មហាវិទ្យាល័យវិស្វកម្មនិងបច្ចេកវិទ្យារៀបចំពិធីប្រកួតប្រជែង Olympic យន្តសាស្រ្ត ឆ្នាំ ២០២៣
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 02 កញ្ញា 2022
- ចុចដង៖ 390
ថ្មីៗនេះ លោកសាស្រ្តាចារ្យរង បណ្ឌិត Nguyen Thai Son ជាព្រឹទ្ធបុរសមហាវិទ្យាល័យវិស្វកម្មនិងបច្ចេកវិទ្យានៃសាកលវិទ្យាល័យត្រាវិញបានទទួលស្វាគមន៍និងធ្វើការជាមួយលោកសាស្រ្តាចារ្យ បណ្ឌិតវិទ្យាសាស្ត្រ Nguyen Tien Khiem ជាប្រធានសមាគមយន្តសាស្រ្តវៀតណាម។ ភាគីទាំងពីរបានពិភាក្សាអំពីការស្រាវជ្រាវវិទ្យាសាស្ត្រ និងរៀបចំពិធីប្រកួតប្រជែង Olympic យន្តសាស្រ្ត ដែលជាពិធីបានចាត់តាំងជារៀងរាល់ឆ្នាំ។
 |
 |
មហាវិទ្យាល័យវិស្វកម្មនិងបច្ចេកវិទ្យាទទួលស្វាគមន៍និងធ្វើការជាមួយ
លោកសាស្រ្តាចារ្យបណ្ឌិតវិទ្យាសាស្ត្រ Nguyen Tien Khiem
ក្នុងកិច្ចប្រជុំ លោកសាស្រ្តាចារ្យ បណ្ឌិតវិទ្យាសាស្ត្រ Nguyen Tien Khiem បានចែករំលែកអំពីការចាំបាច់នៃការចូលរួមពិធីប្រកួតប្រជែងOlympic យន្តសាស្រ្ត ដែលបានរៀបចំដោយ សមាគមយន្តសាស្រ្តវៀតណាមសហការជាមួយសមាគមនិស្សិតវៀតណាម។
តាមប្រសាសន៍របស់លោក ពិធីប្រកួតប្រជែង Olympic យន្តសាស្រ្តថ្នាក់ជាតិ គឺដើម្បីជម្រុញការរៀនសូត្រនិងស្រាវជ្រាវអំពីបណ្តាវិញ្ញាសាយន្តសាស្រ្ត រកឃើញនិងលើកទឹកចិត្តដល់ទេពកោសល្យវ័យក្មេងពីនិស្សិត និងការបង្ហាត់បង្រៀនបណ្តាវិញ្ញាសាយន្តសាស្រ្តនៅមហាវិទ្យាល័យនិយាយរួម និងសាកលវិទ្យាល័យត្រាវិញ។
Olympic យន្តសាស្រ្តបានចាត់តាំងឡើងជារៀងរាល់ឆ្នាំ រួមមានវិញ្ញាសាប្រឡងទាំង៧ មានដូចជា៖ យន្តសាស្រ្តបច្ចេកទេស កម្លាំងធុននៃសម្ភារៈ យន្តសាស្រ្តគម្រោង ជលគតិវិជ្ជា យន្តសាស្រ្តដី យន្តសាស្រ្តគ្រឿងយន្តនិងឧបករណ៍។ នៅឆ្នាំ ២០២៣ ពិធីប្រកួតប្រជែង Olympic យន្តសាស្រ្តថ្នាក់ជាតិនឹងបានចាត់តាំងឡើងនៅមហាវិទ្យាល័យគរុកោសល្យវិស្វកម្មវិញឡុង។
លោកសាស្រ្តាចារ្យរង បណ្ឌិត Nguyen Thai Son ព្រឹទ្ធបុរសមហាវិទ្យាល័យវិស្វកម្មនិងបច្ចេកវិទ្យាបានឲ្យដឹងថា មហាវិទ្យាល័យនឹងចង្អុលការហើយលើកទឹកចិត្តឲ្យបណ្តាដេប៉ាតឺម៉ង់មានដូចជា៖ ដេប៉ាតឺម៉ង់មេកានិច ដេប៉ាតឺម៉ង់សំណង់ស៊ីវិល ត្រៀមលក្ខណៈដើម្បីចូលរួមប្រកួតប្រជែង រួមចំណែកក្នុងការផ្សាភ្ជាប់ការស្រាវជ្រាវវិទ្យាសាស្ត្រនៅសាកលវិទ្យាល័យត្រាវិញ ទៅនឹងភារកិច្ចនៃគ្រូបង្រៀនគ្រប់រូប។
អត្ថបទដោយ៖ Tan Minh
ប្រែសម្រួលដោយ៖ Omnara
