វគ្គប្រឡងជម្រុះដំបូង “ស្វែងរកអ្នកមានសមត្ថភាព និងទេពកោសល្យធ្វើពិធីករ” ឆ្នាំ២០២២
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 16 កញ្ញា 2022
- ចុចដង៖ 362
រាត្រីថ្ងៃទី១៦ខែសីហា បានប្រារព្ធនូវវគ្គប្រឡងជម្រុះដំបូង “ស្វែងរកអ្នកមានសមត្ថភាព និងទេពកោសល្យធ្វើពិធីករ” ឆ្នាំ២០២២ យ៉ាងអធិកអធម្ម។
វគ្គប្រឡងនេះអនុញាតិអោយនិស្សិតដែលកំពុងសិក្សានៅសាកលវិទ្យាល័យត្រាវិញ និងសិស្សសាលាអនុវត្តគរុកោលសល្យត្រាវិញទាំងអស់ចូលរួម។ ក្នុងគោលបំណងជម្រុះរកអ្នកមានសមត្ថភាព និងទេពកោលសល្យពិតប្រាកដផ្នែកពិធីករ។ វគ្គប្រឡងនេះរួមមាននិស្សិតចំនួន៣០នាក់ចូលរួមប្រកួតប្រជែងក្រោមការដឹកនាំរបស់ក្លឹបប្រព័ន្ធផ្សព្វផ្សាយ។
នេះជាកម្មវិធីមួយតាមគម្រោងកម្មវិធីរបស់ “ Uni -Tour” បានសមាគមនិស្សិតវៀតណាមថ្នាក់មជ្ឈិមប្រារព្ធឡើងនៅសាកលវិទ្យាល័យត្រាវិញចាប់ពីថ្ងៃទី១៥ខែសីហាដល់ថ្ងៃទី២៧ខែសីហាឆ្នាំ២០២២។ ក្នុងគោលបំណងអបអរសាទរខួប៧៧ឆ្នាំនៃទិវាឯករាជ្យជាតិនៃសាធារណរដ្ឋសង្គមនិយមវៀតណាម (០២/៩/១៩៤៥ - ០២/៩/២០២២)។
លោក Do Quoc Vinh សមាជិកគណៈប្រតិបត្តិការសមាគមនិស្សិតសាកលវិទ្យាល័យត្រាវិញ និងជាប្រធានក្លឹបប្រព័ន្ធផ្សព្វផ្សាយ និងជាអនុប្រធានដឹកនាំកម្មវិធីនេះបានថ្លែងឱ្យដឹងថា កម្មវិធីនេះនឹងស្វែងរកហើយជ្រើសរើសបានអ្នកមានសមត្ថភាពនិយាយ និងសមត្ថភាពដោះស្រាយបញ្ហាដោយប្រសិទ្ធភាព ដើម្បីបំប៉នសមត្ថភាពលើជំនាញពិធីករ ហើយជម្រុញឱ្យប្អូនៗមានភាពលេចធ្លោលើសកម្មភាពនានា មានទាំងសកម្មភាពក្នុងសាលា និងក្រៅសាលា។
ក្នុងរាត្រីប្រឡងជម្រុះដំបូង បេក្ខជនមានរយៈពេល ៥នាទីសម្រាប់ណែនាំអំពីខ្លួនឯង និងធ្វើពិធីករដឹកនាំកម្មវីធីមួយដែលខ្លួនឯងបានគ្រោងទុកជាស្រេច (ប្រធានបទសេរី មិនឃ្លាតចាកអំពីវប្បធម៌ និងមិនខុសច្បាប់)។
ក្រោយពីប្រកួតប្រជែង គ្រូបង្វឹកនឹងសួរសំណួរទៅបេក្ខជនដើម្បីឆ្លើយសំណួរក្នុងរយៈពេល៣ដល់៥នាទី។ គណៈកម្មការនឹងវាយតម្លៃយ៉ាងសុក្រឹត្យទៅលើការបញ្ចេញសម្លេងសម្លៀកបំពាក់ រូបសម្ពស្ស ក៏ដូចជារបៀបនិងសមត្ថភាពទំនាក់ទំនង។
នៅក្នុងវគ្គនេះ គ្រូបង្វឹកនឹងជ្រើសរើសបេក្ខជនចំនួន៥រូបចូលក្រុមដើម្បីចូលរួមប្រឡងនៅវគ្គបន្ត។ ជាពិសេសគ្រូបង្វឹកក៏មានសិទ្ធចំនួនមួយដងក្នុងការរារាំងគ្រូបង្វឹកផ្សេងទៀតជ្រើសរើសបេក្ខជនចូលក្រុមដែរ។
បញ្ចប់វគ្គប្រឡងជម្រុះដំបូង មានបេក្ខជនចំនួន១៨រូបត្រូវបានជ្រើសរើស និងបែងចែកជា៣ក្រុមដោយមួយក្រុមមាន៦នាក់ ដើម្បីប្រកួតបន្តនៅវគ្គពាក់កណ្ដាលផ្ដាច់ព្រ័ត្រដើម្បីប្រកួតប្រជែងជាក្រុម។ ក្នុងនោះគ្រូបង្វឹកនឹងមានឱកាសចំនួន១លើកដើម្បីស្រង់យកបេក្ខជនរបស់ខ្លួនមកវិញពេលត្រូវជម្រុះក្រោយពេលការប្រកួតប្រជែងបានបញ្ចប់។
វគ្គពាក់កណ្ដាលផ្ដាច់ព្រ័ត្រ “ស្វែងរកអ្នកមានសមត្ថភាព និងទេពកោសល្យធ្វើពិធីករ” នឹងត្រូវបានប្រារព្ធឡើងនៅថ្ងៃទី២១/៧/២០២២ នៅសាលប្រជុំ E21.105 នៃសាកលវិទ្យាល័យត្រាវិញ។
អត្ថបទដោយ៖ Hoang Nam – Manh Hoai
ប្រែសម្រួលដោយ៖ Thanh Nghiep
