សាកលវិទ្យាល័យត្រាវិញចាត់តាំងពិធីបើកបវេសនកាលឆ្នាំសិក្សា ២០២២ -២០២៣ និងអនុស្សាវរីយ៍៤០ឆ្នាំ ទិវាគ្រូបង្រៀនវៀតណាមថ្ងៃទី២០ខែវិច្ឆិកាឆ្នាំ១៩៨២ - ថ្ងៃទី២០ខែវិច្ឆិកាឆ្នាំ២០២២
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 24 វិច្ឆិកា 2022
- ចុចដង៖ 246
ចូលរួមអបអរសាទរជាមួយគ្រូបង្រៀន និងសិស្សានុសិស្សគ្រប់ជំនាន់ទូទាំងប្រទេស នាថ្ងៃទី ២០ ខែវិច្ឆិកា ឆ្នាំ ២០២២ សាកលវិទ្យាល័យត្រាវិញបានចាត់តាំងពិធីបើកបវេសនកាលឆ្នាំសិក្សា ២០២២ - ២០២៣ និងអនុស្សាវរីយ៍ ៤០ឆ្នាំ ទិវាគ្រូបង្រៀនវៀតណាមថ្ងៃទី ២០ ខែវិច្ឆិកា (ថ្ងៃទី ២០ វិច្ឆិកា ឆ្នាំ១៩៨២ - ថ្ងៃទី២០ ខែវិច្ឆិកា ឆ្នាំ២០២២)។
សាស្រ្តាចារ្យ បណ្ឌិត Nguyen Thien Nhan - អតីតសមាជិកអចិន្ត្រៃយ៍គណៈកម្មាធិការមជ្ឈិមបក្ខ អតីតលេខាគណៈកម្មាធិការបក្សទីក្រុងហូជីមិញ រួមជាមួយថ្នាក់ដឹកនាំខេត្ត ថ្នាក់ដឹកនាំសាកលវិទ្យាល័យប្រារព្ធពិធីទូងស្គរបើកបវេសនកាលឆ្នាំសិក្សា២០២២ - ២០២៣។
ក្នុងកម្មវិធីនេះមានការចូលរួមនៃ សាស្រ្តាចារ្យបណ្ឌិត Nguyen Thien Nhan - អតីតសមាជិកអចិន្ត្រៃយ៍គណៈកម្មាធិការមជ្ឈិមបក្ខ អតីតលេខាគណៈកម្មាធិការបក្សទីក្រុងហូជីមិញ សមាជិករដ្ឋសភានីតិកាលទី១៥ អង្គភាពទីក្រុងហូជីមិញ; លោក Bui Quang Huy អតីតសមាជិកមជ្ឈិមបក្ខ ជាអតីតលេខាគណៈកម្មាធិការបក្ខខេត្តត្រាវិញ;លោក Huynh Phuoc Long អតីតអនុប្រធានក្រុមប្រឹក្សាកិច្ចការជនជាតិនៃរដ្ឋសភា; លោកស្រី Nguyen Thi Kha សមាជិកអចិន្ត្រៃយ៍គណៈកម្មាធិការអំពីបញ្ហាសង្គមនាំរដ្ឋសភាជាប្រធានសមាគមជំរឿនការសិក្សាខេត្តត្រាវិញ; បណ្ឌិត Nguyen Manh Tienអតីតអនុនាយកដ្ឋានអប់រំបរិញ្ញាបត្រនៃក្រសួងអប់រំនិងបណ្ដុះបណ្ដាល;លោក Nguyen Van Hieu សមាជិកអចិន្ត្រៃយ៍គណៈកម្មាធិការបក្សខេត្តប្រធានគណៈចាត់តាំងបុគ្គលិកនៃគណៈកម្មាធិការបក្សខេត្ត; លោកស្រី Nguyen Thi Minh Tam សមាជិកអចិន្ត្រៃយ៍គណៈកម្មាធិការបក្សខេត្តប្រធានគណៈកម្មាធិការត្រួតពិនិត្យ; លោកស្រី Duong Thi