សិក្ខាសាលាវិទ្យាសាស្ត្រ៖ "ទិសដៅស្រាវជ្រាវក្នុងវិស័យវិទ្យាសាស្ត្រសម្ភារៈ"
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 24 សីហា 2022
- ចុចដង៖ 343
ដើម្បីបំពេញតម្រូវការអភិវឌ្ឍ និងផ្ទេរបច្ចេកវិទ្យានៅតំបន់វាលរាបទន្លេគឺវឡុង សាកលវិទ្យាល័យត្រាវិញបាននឹងកំពុងជំរុញយ៉ាងខ្លាំងចំពោះការស្រាវជ្រាវវិទ្យាសាស្ត្រ។ ក្នុងរយៈពេល៥ឆ្នាំកន្លងមកជិតៗនេះ សាកលវិទ្យាល័យបានអនុវត្តជិត ១00 គម្រោងនៅគ្រប់កម្រិតក្នុងវិស័យស្រាវជ្រាវផ្សេងៗ។ ក្នុងនោះមានប្រធានបទអនុវត្តមួយចំនួន ដែលត្រូវបានផ្ទេរវិទ្យាសាស្ត្រ និងបច្ចេកវិទ្យាទៅជាការអនុវត្តជាក់ស្ដែង៖ តួយ៉ាងដូចជា គំរូផលិតស្រូវស្តង់ដារ VietGap, គំរូបង្កាត់អំប្រ៊ីយ៉ុងដូងខ្ទិះ, គំរូផលិតបន្លែសុវត្ថិភាព, គំរូនិស្សិតដាំឪឡឹកនិងគ្រប់គ្រងដោយខ្លួនឯង, គំរូដាំផ្សិតអាបឡូន និងគំរូចិញ្ចឹមក្តាមសមុទ្រនៅ Duyen Hai ។ល។បានរួមចំណែកនាំមកប្រសិទ្ធភាពសេដ្ឋកិច្ចមួយចំនួនក្នុងកិច្ចការផលិតរបស់ខេត្ត។
ជាមួយនឹងលទ្ធផលដែលសម្រេចបាន និងដើម្បីបង្កើតទីលានសិក្សា ដោះដូរការសិក្សា ដោះដូរចំណេះដឹងវិជ្ជាជីវៈ និងបទពិសោធន៍ស្រាវជ្រាវរវាងគ្រូបង្រៀន អ្នកស្រាវជ្រាវ និងអ្នកជំនាញឯកទេសក្នុងវិស័យវិទ្យាសាស្ត្រសម្ភារៈ។ សាកលវិទ្យាល័យត្រាវិញបានរៀបចំចាត់តាំងអង្គសិក្ខាសាលាវិទ្យាសាស្ត្រ ក្រោមប្រធានបទ "ទិសដៅស្រាវជ្រាវក្នុងវិស័យវិទ្យាសាស្ត្រសម្ភារៈ"។
អង្គសិក្ខាសាលានេះ បានទាក់ទាញចំណាប់អារម្មណ៍ពីសំណាក់អ្នកវិទ្យាសាស្ត្រជាច្រើន ដែលមកពីសាកលវិទ្យាល័យ និងវិទ្យាស្ថានស្រាវជ្រាវនានា។ ក្នុងនោះ មានការចូលរួមរបស់អ្នកវិទ្យា
សាស្ត្រប្រមាណ ២០ រូបដែលមកពីសមាគម វិទ្យាស្ថាន និងសាកលវិទ្យាល័យដូចជា៖ សមាគមវិទ្យាសាស្ត្រសម្ភារៈវៀតណាម,វិទ្យាស្ថានវិទ្យាសាស្ត្រសម្ភារៈអនុវត្តន៍ (បណ្ឌិត្យសភាវិទ្យាសាស្ត្រ និងបច្ចេកវិទ្យាវៀតណាម) វិទ្យាស្ថានបច្ចេកវិទ្យាគីមី (បណ្ឌិត្យសភាវិទ្យាសាស្ត្រនិងបច្ចេកវិទ្យាវៀត
ណាម) សាកលវិទ្យាល័យវិទ្យាសាស្ត្រពិត (សាកលវិទ្យាល័យជាតិទីក្រុងហូជីមិញ)….។
ពេលវេលាចាត់តាំងអង្គសិក្ខាសាលា៖ ម៉ោង ៨:៣០នាទីព្រឹក ថ្ងៃទី១៦ ខែសីហា ឆ្នាំ២០២២
ទីតាំង៖ បន្ទប់ប្រជុំទី៤ (WS4), មណ្ឌលទី១, សាកលវិទ្យាល័យត្រាវិញ – លេខ ១២៦, វិថី Nguyen Thien Thanh, អនុសង្កាត់លេខ៤, សង្កាត់លេខ៥, ក្រុងត្រាវិញ, ខេត្តត្រាវិញ ។
ព័ត៌មានទំនាក់ទំនង៖
មហាវិទ្យាល័យគីមីអនុវត្ត - សាកលវិទ្យាល័យត្រាវិញ
អាសយដ្ឋានៈ លេខ១២៦ វិថី Nguyen Thien Thanh,អនុសង្កាត់លេខ៤, សង្កាត់លេខ៥, ក្រុងត្រាវិញ, ខេត្តត្រាវិញ ។
ទូរស័ព្ទ៖ 0964 896 974 (លោក Nguyen Tan Tai – ដេប៉ាតឺម៉ង់វិទ្យាសាស្ត្រសម្ភារៈ
មហាវិទ្យាល័យគីមីអនុវត្ត)
ប្រែសម្រួលដោយ៖ Van Thon