ជំនួយលើវិស័យអប់រំ និងបណ្តុះបណ្តាល ពង្រឹងចំណងមិត្តភាពរវាងវៀតណាម និងកម្ពុជា
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 12 កញ្ញា 2022
- ចុចដង៖ 392
NDO – នារសៀលថ្ងៃទី៣១ ខែសីហា គណៈប្រតិភូនៃព្រះរាជាណាចក្រកម្ពុជា ដឹកនាំដោយលោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃនៃប្រទេសកម្ពុជា បានជួបពិភាក្សាការងារជាមួយនឹងសាកលវិទ្យាល័យត្រាវិញដែលមានលោកបណ្ឌិត Nguyen Minh Hoa ជាសាកលវិទ្យាធិការ នៃសាកលវិទ្យាល័យត្រាវិញបានតំណាងទទួលគណៈប្រតិភូ។
លោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃនៃប្រទេសកម្ពុជា បានទទួលនូវវចនានុក្រមទ្វេភាសា ខ្មែរ - វៀតណាម និង វៀតណាម - ខ្មែរ ពីសាកលវិទ្យាល័យត្រាវិញ
ក្នុងកិច្ចជំនួបនេះ រដ្ឋលេខាធិការក្រសួងមហាផ្ទៃនៃព្រះរាជាណាចក្រកម្ពុជា លោកស្រី ជូ ប៊ុន អេង បានមានប្រសាសន៍ថា វៀតណាម និងកម្ពុជា គឺជាប្រទេសជិតខាងដែលមានទំនាក់ទំនងប្រពៃណីល្អ។ ការជំនួយរបស់កងទ័ពវៀតណាមបានជួយឲ្យប្រជាជនកម្ពុជារួចផុតពីរបបប្រល័យពូជសាសន៍ខ្មែរក្រហម ដើម្បីកសាងនិងស្ថាបនាប្រទេសជាតិឡើងវិញ។
ប៉ុន្មានឆ្នាំមកនេះ សាកលវិទ្យាល័យត្រាវិញបានជ្រើសរើសនិស្សិត ហើយបានឧបត្ថម្ភអាហារូបករណ៍ និងកន្លែងស្នាក់នៅក្នុងអន្តេវាសិកដ្ឋានដោយមាននិស្សិតកម្ពុជាចំនួន ១២៦ នាក់។ក្នុងនោះមាននិស្សិតបរិញ្ញាបត្ររងចំនួន ១០នាក់ និស្សិតកម្រិតបរិញ្ញាបត្រមានចំនួន ១១៦នាក់។ ក្នុងនោះ និស្សិតកម្ពុជាសិក្សាខាងជំនាញផ្នែកវេជ្ជសាស្ត្រ គិលានុបដ្ឋាក ការធ្វើតេស្តវេជ្ជសាស្រ្ត ហិរញ្ញវត្ថុនិងធានាគារ ការគ្រប់គ្រងពាណិជ្ជកម្ម និងអេឡិចត្រូនិក។
ក្នុងជំនួបនេះដែរ រដ្ឋលេខាធិការក្រសួងមហាផ្ទៃកម្ពុជា លោកស្រី ជូ ប៊ុនអេង មានប្រសាសន៍ថា សកម្មភាពផ្ដល់ជំនួយលើវិស័យអប់រំ និងបណ្តុះបណ្តាលរបស់សាកលវិទ្យាល័យត្រាវិញ ជម្រុញអោយចំណងមិត្តភាពរវាងវៀតណាម និងកម្ពុជាមួយថ្ងៃកាន់តែស្អិតរមួតថែមទៀត។
កម្ពុជាត្រូវការយ៉ាងខ្លាំងនូវកិច្ចសហប្រតិបត្តិការ និងការជំនួយរបស់វៀតណាម និងខេត្តត្រាវិញលើវិស័យអប់រំនិងបណ្តុះបណ្តាល សុខាភិបាល វប្បធម៌ និងកីឡា។ នាពេលខាងមុខនេះ សាកលវិទ្យាល័យត្រាវិញនឹងបន្តផ្តល់នូវអាហារូបករណ៍ និងជួយបណ្តុះបណ្តាលដល់សិស្សនិស្សិតកម្ពុជា ។ នេះជាធនធានមនុស្សដែលមានគុណភាពខ្ពស់ដែលនឹងជួយកម្ពុជាក្នុងការអភិវឌ្ឍសេដ្ឋកិច្ចរបស់ប្រទេសជាតិ៕
ប្រែសម្រួលដោយ៖ Thach Nhen