Ngoc Tho សមាជិកអចិន្ត្រៃយ៍គណៈកម្មាធិការបក្សខេត្ត អនុប្រធានក្រុមប្រឹក្សាប្រជាជនខេត្ត; លោកLe Thanh Binh សមាជិកអចិន្ត្រៃយ៍គណៈកម្មាធិការបក្សខេត្តអនុប្រធានគណៈកម្មាធិការប្រជាជនខេត្តត្រាវិញ; លោក Nguyen Van Triet សមាជិកអចិន្ត្រៃយ៍គណៈកម្មាធិការបក្សខេត្តប្រធានគណៈកម្មាធិការរណៈសិរ្យមាតុភូមិខេត្តត្រាវិញ; បណ្ឌិត Nguyen Thanh Tam សមាជិកអចិន្ត្រៃយ៍គណៈកម្មាធិការបក្សខេត្តលេខាគណៈកម្មាធិការបក្ខក្រុងត្រាវិញ។
ផ្នែកខាងសាកលវិទ្យាល័យត្រាវិញមានការចូលរួមនៃ សាស្ត្រាចារ្យរង បណ្ឌិត Pham Tiet Khanh ប្រធានក្រុមប្រឹក្សាភិបាលសាលា; បណ្ឌិត Nguyen Minh Hoa សាកលវិទ្យាធិការ; បណ្ឌិត Thach Thi Danសាកលវិទ្យាធិការរង; សាស្ត្រាចារ្យរង Diep Thanh Tungសាកលវិទ្យាធិការរង; លោក Tran Hoan Kim អតីតអនុលេខាគណៈកម្មាធិការបក្ខខេត្ត អតីតប្រធានគណៈកម្មាធិការប្រជាជនខេត្តជាប្រធានក្រុមប្រឹក្សាសាកលវិទ្យាល័យត្រាវិញ; ភ្ញៀវកិត្តិយសដែលជាអតីតថ្នាក់ដឹកនាំសាលាគ្រប់ជំនាន់ ព្រមទាំងកងជួរគ្រូបង្រៀន បុគ្គលិក និងនិស្សិតឆ្នើមតំណាងអោយនិស្សិតកំពុងតែសិក្សានៅសាលា។
សាស្ត្រាចារ្យរង Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញ អានលិខិតប្រសិទ្ធិពរឆ្នាំសិក្សាថ្មី
សាស្ត្រាចារ្យរង Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញ អានលិខិតប្រសិទ្ធិពរឆ្នាំសិក្សាថ្មីរបស់លោកប្រធានរដ្ឋនិងលិខិតប្រសិទ្ធិពរទិវាគ្រូបង្រៀនវៀតណាម ថ្ងៃទី២០ខែវិច្ឆិកា របស់លេខាគណៈកម្មាធិការបក្ខខេត្ត ប្រធានគណៈកម្មាធិការប្រជាជនខេត្ត ក្រុមប្រឹក្សាប្រជាជនខេត្ត និងគណៈកម្មាធិការរណៈសិរ្យមាតុភូមិវៀតណាមខេត្តត្រាវិញនាឱកាសបើកបវេសនកាលនិងអនុស្សាវរីយ៍៤០ឆ្នាំទិវាគ្រូបង្រៀនវៀតណាមនៅសាកលវិទ្យាល័យត្រាវិញ។
បណ្ឌិត Nguyen Minh Hoa សាកលវិទ្យាធិការថ្លែងរបាយការណ៍នៃសមិទ្ធផល របស់គ្រូនិងសិស្សដែលទទួលបានក្នុងឆ្នាំសិក្សា២០២១ - ២០២២។
