បើកទូលាយកិច្ចសហប្រតិបត្តិការលើវិស័យបរិស្ថានរវាងសាកលវិទ្យាល័យវិទ្យាសាស្រ្តអនុវត្ត Saxionប្រទេសហូឡង់ នឹងសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 07 កក្កដា 2022
- ចុចដង៖ 280
ចាប់ពីថ្ងៃទី ១១ ដល់ថ្ងៃទី១៤ ខែ មិថុនា ឆ្នាំ ២០២២ វិទ្យាស្ថានបច្ចេកវិទ្យាបរិស្ថាននៃសាកលវិទ្យាល័យត្រាវិញ បានទទួលគណៈប្រតិភូដែលមកពីសាកលវិទ្យាល័យវិទ្យាសាស្រ្តអនុវត្ត Saxionប្រទេសហូឡង់ ដែលមកបំពេញទស្សនកិច្ចនៅសាកលវិទ្យាល័យត្រាវិញ។
 |
|
វិទ្យាស្ថានបច្ចេកវិទ្យាបរិស្ថាននៃសាកលវិទ្យាល័យត្រាវិញទទួលគណៈប្រតិភូដែលមកពីសាកលវិទ្យាល័យវិទ្យាសាស្រ្តអនុវត្ត Saxionប្រទេសហូឡង់ |
បន្ទាប់ពីដំណើរទស្សនកិច្ចកាលពីថ្ងៃទី ២០ ខែមេសា ដល់ថ្ងៃទី០១ ខែឧសភា ឆ្នាំ ២០២២ នៅសាកលវិទ្យាល័យវិទ្យាសាស្រ្តអនុវត្ត Saxionប្រទេសហូឡង់របស់គណៈប្រតិភូវិទ្យាស្ថានបច្ចេកវិទ្យាបរិស្ថានសាកលវិទ្យាល័យត្រាវិញ ដែលដឹកនាំដោយបណ្ឌិត Tran Thi Ngoc Bichនាយករងនៃវិទ្យាស្ថានបច្ចេកវិទ្យាបរិស្ថាននៃសាកលវិទ្យាល័យត្រាវិញ។ លោកសាស្ត្រាចារ្យ Harry Futselaarប្រធានក្រុមស្រាវជ្រាវអំពីបច្ចេកវិទ្យាទឹកនិងលោកស្រី Ngo Bich Ngocជានាយកសហប្រតិបត្តិការយុទ្ធសាស្រ្តនៃសាកលវិទ្យាល័យវិទ្យាសាស្រ្តអនុវត្ត Saxionប្រទេសហូឡង់ បានចាត់តាំងកិច្ចប្រជុំជាមួយ វិទ្យាស្ថានបច្ចេកវិទ្យាបរិស្ថាននៃសាកលវិទ្យាល័យត្រាវិញ អំពីកិច្ចសហប្រតិបត្តិការរវាងសាលាទាំងពីលើវិស័យ៖ បរិស្ថាន បច្ចេកទេសនិងបច្ចេកវិទ្យា សេដ្ឋកិច្ចចក្រា និងកសិកម្មបៃតង។
លោកគ្រូអ្នកគ្រូជួបជុំពិភាក្សាអំពីគម្រោងសហការរវាងសាលាទាំងពីរ
តំណាងសាកលវិទ្យាល័យវិទ្យាសាស្រ្តអនុវត្ត Saxionប្រទេសហូឡង់ លោកសាស្ត្រាចារ្យ Harry Futselaarបានចែករំលែកអំពីសក្តានុភាពលើកិច្ចសហប្រតិបត្តិការរវាងសាលាទាំងពីរ ជាពិសេសលើវិស័យបរិស្ថាន។ លោកបានឲ្យដឹងថា ការបង្កើនភាពសហការ ស្រាវជ្រាវ អនុវត្តបច្ចេកទេសទំនើបៗ ដើម្បីដោះស្រាយបញ្ហាក្នុងវិស័យផ្គត់ផ្គង់ទឹក ការដោះស្រាយបញ្ហាបំពុលបរិស្ថាន គឺជាបញ្ហាចាំបាច់និងត្រូវការយកចិត្តទុកដាក់ ជំរុញក៏ដូចជាការចូលរួមរបស់អ្នកវិទ្យាសាស្ត្រនិងសហគ្រាស។
លោកសាស្ត្រាចារ្យ Harry Futselaarប្រធានក្រុមស្រាវជ្រាវអំពីបច្ចេកវិទ្យាទឹកនៃសាកលវិទ្យាល័យ
វិទ្យាសាស្រ្តអនុវត្ត Saxion ប្រទេសហូឡង់
