សាកលវិទ្យាល័យត្រាវិញ គៀងគរអ្នកស្ម័គ្រចិត្តជាង ៦០០នាក់ ដើម្បីជួយផ្ដល់កម្លាំងសម្រាប់រដូវកាលប្រឡង
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 13 កក្កដា 2022
- ចុចដង៖ 347
ការប្រឡងសញ្ញាបត្រមធ្យមសិក្សាទុតិយភូមិឆ្នាំ ២០២២ នឹងប្រព្រឹត្តទៅក្នុងរយៈពេល ២ថ្ងៃ ចាប់ពីថ្ងៃទី ៧ ដល់ថ្ងៃទី ៨ ខែកក្កដា ឆ្នាំ ២០២២។ ដើម្បីរួមចំណែកដល់ភាពជោគជ័យនៃការប្រឡងឆ្នាំនេះ សាកលវិទ្យាល័យត្រាវិញបានគៀងគរអ្នកស្ម័គ្រចិត្តជាង ៦00នាក់ ដែលជានិស្សិត ដើម្បីចូលរួមក្នុងការជួយជំរុញកម្លាំងនិង គាំទ្របេក្ខជនក្នុងការប្រឡងសញ្ញាបត្រមធ្យមសិក្សាទុតិយភូមិ។
សមាគមនិស្សិតនៃសាកលវិទ្យាល័យត្រាវិញ បានបង្កើតក្រុមយុវជនស្ម័គ្រចិត្តចំនួន ៣១ក្រុម ដើម្បីជួយជំរុញកម្លាំងសម្រាប់រដូវកាលប្រឡង ចូលរួមក្នុងសកម្មភាពដូចជាគាំទ្រទទួល និងជូនដំណើរបេក្ខជន រក្សាសណ្តាប់ធ្នាប់ចរាចរណ៍សុវត្ថិភាពតាមខ្លោងទ្វារសាលា។ ផ្តល់ទឹក អាហារពេលព្រឹក របាំងមុខ បរិក្ខាសិក្សាគ្រប់ប្រភេទសម្រាប់ការប្រឡងដល់បេក្ខជន... ផ្សព្វផ្សាយឱ្យបានទូលំទូលាយនូវព័ត៌មានទទួលការគាំទ្រក៏ដូចជាប្រមូលផ្ដុំធនធានសង្គមទាំងអស់ ដើម្បីរួមគ្នាជួយឧបត្ថម្ភបេក្ខជនក្នុងការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២២។
បងស្រី Pham Le Phuong Thao លេខាធិការរងសម្ពន្ធយុវជនសាកលវិទ្យាល័យត្រាវិញ អនុប្រធានអចិន្ត្រៃយ៍នៃសមាគមនិស្សិតសាកលវិទ្យាល័យត្រាវិញ មានប្រសាសន៍ថា កម្មវិធី "ជួយជំរុញកម្លាំងសម្រាប់រដូវកាលប្រឡង" ឆ្នាំ២០២២ ត្រូវបានផ្លាស់ប្ដូរថ្មីក្នុងការចង្អុលណែនាំនិងការអនុវត្ត ដើម្បីគាំទ្រឱ្យកាន់តែប្រសើរឡើងសម្រាប់បេក្ខជន។បណ្ដាអង្គភាពចំណុះសម្ព័ន្ធយុវជនសាលាបានចាត់តាំងសកម្មភាពជាច្រើនដើម្បីគាំទ្រ និងលើកទឹកចិត្តបេក្ខជនមុនពេលប្រឡងបញ្ចប់ការសិក្សា បង្កលក្ខណៈល្អបំផុតសម្រាប់បេក្ខជនក្នុងការប្រឡង រួមចំណែកក្នុងការធានាកម្មវិធីប្រឡងប្រកបដោយសុវត្ថិភាព ម៉ឺងម៉ាត់ និងស្របតាមបទប្បញ្ញត្តិ។
ក្រុមអ្នកស្ម័គ្រចិត្ដ សមាជិកសម្ព័ន្ធ និងយុវជនដែលចូលរួមក្នុងកម្មវិធីលើកកម្ពស់ស្មារតីឈានមុខ ស្ម័គ្រចិត្ដ ចូលរួមយ៉ាងសកម្មក្នុងការណែនាំ គាំទ្របេក្ខជន និងក្រុមគ្រួសារ សម្រេចកិច្ចការដែលបានកំណត់ដោយជោគជ័យ គោរពតាមច្បាប់នៃកម្មវិធី, ធានាបាននូវតម្រូវការអំពីពេលវេលា។
