និស្សិតនៃសាកលវិទ្យាល័យត្រាវិញចែករំលែកគំនិតគម្រោងផ្ដើមអាជីវកម្មក្នុងអង្គសន្និសីទកំពូលវិស័យពាណិជ្ជកម្ម ប្រចាំឆ្នាំ ២០២២ - ម៉ាឡេស៊ី
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 29 សីហា 2022
- ចុចដង៖ 330
ចាប់តាំងពីថ្ងៃទី 0១-0៧ ខែសីហា ឆ្នាំ២០២២ក្នុងអង្គសន្និសីទកំពូលវិស័យពាណិជ្ជកម្មប្រចាំឆ្នាំ២០២២ បានចាត់តាំងឡើងនៅប្រទេសមាឡេស៊ី។ និស្សិត ៣រូប មកពីសាកលវិទ្យាល័យត្រាវិញដែលជាសមាជិកគម្រោង“ផលិតទឹកជ្រលក់ពីកូនម៉ែ”បានធ្វើបទបង្ហាញអំពីគម្រោងផ្ដើមអាជីវកម្មចំពោះគណៈកម្មការទីប្រឹក្សា និងអ្នកវិនិយោគ។
ចូលរួមជាមួយសាកលវិទ្យាល័យត្រាវិញនៅមានសាកលវិទ្យាល័យចំនួន៩ផ្សេងៗទៀតក្នុងតំបន់៖ សាកលវិទ្យាល័យបច្ចេកវិទ្យានិងប្ដូរថ្មីអាស៊ីហ្វាស៊ីហ្វីក ប្រទេសម៉ាឡេស៊ី សាកលវិទ្យាល័យ Trisakti ប្រទេសឥណ្ឌូណេស៊ី សាកលវិទ្យាល័យឥណ្ឌូណេស៊ី សាកលវិទ្យាល័យ Telkomប្រទេសឥណ្ឌូណេស៊ី សាកលវិទ្យាល័យ Palawan ប្រទេសហ្វីលីហ្វិន សាកលវិទ្យាល័យ ជា ស៊ីម កំចាយមារ ប្រទេសកម្ពុជា សាកលវិទ្យាល័យជាតិឡាវ សាកលវិទ្យាល័យ Mpumalangaអាហ្វីកខាងត្បូង និងសាកលវិទ្យាល័យកឹនធើ។
ចំពោះសាកលវិទ្យាល័យត្រាវិញ និស្សិតSon Minh Thienបានធ្វើបទបង្ហាញអំពីគម្រោង “ផលិតទឹកជ្រលក់ពីកូនម៉ែ” យ៉ាងទាក់ទាញ។ ប្អូន Minh Thien បានអោយដឹងថា “នេះគឺជាឱកាសល្អសម្រាប់ប្អូនសិក្សាស្វែងយល់បន្ថែមអំពីចំណេះដឹងនៃការផ្ដើមអាជីវកម្មពិភពលោក ការផ្ដល់យោបល់និងការវាយតម្លៃដ៏ជាក់ស្ដែងរបស់គណៈកម្មការប្រឹក្សាជួយឲ្យគម្រោងរបស់ប្អូនមានភាពពេញលេញជាងអំពីផលិតផល និងតម្រង់ទិសផលិតផលចេញទៅកាន់ទីផ្សាពិភពលោក។ ចំណេះដឹកដែលប្អូនទទួលបាន ប្អូននឹងចែករំលែកដល់និស្សិតរបស់សាកលវិទ្យាល័យត្រាវិញ ជាពិសេសគឺនិស្សិតដែលកំពុងឋិតក្នុងដំណាក់កាលរៀបចំគំនិត និងឈានទៅអនុវត្តជាក់ស្ដែងនូវគំនិតទាំងនោះ។
លោក Nguyen Van Vu Anនាយកមជ្ឈមណ្ឌលប្ដូរថ្មីច្នៃប្រឌិត និងផ្ដើមអាជីវកម្ម បានមានប្រសាសន៍ថា “អង្គសន្និសីទគឺជាឱកាសដោះដូរនិងសហការរវាងសាកលវិទ្យាល័យទាំងឡាយក្នុងតំបន់ ចំពោះសកម្មភាពផ្ដើមអាជីវកម្មនិងប្ដូរថ្មីច្នៃប្រឌិត។ ក្នុងរយៈពេលខាងមុខសាកលវិទ្យាល័យត្រាវិញនឹងពង្រឹងកិច្ចសហការទ្វេភាគីឬពហុភាគីជាមួយនិងសាកលវិទ្យាល័យនានា ដែលបានចុះកិច្ចព្រមព្រៀងសហការលើការបណ្ដុះបណ្ដាលចំណេះដឹង បំណិនទន់ដល់និស្សិតប្រកបដោយលក្ខណៈអន្តរជាតិ ឆ្លងតាមរយៈ siminar ប្រចាំសប្ដាហ៍ដោយរបៀបអនឡាញ់ និងផ្ទាល់។ ឈានទៅកាន់ ការផ្លាស់ប្ដូរនិស្សិតទៅវិញទៅមកអំពីវិស័យផ្ដើមអាជីវកម្ម អនុវត្តការច្នៃប្រឌិតនូវបណ្ដាសំណាកឧបត្ថម្ភការផ្ដើមអាជីវកម្មប្ដូរថ្មីច្នៃប្រឌិត របស់សាលានានាក្នុងតំបន់ ចូលក្នុងសកម្មភាពឧបត្ថម្ភនៅសាកលវិទ្យាល័យត្រាវិញ។”
អត្ថបទដោយ៖ Tieu Mi
ប្រែសម្រួលដោយ៖Thanh Nghiep