សាកលវិទ្យាធិការមានប្រសាសន៍ថា៖ ជាងមួយឆ្នាំថ្មីៗកន្លងនេះ ស្ថិតក្នុងស្ថានភាពជំងឺរាតត្បាតកូវីដ១៩ ពិធីបើកបវេសនកាលនៃសាកលវិទ្យាល័យត្រាវិញបានចាត់តាំងឡើងតាមប្រពន្ធអនឡាញ។ ជាពិសេសក្នុងរយៈពេលសិក្សាក្នុងឆមាសទី១ សាលាក៏បានចាត់តាំងការបង្រៀននិងសិក្សាតាមប្រពន្ធអនឡាញ។ គ្រូនិងសិស្សបានពុះពារដើម្បីអោយបានសម្រេចនៅផែនការដែលបានបណ្ដាក់ចេញ។ ហើយក៏ក្នុងស្ថានភាពនេះ បណ្ដាគំនិតច្នៃប្រឌិតថ្មីក៏ត្រូវបានគ្រូនិងសិស្សបានផុសឡើង ហើយបានក្លាយជាសមិទ្ធផលដ៏អស្ចារ្យ រួមចំណែកធ្វើអោយសាកលវិទ្យាល័យត្រាវិញឆ្លងផុតរាល់ឧបសគ្គនៃជំងឺរាតត្បាតកូវីដ១៩ ដើម្បីសម្រេចនៅគោលដៅនៃឆ្នាំសិក្សា។ លទ្ធផលសាលាទទួលបាននូវលទ្ធផលល្អប្រសើរក្នុងការបម្លែងឌីជីថល ក្នុងការវាយតម្លៃគុណភាពបណ្ដុះបណ្ដាលស្របតាមស្តង់ដារអន្តរជាតិ ក្នុងសកម្មភាពផ្ដើមធ្វើអាជីវកម្ម ក៏ដូចជាក្នុងកិច្ចសហប្រតិបត្តិការជាមួយនឹងសហគ្រាស។
សាកលវិទ្យាធិការបានផ្ញើនូវបិយវាចារជូនពរដល់និស្សិតទាំងអស់ជាង២០ពាន់នាក់ ដែលមកពីគ្រប់ទិសទីទូទាំងប្រទេសនិងប្អូនៗនិស្សិតមកពីប្រទេសកម្ពុជា ដែលកំពុងសិក្សានៅសាកលវិទ្យាល័យត្រាវិញ។ ព្រមទាំងសម្ដែងនូវអំណរគុណចំពោះថ្នាក់ដឹកនាំក្រសួង ថ្នាក់ដឹកនាំខេត្ត និងលោកគ្រូ អ្នកគ្រូដែលជាចាស់ព្រឹទ្ធាចារ្យបដិវត្តន៍ ព្រមទាំងការជំនួយពីសម្ភារៈ និងស្មារតីនៃមន្ទីរស្ថាប័នខេត្ត អង្គភាព និងឯកជនក្នុងនិងក្រៅប្រទេស អ្នកឧបត្ថម្ភ បានបង្កលក្ខណៈងាយស្រួលសម្រាប់នៃការបណ្ដុះបណ្ដាលរបស់សាលាទទួលបានលទ្ធផលល្អនិងរីកចម្រើន។
បណ្ឌិត Nguyen Minh Hoa អំពាវនាវបុគ្គលិកទាំងអស់ ព្រមទាំងសិស្សនិស្សិតទាំងឡាយ ប្រួតដៃគ្នាឆ្ពោះទៅទិសដៅរួមដើម្បីអនុវត្តអោយបានជោគជ័យនូវភារកិច្ចចម្បងរបស់សាលាក្នុងឆ្នាំសិក្សាថ្មីរួមមានគឺ៖ ជម្រុញកិច្ចការវាយតម្លៃកម្មវិធីសិក្សាស្របតាមស្តង់ដារអន្តរជាតិ; អនុវត្តអោយបានសម្រេចទម្រង់សាកលវិទ្យាល័យអភិវឌ្ឍ; លើកកម្ពស់ចក្ខុវិស័យសហប្រតិបត្តិការនិងបណ្ដុះបណ្ដាលអន្តរជាតិ; ជម្រុញការស្រាវជ្រាវវិទ្យាសាស្ត្រ តាមទិសដៅអនុវត្តនិងបម្រើបម្រាស់សហគមន៍; បន្តការនិងបង្កើនមុខតំណែងតួនាទីក្នុងចំណាត់ថ្នាក់លើឆាកអន្តរជាតិ។
