វគ្គផ្ដាច់ព្រ័ត្រពិធីប្រកួត “កីឡាកាយវប្បកម្មនិងលំហាត់ប្រាណ សិស្សនិស្សិត” ឆ្នាំ២០២២
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 29 វិច្ឆិកា 2022
- ចុចដង៖ 240
(TVU) ថ្ងៃទី១៨ ខែវិច្ឆិកា ពិធីប្រកួត “កីឡាកាយវប្បកម្មនិងលំហាត់ប្រាណសិស្សនិស្សិត”ឆ្នាំ២០២២ បានប្រព្រឹត្តឡើងជាផ្លូវការនៅសាកលវិទ្យាល័យត្រាវិញ។ និស្សិត Thuan Van Thomមហាវិទ្យាល័យវេជ្ជសាស្រ្ត និងឱសថសាស្ត្រ បានទទួលជ័យលាភីលេខ១។
នេះជាលើកដំបូង ពានរង្វាន់កីឡាកាយវប្បកម្មនិងលំហាត់ប្រាណសិស្សនិស្សិត បានចាត់តាំងឡើងនៅសកលវិទ្យាល័យត្រាវិញ មានការចូលរួមប្រឡង នៃនិស្សិតមកពីសាកលវិទ្យាល័យត្រាវិញ នៃបណ្ដាសាលាមធ្យមសិក្សាជំនាញ, សាលាឧត្តមវិជ្ជា, សិស្សនៃបណ្ដាសាលាវិទ្យាល័យក្នុងខេត្តត្រាវិញដែលមានសុខភាពនិងកាយពលល្អ ក្រោមការជំនួយឧបត្ថម្ភរបស់បណ្ដាបន្ទប់ហាត់ប្រាណនិងកីឡាករជំនាញក្នុងខេត្ត។
លោកស្រីបណ្ឌិត Thach Thi Dan ជូនបាច់ផ្កាជាអនុស្សាវរីយ៍ដល់គណៈមេប្រយោគនិងអ្នកឧបត្ថម្ភ
គណៈមេប្រយោគនៃពិធីប្រកួតរួមមាន៖ Mister National Universe 2022 Ngo Hoang Phi Viet; អាជ្ញាកណ្ដាលថ្នាក់ជាតិមុខវិជ្ជាកីឡាកាយវប្បកម្មនិងលំហាត់ប្រាណ Le Huu Nhan; អត្តពលិកលើកទម្ងន់ Nguyen Binh An, ពានរង្វាន់ឯកប្រចាំអាស៊ីឆ្នាំ២០១៨, បំបែកឯកទគ្គកម្មអាស៊ីជាមួយទម្ងន់លើកបាន១៨៣គីឡូក្រាម។ ក្រោមការណែនាំរបស់គ្រូបង្វឹកជំនាញ, បណ្ដាអ្នកប្រកួតបានសម្ដែងបង្ហាញដោយនឹងនរ, បង្ហាញនូវកាយពលល្អដល់គណៈមេប្រយោគ ជាមួយនឹងទស្សនិកជនកំពុងទស្សនាផ្ទាល់។
នៅរាល់វគ្គប្រកួត បណ្ដាបេក្ខជននឹងសម្ដែងនៅលើឆាកតាមលំដាប់លំដោយនូវក្បាច់ទាំង០៧គឺ៖ បង្ហាញទាំងស្រុងនូវសាច់ដុំដែលសម្លឹងពីមុខ(Most Musclar); បង្ហាញសាច់ដុំខ្នងសម្លឹងពីមុខ(Front Lat Spread); បង្ហាញសាច់ដុំកៀកដើមទ្រូង(Side Chest); បង្ហាញកំភួនដៃទាំងពីរសម្លឹងពីក្រោយ(Rear Double Biceps); បង្ហាញសាច់ខ្នងទូលាយសម្លឹងពីក្រោយ(Back Lat Spread); បង្ហាញដើមដៃ(Side Triceps); បង្ហាញសាច់ដុំពោះនិងសាច់ដុំភ្លៅមុខ(Front Abdominal).
Mister National Universe 2022 Ngo Hoang Phi Viet មានប្រសាសន៍ថា៖ បណ្ដាបេក្ខជនបានបន្សល់ទុកនូវរាត្រីប្រកួតមួយដ៏ជក់ចិត្ត និងអារម្មណ៍ល្អចំពោះមុខវិជ្ជាកីឡាកាយវប្បកម្មនិងលំហាត់ប្រាណក្នុងភ្នែកគ្រូបង្វឹកនិងគណៈមេប្រយោគ។ ពិធីប្រកួតមិនត្រឹមតែជាទីកម្សាន្តទាក់ទាញនូវនិស្សិតដែលមានចំណូលចិត្តខាងបង្ហាញសាច់ដុំប៉ុណ្ណោះទេ ព្រមជាមួយការជោគជ័យនៃនៃពិធីប្រកួត ក្ដីសប្បាយរីករាយរបស់បណ្ដាកីឡាករដែលទទួលបានជ័យលាភី នេះក៏ជាកម្លាំងសម្រាប់និស្សិតបន្តការហាត់លត់ដំនូវមុខវិជ្ជានេះដែរ។
ទន្ទឹមនឹងការសម្ដែងបង្ហាញរបស់បេក្ខជន ពិធីប្រកួតកាន់តែគគ្រឹកគគ្រេងថែមទៀតដោយមានកម្មវិថីសម្ដែងសិល្បៈរបស់អ្នកចម្រៀង Xuan Nghi (ពានរង្វាន់មេដៃប្រាក់ The Voice Viet Nam 2022)និងក្រុមចម្រៀង X2X.
ក្នុងឱកាសនេះដែរ សម្ព័ន្ធយុវជននិងសមាគមនិស្សិតនៃសាកលវិទ្យាល័យត្រាវិញក៏បិទវគ្គ ជូនរង្វាន់ដល់បណ្ដាកីឡាករនិងអង្គភាពដែលទទួលបានជ័យលាភីចំណាត់ថ្នាក់ខ្ពស់ៗក្នុងពិធីប្រឡងកីឡាអំណរបវេសនកាលឆ្នាំសិក្សា២០២២ - ២០២៣, អំណរទិវាគ្រូបង្រៀនវៀតណាមលើកទី៤០ និងអំណរជោគជ័យនៃសន្និបាតតំណាងសម្ព័ន្ធយុវជនកុម្មុយនិស្ដហូជីមិញ ខេត្តត្រាវិញលើកទី១១, អាណត្តិ២០២២ - ២០២៧។
អត្ថបទដោយ៖ Hoang Nam – Nhut An
ប្រែសម្រួលដោយ៖ Van Dong
