សាកលវិទ្យាល័យត្រាវិញបានចុះហត្ថលេខាលើកិច្ចព្រមព្រៀងសហប្រតិបត្តិការ MOU ជាមួយវិទ្យាស្ថានវិស្វកម្មឧស្សាហកម្មនៃព្រះរាជាណាចក្រកម្ពុជា។
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 04 វិច្ឆិកា 2022
- ចុចដង៖ 269
TVU – នៅថ្ងៃទី១៨ ខែតុលា ឆ្នាំ២០២២ គណៈប្រតិភូនាយកដ្ឋានអប់រំវិជ្ជាជីវៈ និងបណ្តុះបណ្តាលបច្ចេកទេស និងវិជ្ជាជីវៈ (TVET) វិទ្យាស្ថានវិស្វកម្មឧស្សាហកម្ម (ITI) ព្រះរាជាណាចក្រកម្ពុជា ដឹកនាំដោយលោក ហ៊ីង ស៊ីដេត អគ្គនាយក ជាប្រធានគណៈប្រតិភូ បានធ្វើដំណើរមកទស្សនកិច្ច និងធ្វើការជាមួយថ្នាក់ដឹកនាំនៃសាកលវិទ្យាល័យត្រាវិញ។
ទទួលគណៈប្រតិភូ មានលោកសាស្រ្តាចារ្យរង បណ្ឌិត Pham Tiet Khanh - ប្រធានក្រុមប្រឹក្សាភិបាលសាលា អ្នកបណ្ឌិត Thach Thi Dan - សាកលវិទ្យាធិការរង លោកសាស្រ្តាចារ្យរងបណ្ឌិត Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញ និងថ្នាក់ដឹកនាំនាយកដ្ឋាន វិទ្យាស្ថាន និងមជ្ឈមណ្ឌលនានានៃសាកលវិទ្យាល័យត្រាវិញបានចូលរួម។
ខាងគណៈប្រតិភូមានលោក ហ៊ីង ស៊ីដេត អគ្គនាយកដ្ឋាន TVET លោក ថោង សាម៉ុន - អគ្គនាយករងនៃនាយកដ្ឋាន TVET លោក តាន់ សម្បត្តិ - នាយកគ្រប់គ្រងអង្គការ លោក ជិន តារ៉ា - នាយកនៃវិទ្យាស្ថានវិស្វកម្មឧស្សាហកម្ម ITI លោក អ៊ុច លាង - នាយកដ្ឋានទំនាក់ទំនងអន្តរជាតិនៃរាជបណ្ឌិត្យសភាកម្ពុជា លោក សាយ សុខឃាង - នាយករង ITI លោក គង់ ឌីណា - នាយករង ITI លោក ថោ សំនឿន - ប្រធានភ្នែកបណ្តុះបណ្តាល លោក ង៉ែត ហុងណេង អនុប្រធានដេប៉ាតឺម៉ង់មេកានិចលោហធាតុ លោក អ៊ុំ ឃុនណៃ អនុប្រធានដេប៉ាតឺម៉ង់ម៉ាស៊ីនត្រជាក់។
ក្នុងជំនួបនោះ លោកសាស្រ្តាចារ្យរង បណ្ឌិត Pham Tiet Khanh - ប្រធានក្រុមប្រឹក្សាភិបាលសាកលវិទ្យាល័យត្រាវិញបានស្វាគមន៍គណៈប្រតិភូ លោកមានប្រសាសន៍ថា៖ “សាកលវិទ្យាល័យត្រាវិញមានកិត្តិយស ទទួលស្វាគមន៍គណៈប្រតិភូមកទស្សនកិច្ច និងធ្វើការនៅសាលា នេះក៏ជាសកម្មភាពមួយរួមចំណែកក្នុងការរក្សាខ្ជាប់នូវចំណងមិត្តភាព រវាងប្រទេសវៀតណាម និងព្រះរាជាណាចក្រកម្ពុជា។ តាមរយៈនេះ ក៏សង្ឃឹមថាគណៈប្រតិភូ និងសាកលវិទ្យាល័យត្រាវិញនឹងមានឱកាសសម្រាប់កិច្ចសហប្រតិបត្តិការរយៈពេលវែងក្នុងវិស័យបណ្តុះបណ្តាល និងការគ្រប់គ្រងការអប់រំ និងការស្រាវជ្រាវវិទ្យាសាស្ត្រ»។
តំណាងគណៈប្រតិភូ លោក ហ៊ីង ស៊ីដេត អគ្គនាយកដ្ឋាន TVET មានប្រសាសន៍ថា៖ “ដំណើរទស្សនកិច្ចនៅសាកលវិទ្យាល័យត្រាវិញរបស់គណៈប្រតិភូក្នុងគោលបំណងសិក្សា និងស្វែងយល់អំពីគំរូបណ្តុះបណ្តាល ការទទួលស្គាល់គុណភាពអប់រំអន្តរជាតិ ការគ្រប់គ្រងនិស្សិត កម្មវិធីអភិវឌ្ឍការបង្រៀន និងរៀន របស់គ្រូបង្រៀន និងនិស្សិតនៃសាលា ជាពិសេសតាមរយៈដំណើរទស្សនកិច្ចនេះ គណៈប្រតិភូមានបំណងចង់សហការក្នុងការផ្លាស់ប្តូរគ្រូបង្រៀន និងនិស្សិត អភិវឌ្ឍកម្មវិធីបណ្តុះបណ្តាល និងការស្រាវជ្រាវវិទ្យាសាស្ត្រ…”។
ក្នុងឱកាសនេះ ភាគីទាំងពីរបានពិភាក្សា និងចុះហត្ថលេខាលើ MOU ស្ដីអំពីបណ្ដាបញ្ហាពាក់ព័ន្ធនឹងកម្មវិធីបណ្តុះបណ្តាល ២+២, ៣+១... អភិវឌ្ឍធនធានមនុស្សបច្ចេកទេស ទទួលស្គាល់សញ្ញាបត្ររវាងភាគីទាំងពីរ និងសហប្រតិបត្តិការជំរុញកម្មវិធីធ្វើកម្មសិក្សាសម្រាប់និស្សិត ជាពិសេសកម្មវិធីបណ្តុះបណ្តាលនៃមហាវិទ្យាល័យវិស្វកម្មនិងបច្ចេកវិទ្យា។
អត្ថបទដោយ៖ Quoc Vinh – Phuoc Cuong
ប្រែសម្រួលដោយ៖ Van Thon