មានប្រសាសន៍ក្នុងកម្មវិធី សាស្ត្រាចារ្យបណ្ឌិត Nguyen Thien Nhan អតីតសមាជិកអចិន្ត្រៃយ៍គណៈកម្មាធិការបក្ខមជ្ឈិម អតីតលេខាគណៈកម្មាធិការបក្ខទីក្រុងហូជីមិញ បានស្ងើចសរសើរការខិតខំក្នុងកិច្ចការបណ្ដុះបណ្ដាលរបស់សាលា។ ជាពិសេសគឺការលើកកម្ពស់ចំណេះដឹងជំនាញក្នុងការបង្ហាត់បង្រៀននិងសិក្សា។ លោកបានសង្កត់ធ្ងន់អំពីការបង្កើនចំណេះដឹងអំពីភាសាបរទេសក្នុងសម័យសមាហរណកម្ម; បំពាក់បំប៉ន់ចំណេះដឹងថ្មីត្រូវផ្សារភ្ជាប់ទៅនឹងជីវភាពជាក់ស្ដែងក្នុងសង្គម; ផ្ដល់បំណិនដល់និស្សិតមុនពេលចេញសាលា; បង្កើតរបៀបរស់នៅប្រកបដោយទំនួលខុសត្រូវចំពោះសហគមន៍; រស់នៅត្រូវមានក្ដីប្រាថ្នា។ ជាពិសេសលោកបានសង្កត់ធ្ងន់ថា៖ «រៀនធ្វើជាកូនកតញ្ញូ» «រៀនដើម្បីកសាងជីវិត កសាងគ្រួសារឱ្យមានសុភមង្គល» ក្នុងសម័យទំនើបនេះ។
សាស្ត្រាចារ្យ បណ្ឌិត Nguyen Thien Nhan អតីតសមាជិកអចិន្ត្រៃយ៍គណៈកម្មាធិការបក្ខមជ្ឈិម អតីតលេខាគណៈកម្មាធិការបក្ខទីក្រុងហូជីមិញ មានប្រសាសន៍ក្នុងកម្មវិធី
ក្នុងបរិយាកាសដ៏ឱឡារិកនៃពិធីបើកបវេសនកាល សាកលវិទ្យាល័យត្រាវិញបានប្រកាសសេចក្តីសម្រេចរបស់ក្រុមប្រឹក្សាភិបាលសាលាស្តីពីការបង្កើតសាលាមហាវិទ្យាល័យសេដ្ឋកិច្ច និងនីតិសាស្ត្រ។
ថ្នាក់ដឹកនាំមហាវិទ្យាល័យសេដ្ឋកិច្ច និងនីតិសាស្ត្រ និងថ្នាក់ដឹកនាំមហាវិទ្យាល័យគ្រប់គ្រងរដ្ឋបាលនិងគ្រប់គ្រងការិយាល័យ ទទួលសេចក្តីសម្រេចស្ដីពីការបង្កើតសាលាមហាវិទ្យាល័យសេដ្ឋកិច្ចនិងនីតិសាស្ត្រ ចំណុះសាកលវិទ្យាល័យត្រាវិញ
ស្ថិតក្នុងបរិយាកាសនៃការទទួលឆ្នាំសិក្សាថ្មី លោកសាស្ត្រាចារ្យ បណ្ឌិត Nguyen Thien Nhan - អតីតសមាជិកអចិន្ត្រៃយ៍គណៈកម្មាធិការបក្ខមជ្ឈិម អតីតលេខាគណៈកម្មាធិការបក្ខទីក្រុងហូជីមិញ បានផ្តល់ជូនអាហារូបករណ៍ចំនួន២៤ចំណែក របស់គ្រួសារលោកសាស្ត្រាចារ្យ Nguyen Thien Thanh ដល់និស្សិតនៃសាកលវិទ្យាល័យត្រាវិញសរុបជាទឹកប្រាក់ទាំងអស់ ៧២លានដុង។
