្នាំ២០២២ កម្រិតដែលអាចចូលរៀននៅបណ្ដាមុខជំនាញជាគ្រូបង្រៀន និងផ្នែកសុខភាពនឹងជាយ៉ាងណា?
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 06 ឧសភា 2022
- ចុចដង៖ 393
ក្រសួងអប់រំនិងបណ្ដុះបណ្ដាល - សេចក្ដីព្រាងច្បាប់អំពីការជម្រើសនិស្សិតកម្រិតបរិញ្ញានិងបរិញ្ញារងសម្រាប់មុខជំនាញជាគ្រូបង្រៀនឆ្នាំ២០២២របស់ក្រសួងអប់រំនិងបណ្ដុះបណ្ដាល កំណត់អំពីកម្រិតដែលអាចចូលរៀននៅបណ្ដាមុខជំនាញផ្នែកសុខភាពនិងគ្រូបង្រៀនឆ្នាំ២០២២។
ជាក់ស្ដែងគឺកម្រិតដែលអាចចូលរៀននៅបណ្ដាមុខជំនាញជាគ្រូបង្រៀននិងផ្នែកបណ្ដុះបណ្ដាលដែលនឹងផ្ដល់ប័ណ្ណទទួលស្គាល់ជំនាញវិជ្ជាជីវៈក្នុងវិស័យសុខាភិបាលអាស្រ័យដោយក្រសួងអប់រំនិងបណ្ដុះបណ្ដាលប្រកាសជារៀងរាល់ឆ្នាំសម្រាប់បណ្ដាវិធានជម្រើសនិស្សិតចូលរៀនតាមបែបពេញម៉ោងដោយពិនិត្យលើលទ្ធផលនៃការប្រឡងមធ្យមសិក្សាទុតិយភូមិ។
ចំពោះការជម្រើសនិស្សិតបែបមិនពេញម៉ោងឬក៏ចំពោះសិស្សណាដែលមិនបានចូលរួមសម័យប្រឡងមធ្យមសិក្សាទុតិយភូមិក្នុងឆ្នាំដែលជម្រើស បេក្ខសិស្សទទួលបានកម្រិតជម្រើសទៅក្នុងផ្នែកជំនាញជាគ្រូបង្រៀននិងបណ្ដាមុខជំនាញដែលផ្ដល់ប័ណ្ណទទួលស្គាល់ជំនាញវិជ្ជាជីវៈចំពោះវិស័យសុខភាពលុះត្រាតែ៖
លទ្ធផលនៃការសិក្សាថ្នាក់ទី១២ជាប់និទ្ទេសអតិកោសល្យឡើងទៅឬក៏ពិន្ទុនៃកម្រិតមធ្យមសិក្សាទុតិយភូមិចាប់ពី៨.០ឡើងនេះចំពោះផ្នែកបណ្ដុះបណ្ដាលជំនាញគ្រូបង្រៀន(លើកលែងតែផ្នែកបណ្ដុះបណ្ដាលកាយសិក្សានិងបង្វឹកកីឡា,គរុកោសល្យផ្នែកតន្រ្តី, គរុកោសល្យផ្នែកវិចិត្រកម្ម, ផ្នែកអប់រំមត្តេយ្យកម្រិតវិទ្យាល័យជាន់ខ្ពស់និងបណ្ដាមុខជំនាញខាងវេជ្ជសាស្ត្រ, វេជ្ជសាស្ត្របុរាណ, ឱសថនិងទន្តវទនសាស្ត្រ។
លទ្ធផលនៃការសិក្សាថ្នាក់ទី១២ជាប់និទ្ទេសកោសល្យឡើងទៅឬក៏ពិន្ទុនៃកម្រិតមធ្យមសិក្សាទុតិយភូមិចាប់ពី៦,៥ឡើងទៅ។ នេះចំពោះផ្នែកបណ្ដុះបណ្ដាលជំនាញគ្រូបង្រៀនផ្នែកបណ្ដុះបណ្ដាលកាយសិក្សានិងបង្វឹកកីឡា,គរុកោសល្យផ្នែកតន្រ្តី, គរុកោសល្យផ្នែកវិចិត្រកម្ម, ផ្នែកអប់រំមត្តេយ្យកម្រិតវិទ្យាល័យជាន់ខ្ពស់និងបណ្ដាមុខជំនាញខាងថែទាំជំងឺ, វេជ្ជសាស្ត្របង្ការ, សម្ភព, បច្ចេកទេសកែរូបភាពធ្មេញ, បច្ចេកទេសតេស្តវេជ្ជសាស្ត្រ, បច្ចេកទេសរូបភាពវេជ្ជសាស្ត្រនិងបច្ចេកទេសកែលំអផ្នែកអវយវៈ។
សេចក្ដីព្រាងអំពីការជម្រើសនិស្សិតក៏បានកំណត់ដែរថា បេក្ខសិស្សដែលស្ថិតក្នុងបែបជម្រើសអាទិភាពតាមមាត្រា៨នៃបទបញ្ញត្តិនេះរួមមានបេក្ខសិស្សដែលជាកីឡាករចំណាត់ថ្នាក់ទី១, សិស្សឆ្នើម, កីឡាករដែលធ្លាប់ទទួលមេដាយក្នុងពិធីសមោសរកីឡាសម្រាប់សិស្សានុសិស្ស, បណ្ដារង្វាន់វ័យក្មេងកម្រិតជាតិឬអន្តរជាតិ ឬរង្វាន់ជើងឯកកម្រិតជាតិឬអន្តរជាតិ, បេក្ខជនផ្នែកគរុកោសល្យតន្ត្រីវិចិត្រសិល្បៈដែលមានពិន្ទុផ្នែកប្រឡងទេពកោសល្យអាស្រ័យដោយគ្រឹះស្ថានបណ្ដុះបណ្ដាលចាត់តាំងហើយទទួលលទ្ធផលឆ្នើម(ពិន្ទុ៩.០ឡើង)បេក្ខជនទាំងនេះពេលចុះឈ្មោះពិនិត្យជម្រើសនៅមុខជំនាញដែលសមស្របគឺមិនចាំបាច់គោរពតាមលក្ខខណ្ឌកម្រិតដែលអាចចូលរៀនបាននោះទេ។
យោងតាមតម្រូវការធានាគុណភាព គ្រឹះស្ថានបណ្ដុះបណ្ដាលគប្បីកំណត់និងប្រកាសកម្រិតដែលអាចចូលរៀននៅបណ្ដាមុខជំនាញ និងវិធានជម្រើសនិស្សិតមុនពេលផុតកំណត់យ៉ាងហោច១០ថ្ងៃ។
ចំពោះបណ្ដាមុខជំនាញខាងបណ្ដុះបណ្ដាលគ្រូបង្រៀននិងមុខជំនាញដែលផ្ដល់ប័ណ្ណទទួលស្គាល់ជំនាញវិជ្ជាជីវៈចំពោះវិស័យសុខភាពគឺកម្រិតដែលអាចចូលរៀនបានអាស្រ័យដោយគ្រឹះស្ថានបណ្ដុះបណ្ដាលកំណត់ប៉ុន្តែមិនត្រូវទាបជាងការកំណត់នៅវាក្យខណ្ឌទី១, ទី២នៃមាត្រានេះឡើយ។
អត្ថបទដោយ៖ Minh Phong
ប្រែសម្រួលដោយ៖ Thach Ngoc Chau