លោកបណ្ឌិត Pham Kim Longនាយកវិទ្យាស្ថានបច្ចេកវិទ្យាបរិស្ថាននៃសាកលវិទ្យាល័យត្រាវិញបានថ្លែងអំណរគុណដល់គណៈប្រតិភូភាគីហូឡង់ដែលបានមកពិភាក្សានិងសហការជាមួយវិទ្យាស្ថាននិងសាលា។ លោកបណ្ឌិត Pham Kim Longក៏បានសំដែងនូវគោលបំណងរបស់លោកគឺការសហការស្រាវជ្រាវដើម្បីរកនូវដំណោះស្រាយប្រកបដោយប្រសិទ្ធភាពក្នុងការប្រើប្រាស់ធនធាននិងបរិស្ថានទឹក រុករកខ្សែទឹកក្រោមដីនៅតំបន់វាលរាបទន្លេគឺវឡុង និងខេត្តជាប់ជាមួយសមុទ្រ ក្នុងបរិបទដែលធនធានទឹកមួយថ្ងៃកាន់តែបាត់បង់ទៅដោយសារការប្រែប្រួលនៃអាកាសធាតុ។ លោកជឿជាក់ថា ក្រុមអ្នកជំនាញរបស់សាកលវិទ្យាល័យនិងក្រុមស្រាវជ្រាវអំពីដេលមានលោក សាស្ត្រចារ្យ Harry Futselaarជាប្រធាននឹងរួមចំណែកបង្កើតបានជាសារប្រយោជន៍ក្នុងបណ្តាគម្រោងលើកកម្ពស់សមត្ថភាពគ្រប់គ្រងធនធានទឹក អនុវត្តនូវបច្ចេកវិទ្យាទំនើបៗ និងល្អសម្រាប់បរិស្ថាន ដើម្បីកែលម្អនិងគ្រប់គ្រងទឹកនៅប្រទេសវៀតណាម វាលរាបទន្លេគឺវឡុងនិងបណ្តាខេត្តជាប់សមុទ្រ។
លោកបណ្ឌិត Pham Kim Longនាយកវិទ្យាស្ថានបច្ចេកវិទ្យាបរិស្ថានរាយការណ៍អំពីស្ថានភាព
នៃវិស័យទឹកនៅប្រទេសវៀតណាម
លោកស្រីNgo Bich Ngocនាយកសហប្រតិបត្តិការយុទ្ធសាស្រ្តនៃសាកលវិទ្យាល័យវិទ្យាសាស្រ្តអនុវត្តSaxionប្រទេសហូឡង់បានឲ្យដឹងអំពីសារសំខាន់នៃដៃគូសហការលើវិស័យបរិស្ថានបចេ្ចកទេសបច្ចេកវិទ្យាសេដ្ឋកិច្ចចក្រានិងកសិកម្មបៃតងជាពិសេសកិច្ចសហប្រតិបត្តិការ “រដ្ឋ - ឯកជន” រវាងសាលារៀន សហគ្រាស និងរដ្ឋាភិបាល (Public and Private Partnerships)។ជាងនេះទៅទៀតការបង្កើតគម្រោងគ្រប់គ្រងទឹកប្រកបដោយប្រសិទ្ធិភាពត្រូវតែមានការវិនិយោគជាយូរអង្វែងផ្នែកហិរញ្ញវត្ថុព្រមទាំងជំនួយខាងបច្ចេកទេសហិរញ្ញវត្ថុនិងធនធានមនុស្សអំពីរដ្ឋាភិបាលហូឡង់ក្រុមហ៊ុនសហគ្រាសធំៗជំនាញខាងវិនិច្ឆ័យទឹកនៅប្រទេសហូឡង់។
លោកស្រី Ngo Bich Ngocនាយកសហប្រតិបត្តិការយុទ្ធសាស្រ្តនៃសាកលវិទ្យាល័យវិទ្យាសាស្រ្តអនុវត្ត Saxionប្រទេសហូឡង់
លោកស្រីបណ្ឌិត Tran Thi Ngoc Bichនាយករងនៃវិទ្យាស្ថានបច្ចេកវិទ្យាបរិស្ថានបានស្នើឲ្យមានការបើកទូលាយលើកិច្ចសហប្រតិបត្តិការរវាងសាលាទាំងពីរលើវិស័យវិទ្យាសាស្រ្តអនុវត្តបរិស្ថានមានដូចជា៖ ដោះដូរអ្នកជំនាញ គ្រូបង្រៀននិងនិស្សិត ជារៀងរាល់ឆ្នាំ។ ទន្ទឹមនឹងនេះ អនុវត្តកម្មវិធីបណ្តុះបណ្តាលមុខជំនាញពីរទន្ទឹមគ្នាផ្នែកបច្ចេកទេសបរិស្ថាន(បែប 3+1)និងចាត់តាំងសិក្ខាសាលាជំនាញបរិស្ថានជារៀងរាល់ត្រីមាស។
រាប់ពីឆ្វេងទៅស្តាំ លោកសាស្ត្រាចារ្យ Harry Futselaarជាប្រធានក្រុមស្រាវជ្រាវអំពីបច្ចេកវិទ្យាទឹក, លោកស្រី Ngo Bich Ngocនាយកសហប្រតិបត្តិការយុទ្ធសាស្រ្តនៃសាកលវិទ្យាល័យវិទ្យាសាស្រ្តអនុវត្ត Saxionប្រទេសហូឡង់ និងលោកស្រីបណ្ឌិត Tran Thi Ngoc Bichនាយករងនៃវិទ្យាស្ថានបច្ចេកវិទ្យាបរិស្ថាននៃសាកលវិទ្យាល័យត្រាវិញ