សាស្ត្រាចារ្យ បណ្ឌិត Nguyen Thien Nhan ជូនអាហារូបករណ៍ដល់ប្អូនៗនិស្សិត
ក្នុងឱកាសនេះ ប្រធានគណៈកម្មាធិការប្រជាជនខេត្តត្រាវិញ បានប្រគល់ទង់ប្រឡងប្រណាំងដល់សមូហភាពរបស់សាលា “សម្រេចបានលទ្ធផលល្អឆ្នើមក្នុងការចលនាប្រឡងប្រណាំងឆ្នាំ ២០២១”; គណៈកម្មាធិការប្រជាជនខេត្តបានប្រគល់ប័ណ្ណសរសើរ "ទទួលបានពានរង្វាន់បម្លែងឌីជីថលវៀតណាមឆ្នាំ២០២២ លើប្រភេទសហគ្រាស និងអង្គភាពដែលបម្លែងឌីជីថលល្អបំផុត" និងប្រគល់ប័ណ្ណសរសើរចំនួន១៤០ ក្នុងនោះសម្រាប់សមូហភាពចំនួន 0២ និងឯកជនចំនួន១៣៨នាក់ "សម្រេចការងារឆ្នើមក្នុង២ឆ្នាំ (ឆ្នាំសិក្សា ២០២០ - ២០២១ និង ២០២១ - ២០២២)"។
លោក Le Thanh Binh អនុប្រធានគណៈកម្មាធិការប្រជាជនខេត្តត្រាវិញ (ទីពីរពីឆ្វេងទៅ) បានប្រគល់ទង់ប្រឡងប្រណាំងរបស់គណៈកម្មាធិការប្រជាជនខេត្តដល់សាកលវិទ្យាល័ត្រាវិញ។
បណ្ឌិត Thach Thi Dan សាកលវិទ្យាធិការរងថ្លែងកថាអំណរគុណ
បណ្ឌិត Thach Thi Dan សាកលវិទ្យាធិការរងជំនួសមុខសាកលវិទ្យាល័យទាំងមូល បានទទួលនូវការផ្ដល់យោបល់ពីសាស្ត្រាចារ្យ បណ្ឌិត Nguyen Thien Nhan និងសេចក្ដីចង្អុលការរបស់លោក Le Thanh Binh អនុប្រធានគណៈកម្មាធិការប្រជាជនខេត្ត។ ទន្ទឹមនឹងនោះដែរលោកស្រីក៏បានថ្លែងអំណរគុណចំពោះសហគ្រាស និងគ្រូបង្រៀននៃសាលាវិទ្យាល័យនានាក្នុងនិងក្រៅខេត្ត ព្រមទាំងអ្នកឧបត្ថម្ភក្នុងនិងក្រៅប្រទេស និងអ្នកសារព័ត៌មានបានរួមដំណើរក្នុងការបង្កើត និងអភិវឌ្ឍន៍សាលា។
ភ្ញៀវកិត្តិយសថតរូបអនុស្សាវរីយ៍ក្នុងកម្មវិធី
រូបភាពមួយចំនួននៃការទទួលស្វាគមន៍លោកគ្រូ អ្នកគ្រូ និងសិស្សានុសិស្សដែលមកពីសាលាវិទ្យាល័យនានា
ទទួលស្វាគមន៍លោកគ្រូ អ្នកគ្រូ សាលាវិទ្យាល័យ Hieu Tu ថ្ងៃទី២០ខែវិច្ឆិកា
ទទួលស្វាគមន៍លោកគ្រូ អ្នកគ្រូ សាលាវិទ្យាល័យ Quan Trong Hoang ខេត្តបេនត្រែ ថ្ងៃទី២០ខែវិច្ឆិកា
ទទួលស្វាគមន៍សិស្សានុសិស្សមកទស្សនកិច្ចសិក្សានៅសាកលវិទ្យាល័យត្រាវិញថ្ងៃទី២០ខែវិច្ឆិកា
ទស្សនាតាំងពិព័ណ៍ភោជនាហារ
អត្ថបទដោយ៖ Tín Di – Nhat Hao
ប្រែសម្រួលដោយ៖ Sa Phone
