សាកលវិទ្យាល័យត្រាវិញចូលរួមសិក្ខាសាលាជំរុញការវិនិយោគជាមួយសហគ្រាសហុងគ្រី
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 03 វិច្ឆិកា 2022
- ចុចដង៖ 230
នាថ្ងៃទី ២០ តុលា នៅរដ្ឋធានីហាណូយ លោកសាស្ត្រាចារ្យរងបណ្ឌិត Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញនិងគណៈប្រតិភូបានចូលរួមសិក្ខាសាលាជាមួយសហគ្រាសហុងគ្រី ដោយបានស្ថានឯកអគ្គរដ្ឋទូតហុងគ្រីប្រចាំនៅវៀតណាមសហការប្រារព្ធឡើង។
នៅក្នុងសិក្ខាសាលានេះ នាយកដ្ឋានវិនិយោគបរទេស - ក្រសួងផែនការនិងវិនិយោគបានចែករំលែកនូវបណ្ដាសមិទ្ធផលលេចធ្លោ ក្នុងការទាក់ទាញការវិនិយោគពីបរទេសមកវៀតណាមក្នុងប៉ុន្មានឆ្នាំកន្លងមកនេះ ហើយក៏នាំមកនូវបណ្ដាលក្ខណៈងាយស្រួល ក៏ដូចជាបញ្ហាប្រឈម ក្នុងការអំពាវនាវឱ្យមានដើមទុនវិនិយោគពីបរទេស។
លោកសាស្ត្រាចារ្យរងបណ្ឌិត Diep Thanh Tungសាកលវិទ្យាធិការរងនៃសាកលវិទ្យាល័យត្រាវិញ(ទីមួយរាប់ពីខាងឆ្វេងមក) និងលោក Nguyen Quynh Thienអនុប្រធានគណៈកម្មាធិការប្រជាជនខេត្តត្រាវិញ (ទីពីររាប់ពីខាងឆ្វេងមក) ថតរូបអនុស្សាវរីយ៍ជាមួយស្ថានឯកអគ្គរដ្ឋទូតវិសាមញ្ញ និងពេញសមត្ថកិច្ចហុងគ្រីប្រចាំនៅវៀតណាម Baloghdi Tibor។
នេះជាឱកាសសម្រាប់ខេត្តត្រាវិញផ្សារភ្ជាប់និងពិភាក្សាដោយផ្ទាល់ ជាមួយបណ្ដាសហគ្រាសហុងគ្រី អំពីកាលានុវត្តភាពវិនិយោគគោលនយោបាយអនុគ្រោះ និងជំរុញការវិនិយោគរបស់ត្រាវិញ។
លោក Nguyen Quynh Thienអនុប្រធានគណៈកម្មាធិការប្រជាជនខេត្តបានពិភាក្សាជាមួយតំណាងសហគ្រាសហុងគ្រីអំពីសក្តានុពល គុណសម្បត្តិនិងកាលានុវត្តភាពវិនិយោគនៅខេត្តត្រាវិញ។ ទន្ទឹមនឹងនោះ លោក Nguyen Quynh Thienបានជួបពិភាក្សា និងផ្លាស់ប្តូរឱកាសសហប្រតិបត្តិការជាមួយលោកស្រី Oláh Nikolettaអនុព័ន្ធសេដ្ឋកិច្ចនិងពាណិជ្ជកម្មនៃស្ថានទូតហុងគ្រីប្រចាំនៅវៀតណាម។
ក្នុងឱកាសនេះ សាកលវិទ្យាល័យត្រាវិញបានតភ្ជាប់ជាមួយដៃគូសហគ្រាសហុងគ្រីនិងស្វែងរកកាលានុវត្តភាពសហប្រតិបត្តិការលើវិស័យបណ្តុះបណ្តាល ការអភិវឌ្ឍន៍ធនធានមនុស្ស ការចាប់ផ្តើមអាជីវកម្មនិងការអភិវឌ្ឍន៍វិស័យអប់រំ។
សម័យប្រជុំក្នុងក្របខ័ណ្ឌនៃកម្មវិធីសិក្ខាសាលាជំរុញការវិនិយោគនាំមកនូវឱកាសសហ-ប្រតិបត្តិការរវាងខេត្តត្រាវិញនិយាយរួម និងសាកលវិទ្យាល័យត្រាវិញនិយាយដោយឡែក រួមជា មួយបណ្ដាវិនិយោគិន ហើយក៏បានបើកឱកាសសម្រាប់កិច្ចសហប្រតិបត្តិការផ្សារភ្ជាប់រវាងខេត្តត្រាវិញជាមួយសហគ្រាសនិងវិនិយោគិនហុងគ្រីនាពេលអនាគត។
អត្ថបទដោយ៖Dong Lam
ប្រែសម្រួលដោយ៖ Diem Phuc
