សកម្មភាពទទួលស្វាគមន៍និស្សិតថ្មី ឆ្នាំ ២០២២ របស់មហាវិទ្យាល័យ ភាសា - វប្បធម៌ និងវិចិត្រសិល្បៈ ខ្មែរណាមបូ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 25 តុលា 2022
- ចុចដង៖ 321
ក្នុងក្របខ័ណ្ឌនៃសកម្មភាពរបស់សាកលវិទ្យាល័យត្រាវិញ ដើម្បីទទួលស្វាគមន៍និស្សិតថ្មីឆ្នាំ ២០២២ ព្រមទាំងបង្កើតលក្ខណៈសម្រាប់និស្សិត មានឱកាសជំនួបជាមួយនឹងថ្នាក់ដឹកនាំនៃមហាវិទ្យាល័យ លោកគ្រូអ្នកគ្រូ និងនិស្សិតដែលកំពុងសិក្សារនូវមុខជំនាញផ្សេងៗនៅមហាវិទ្យាល័យ។ ទន្ទឹមនឹងនោះដើម្បីបង្កើតនូវស្មារតីល្អបំផុតសម្រាប់ការសិក្សា ស្រាវជ្រាវនិងសង្វាក់រស់នៅក៏ដូចការសិក្សានៅមហាវិទ្យាល័យ និងនៅសាលា។ នៅព្រឹកថ្ងៃទី០៣ ខែតុលា ឆ្នាំ២០២២ មហាវិទ្យាល័យ ភាសា - វប្បធម៌និងវិចិត្រសិល្បៈខ្មែរណាមបូ បានចាត់តាំងនូវកាទទួលស្វាគមន៍និស្សិតថ្មី ដោយជាមួយនឹងបណ្ដាសកម្មភាពដ៏ឧឡារិក។
បន្ទាប់ពីបានចូលរួមសកម្មភាពរួមរបស់សាលា ដូចជាប្រណាំងរត់ ការចូលរួមក្នុងកម្មវិធីបើកឆាកនៅវេទិកាសម្ដែងនៃអគារD6។ និស្សិតថ្មីនិងនិស្សិតទាំងឡាយបានចូលរួមជាមួយនឹងបណ្ដាតូបរបស់មហាវិទ្យាល័យនិងមជ្ឈមណ្ឌលដែលត្រូវបានរៀបចំរួចស្រេចពីមុនហើយ។ តូបរបស់មហាវិទ្យាល័យ ភាសា - វប្បធម៌ និងវិចិត្រសិល្បៈខ្មែរណាមបូ បានរៀបចំនៅជិតសាលប្រជុំD5។ នៅទីនេះ និស្សិតថ្មីបានជំនួបជាមួយនឹងព្រឹទ្ធបុរស និងនិស្សិតរបស់មហាវិទ្យាល័យ ដើម្បីចូលរួមលេងល្បែងដែលសប្បាយរីករាយហើយទទួលបានអំណោយជាច្រើនយ៉ាងជក់ចិត្ត។ ទន្ទឹមនឹងនោះ ប្អូនៗក៏បានរីករាយទស្សនា ការសម្តែងឧបករណ៍ភ្លេងប្រពៃណី និងមានការដោះដូរសិល្បៈជាមួយលោកគ្រូអ្នកគ្រូ និងនិស្សិតដែលកំពុងសិក្សានៅមហាវិទ្យាល័យភាសា - វប្បធម៌និងវិចិត្រសិល្បៈ ខ្មែរណាមបូផងដែរ។
បណ្ដានិស្សិតថ្មី និងនិស្សិតចូលរួមល្បែង "រត់បណ្ដេញប្រាជ្ញា" (រូបភាព៖ Thanh Tuan)
បណ្ដានិស្សិតថ្មី និងនិស្សិត ដោះដូរនិងថតរូបធ្វើជាអនុស្សាវរីយ៍ (រូបភាព៖ Yen Chi)
ការសម្តែងឧបករណ៍ភ្លេងប្រពៃណី និងការដោះដូរវប្បធម៌ (រូបថត៖ Muni)
បន្ទាប់ពីសកម្មភាពដោះដូរនៅទីកន្លែងតូបតាំងពិព័រណ៍រួចមក និស្សិតត្រូវបានលោកគ្រូអ្នកគ្រូនៃដេប៉ាតឺម៉ងចំណុះមហាវិទ្យាល័យ ឧទ្ទេសនាមអំពីបណ្ដាអាគារសិក្សា មណ្ឌលអនុវត្តការសម្ដែង មណ្ឌលរដ្ឋបាលនៃមហាវិទ្យាល័យភាសា - វប្បធម៌និងវិចិត្រសិល្បៈខ្មែរណាមបូ រួមមានដូចជា៖ ការិយាល័យមហាវិទ្យាល័យ ការិយាល័យថ្នាក់ដឹកនាំមហាវិទ្យាល័យ ការិយាល័យដេប៉ាតឺម៉ង បណ្ណាល័យមជ្ឈមណ្ឌលវប្បធម៌ភាគនីរតី បន្ទប់សិក្សាឯកទេស....។ ទន្ទឹមនឹងនោះ និស្សិតក៏បានលោកគ្រូ អ្នកគ្រូ និងនិស្សិតដែលកំពុងសិក្សានៅមហាវិទ្យាល័យ បានចែករំលែកអំពីបទពិសោធន៍ក្នុងការសិក្សា និងស្រាវជ្រាវ នៅក្នុងសាលាផងដែរ។
ទស្សនាកន្លែងអនុវត្តការសម្ដែង (រូបភាព៖ Thanh Tuan)
ទស្សនាដេប៉ាតឺម៉ងគរុកោសល្យអក្សរសាស្រ្ដ និងភាសាខ្មែរ (រូបភាព៖ Thanh Tuan)
នេះជាសកម្មភាពជាក់ស្តែង និងមានអត្ថន័យ សម្រាប់ជំនួយដល់និស្សិតថ្មី ឲ្យមានការយល់ដឹង និងឈ្វេងយល់បទពិសោធន៍ ព្រមទាំងជាកន្លែងលេងប្រកបដោយសុខភាព និងមានប្រយោជន៍ ទ្រមទាំងជាអានីតភណ្ឌដ៏ល្អសម្រាប់ការសិក្សា និងស្រាវជ្រាវនៅសាកលវិទ្យាល័យត្រាវិញ និយាយរួម ជាពិសេសនៅមហាវិទ្យាល័យភាសា - វប្បធម៌និងវិចិត្រសិល្បៈខ្មែរណាមបូ។
អត្ថបទនិងប្រែសម្រួលដោយ៖ Danh Thanh Tuan