ក្នុងថ្ងៃនោះផងដែរ គណៈប្រតិភូបានទៅទស្សនា សង្កេតស្ថានភាពពិតអំពីការគ្រប់គ្រង ប្រើប្រាស់និងវិនិច្ឆ័យទឹកនៅតាមតំបន់ទេសចរណ៍ក្រុមហ៊ុនអង្គភាពផ្គត់ផ្គង់ទឹកក្នុងខេត្តត្រាវិញដើម្បីសិក្សាបន្ថែមអំពីតម្រូវការ ស្ថានភាព និងបច្ចេកទេសដែលកំពុងបានប្រើប្រាស់ក្នុងការគ្រប់គ្រងទឹក ក៏ដូចជាបញ្ហាប្រឈមរបស់បុគ្គល ក្រុមហ៊ុន អាជីវកម្ម និងអង្គការនានាក្នុងខេត្តត្រាវិញ។ ឆ្លងតាមរយៈនោះ កំណត់បានគម្រោងស្រាវជ្រាវ ទិសដៅសហការយូរអង្វែង រកឃើញនូវដំណោះស្រាយទាន់ហេតុការ ប្រសិទ្ធិភាព និងល្អសម្រាប់បរិស្ថាន ក្នុងការគ្រប់គ្រងនិងវិនិច្ឆ័យប្រភពទឹកសម្រាប់វាលរាបទន្លេគឺវឡុង ជាពិសេស ខេត្តត្រាវិញនាពេលអនាគត។
ដំណើរសង្កេតការណ៍នៅរមណីយដ្ឋានCon Chim
ទស្សនាដំណើរការវិនិច្ឆ័យទឹកសំណល់នៅក្រុមហ៊ុនច្នៃជលផល Mekong
សង្កេតស្ថានភាពវិនិច្ឆ័យទឹកនៅក្រុមហ៊ុនផ្គត់ផ្គង់ទឹកខេត្តត្រាវិញ
លោកសាស្ត្រាចារ្យ Harryចែករំលែកអំពីគម្រោងវិទ្យាសាស្ត្រអនុវត្តបរិស្ថាន ជាពិសេសអំពីការ
វិនិច្ឆ័យ និងផ្គត់ផ្គង់ទឹកនៅក្រុមហ៊ុនឯកជនទទួលខុសត្រូវមានកម្រិតផ្គត់ផ្គង់ទឹក Sencoត្រាវិញ
ជួបពិភាក្សានិងទស្សនាបច្ចេកវិទ្យាវិនិច្ឆ័យទឹកនៅរោងចក្រថាមពលអគ្គិសនីដើរដោយចំហេះធ្យូងថ្ម Duyen Hai 1
បញ្ចប់ដំណើរទស្សនកិច្ច សាលាទាំងពីរបានឯកភាពគ្នានូវរាល់ចំណុចដែលបានស្នើសម្រាប់ការអនុវត្តកិច្ចសហប្រតិបត្តិការក្នុងខែកក្តដា ឆ្នាំ ២០២២ អំពីការដោះដូរនិស្សិត រៀបចំកិច្ចពិភាក្សាស៊ីជម្រៅអំពីបរិស្ថាន អនុវត្តកម្មវិធីស្រាវជ្រាវសម្រាប់និស្សិតនិងគ្រូបង្រៀងនៃសាលាទាំងពីរ។ ទន្ទឹមនឹងនេះ អនុវត្តកម្មវិធីជាយូរអង្វែងអំពីគម្រោងស្រាវជ្រាវសហការរដ្ឋ - ឯកជនរវាង សាលារៀន សហគ្រាស និងរដ្ឋាភិបាល កម្មវិធីសហការនិងអាហារូបករណ៍ទាក់ទងការបណ្តុះបណ្តាលមុខជំនាញពីរទន្ទឹមគ្នាតាមបែប (3+1)សម្រាប់ផ្នែកបច្ចេកទេសបរិស្ថាន។
តំណាងសាលាទាំងពីរបានឯកភាពនូវគម្រោងនៃកិច្ចសហប្រតិបត្តិការនិងជូនវត្ថុអនុស្សាវរីយ៍ដំណើរបំពេញទស្សនកិច្ចនៅសកលវិទ្យាល័យត្រាវិញនៃសកលវិទ្យាល័យវិទ្យាសាស្រ្តអនុវត្ត Saxion ប្រទេសហូឡង់ គឺជាជំហានសំខាន់មួយសម្រាប់ផ្សារភ្ជាប់និងសហការស្រាវជ្រាវ បណ្តុះបណ្តាលធនធានមនុស្ស ដើម្បីកសាងនិងអភិវឌ្ឍសេដ្ឋកិច្ចតំបន់ឆ្ពោះទៅរកស្ថិរភាព។
Ngọc Bích – Thanh Ngân – Hoàng Tín
HH-ĐK
