សាកលវិទ្យាល័យត្រាវិញ ធ្វើការជាមួយអង្គការជំរុញពាណិជ្ជកម្មជប៉ុន JETRO - ទីក្រុងហូជីមិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 10 វិច្ឆិកា 2022
- ចុចដង៖ 247
ថ្ងៃទី ២៧ ខែតុលា ឆ្នាំ២០២២ សាកលវិទ្យាល័យត្រាវិញ តំណាងដោយលោកស្រីបណ្ឌិត Thach Thi Danបានជួបសំណេះសំណាល និងធ្វើការជាមួយក្រុម JETRO - ទីក្រុងហូជីមិញ។
ផ្នែកខាងគណៈប្រតិភូ JETROមានលោក Matsumoto Nobuyuki - ប្រធានតំណាងការិយាល័យ JETRO - ទីក្រុងហូជីមិញ លោក Kodama Ryohei និងលោក Muraoka Ikki - អ្នកជំនាញទីផ្សារ។ កិច្ចប្រជុំមានវត្តមានរបស់លោក Pham Van Be Sau - អនុប្រធានមជ្ឈមណ្ឌលជំរុញការវិនិយោគ និងគាំទ្រអាជីវកម្ម។
ក្នុងកិច្ចប្រជុំ សាកលវិទ្យាល័យត្រាវិញបានបង្ហាញនូវសកម្មភាពមួយចំនួននៃចំណងមិត្តភាពរវាងវៀតណាម - ជប៉ុន។ ទន្ទឹមនឹងនោះដែរសាកលវិទ្យាល័យត្រាវិញបានលើកឡើងនូវសំណើមួយចំនួនទៅកាន់គណៈប្រតិភូJETROដូចជា៖ អញ្ជើញក្រុមហ៊ុនពាណិជ្ជកម្មប្រទេសជប៉ុនវិនិយោគទុន រៀបចំស្ដង់ទំនិញពិសេសដោយឡែករបស់ក្រុមហ៊ុនក្នុងព្រឹត្តិការណ៍ផ្លាស់ប្ដូរវប្បធម៌ រវាងវៀតណាម - ជប៉ុន នាពេលខាងមុខនេះ ជាពិសេសគឺបណ្ដាទំនិញក្នុងវិស័យវេជ្ជសាស្ត្រ និងបច្ចេកវិទ្យា។ រៀបចំពិព័រណ៍សហគមន៍ ដោយមានបណ្ដាទំនិញ អំណោយ បរិក្ខាសិក្សាសម្រាប់ការសិក្សារបស់និស្សិត និងផ្ដល់អាហារូបករណ៍ជូននិស្សិត។ ឧបត្ថម្ភកម្មវិធីផ្លាស់ប្ដូរវប្បធម៌វៀតណាម - ជប៉ុនលើកទី៣;បើក workshop តម្រង់ទិសវប្បធម៌ ឥរិយាបថធ្វើការនៅជប៉ុនសម្រាប់និស្សិត ឬកម្មករទៅធ្វើសិក្សានិងធ្វើការនៅប្រទេសជប៉ុន។
ភាគីទាំងពីរបានរំពឹងទុកនឹងមានកិច្ចសហប្រតិបត្តិការជាច្រើនបន្ថែមទៀតនាពេលខាងមុខនេះ រួមចំណែកក្នុងការរឹតបន្តឹងទំនាក់ទំនងមិត្តភាពរវាងប្រទេសទាំងពីរ។
អត្ថបទដោយ៖Tin Di – Quoc Vinh
ប្រែសម្រួលដោយ៖ Omnara