និស្សិត Le Minh Giau លេខាសម្ព័ន្ធយុវជនមហាវិទ្យាល័យ ភាសា វប្បធម៌ និងវិចិត្រសិល្បៈខ្មែរណាមបូ ប្រធានសមាគមនិស្សិតស្រុក Cau Ngang បានឲ្យដឹងថា៖ កម្មវិធី “ជួយជំរុញកម្លាំងសម្រាប់រដូវកាលប្រឡង” បានក្លាយទៅជាសកម្មភាពស្ម័គ្រចិត្តដ៏មានអត្ថន័យមនុស្សធម៌យ៉ាងជ្រាលជ្រៅ ទាក់ទាញការចូលរួមពីសមាជិកសម្ព័ន្ធយុវជន និងនិស្សិតជាច្រើន បានសង្គមអោយតម្លៃខ្ពស់។ ឆ្លងតាមកម្មវិធីនេះ បង្កើតបរិយាកាសសម្រាប់យុវជន និងនិស្សិតលើកកម្ពស់ស្មារតីឈានមុខ ស្ម័គ្រចិត្ត បង្កើនចំណងសាមគ្គីស្រឡាញ់ទៅវិញទៅមក និងស្មារតីទទួលខុសត្រូវអំពីខ្លួនចំពោះសហគមន៍។
នៅមណ្ឌលប្រឡងនៃសាលាអនុវិទ្យាល័យ Ly Tu Trong (ទីក្រុងត្រាវិញ) បេក្ខនារី Thach Chau Y សិក្សាសាលាសាកលជនជាតិអន្តេវាសិកវិទ្យាល័យខេត្តត្រាវិញ បានអោយដឹងថា៖“បងៗដែលជាអ្នកស្ម័គ្រចិត្តនៃសាកលវិទ្យាល័យត្រាវិញ ពិតជារួសរាយរាក់ទាក់ណាស់។ ពេលប្អូនមកដល់ខ្លោងទ្វារភ្លាម បងៗស្វាគមន៍យ៉ាងកក់ក្ដៅ និងណែនាំដោយអស់ពីចិត្ត។ អ្នកស្ម័គ្រចិត្តចាត់ទុកប្អូនៗដូចសាច់ញាតិរបស់គាត់។”
យោងតាមព័ត៌មានរបស់គណៈកម្មាការចាត់តាំងពិធីប្រឡងមធ្យមសិក្សាទុតិយភូមិខេត្តបានឲ្យដឹងថា នៅថ្ងៃធ្វើបែបបទដើម្បីចូលរួមប្រឡង ទូទាំងខេត្តមានបេក្ខជនសរុបចំនួន ៩៤៨៩នាក់ ក្នុងនោះប្រព័ន្ធអប់រំសាកលមាន ៩០០៧នាក់ ហើយប្រព័ន្ធអប់រំជាប្រចាំមានបេក្ខជនចំនួន ៤៨២នាក់។ បេក្ខជនចំនួន ៨៣៧៨នាក់ បានចុះឈ្មោះប្រឡងដើម្បីពិនិត្យសម្រាប់ការទទួលស្គាល់បញ្ចប់ការសិក្សា និង ពិនិត្យសម្រាប់ការជ្រើសរើសចូលរៀនកំរិតបរិញ្ញាបត្រ។ បេក្ខជនចំនួន ៧៨១នាក់ បានចុះឈ្មោះប្រឡងដើម្បីពិនិត្យសម្រាប់ការទទួលស្គាល់ សញ្ញាបត្រមធ្យមសិក្សាទុតិយភូមិតែប៉ុណ្ណោះ នៅសល់បេក្ខជនចុះឈ្មោះប្រឡងដើម្បីពិនិត្យសម្រាប់ការជ្រើសរើសចូលរៀនកំរិតបរិញ្ញាបត្រ។ ខេត្តបានបង្កើតគណៈកម្មការចាត់តាំងកម្មវិធីប្រឡង ដោយមានមណ្ឌលប្រឡងជាផ្លូវការចំនួន៣០ និងបន្ទប់ប្រឡងចំនួន៤២៦ ។ មណ្ឌលប្រឡងត្រូវបានដាក់នៅតាមសាលាវិទ្យាល័យ អនុវិទ្យាល័យ ទូទាំង ០៩ ស្រុក ក្រុង ក្នុងខេត្ត។
អត្ថបទដោយ៖ Hoang Nam
ប្រែសម្រួលដោយ៖ Diem Phuc
