ពិធីជួបជុំបុណ្យសែនព្រះខែឆ្នាំ២០២២
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 19 កញ្ញា 2022
- ចុចដង៖ 356
(TVU) –រាត្រីថ្ងៃទី០៨ ខែកញ្ញា នៅសាលប្រជុំ D5សហជីពសាកលវិទ្យាល័យត្រាវិញ បានចាត់តាំងពិធីជួបជុំសែនព្រះខែជូនដល់កុមារា កុមារីដែលជាកូនរបស់កងជួរគ្រូបង្រៀន និងបុគ្គលិក និយោជិតដែលកំពុងបំពេញការងារនៅសាកលវិទ្យាល័យ ក្រោមប្រធានបទ “ រាត្រីជួបជុំចន្ទពេញវង់ សប្បាយរីករាយបុណ្យសែនព្រះខែជាមួយកុមារ”។
អញ្ជើញចូលរួមក្នុងពិធីនេះ មានលោកស្រី Thach Thi Dan សាកលវិទ្យាធិការរងនៃសាកលវិទ្យាល័យត្រាវិញ លោក Nguyen Nhat Thanh សមាជិកគណៈប្រតិបត្តិការសម្ព័ន្ធសហជីពខេត្តត្រាវិញ ប្រធានសហជីពសាកលវិទ្យាល័យត្រាវិញ ព្រមជាមួយនឹងគណៈប្រតិបត្តិការសហជីពសាលា មួយអន្លើដោយកុមារា កុមារីជាង២០០រូប ដែលជាកូនរបស់កងជួរគ្រូបង្រៀន បុគ្គលិក និយោជិតនៃសាកលវិទ្យាល័យ។
ថ្លែងយោបល់នៅក្នុងពិធីជួបជុំនេះ លោកស្រី Thach Thi Dan សាកលវិទ្យាធិការរង ជូនពរកុមារា កុមារីគ្រប់រូបអំណររាត្រីសែនព្រះខែប្រកបដោយសប្បាយរីករាយ លុះក្នុងដំបូន្មាន និងខិតខំរៀនសូត្រអោយបានពូកែ។ លោកស្រីបានបញ្ជាក់បន្ថែម រៀងរាល់ឆ្នាំសហជីពសាលាតែងចាត់តាំងនូវសកម្មភាពគិតគូរការពារសិទ្ធិ និងផលប្រយោជន៍ស្របច្បាប់ដល់បុគ្គលិក និងជំរុញសកម្មភាពគិតគូរដល់សមាជិកសហជីព។ ច្រើនឆ្នាំកន្លងមកនេះ អោយតែដល់ថ្ងៃបុណ្យសែនព្រះខែ សម្ព័ន្ធសហជីពសាកលវិទ្យាល័យត្រាវិញតែងចាត់តាំងពិធីអំណរបុណ្យសែនព្រះខែដល់កុមារាកុមារី ដែលជាកូនរបស់បុគ្គលិក និយោជិត។
ពិធីជួបជុំបានប្រព្រឹត្តិឡើងក្នុងឱកាសដ៏សប្បាយរីករាយ ពុះពោរ ប្អូនៗមានក្តីរំភើបពេលចូលរួមលេងល្បែងប្រជាប្រិយយ៉ាងសកម្ម និងទស្សនាឡកម៉ុងសាយ កម្មវិធីសិល្បៈទៀតផង។ ក្រៅពីនោះ កុមារម្នាក់ៗនៅទាំងបានទទួលអំណោយមួយចំណែក រួមមាននំព្រះខែ និងចង្កៀងគោម។ ស្របក្នុងឱកាសនេះ សម្ព័ន្ធសហជីពខេត្តត្រាវិញបានជូនអំណោយដល់ប្អូនៗដែលរៀនពូកែចំនួន៧០ចំណែកផងដែរ៕
អត្ថបទដោយ៖ Hoàng Nam – Hoàng Long
ប្រែសម្រួលដោយ៖ Sa Phone
