លើកកម្ពស់ការយល់ដឹងអំពីសុវត្ថិភាពចរាចរណ៍ផ្លូវគោក
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 02 ធ្នូ 2022
- ចុចដង៖ 226
នាថ្ងៃទី ២៣ ខែវិច្ឆិកា សម្ព័ន្ធយុវជន-សមាគមនិស្សិតនៃសាកលវិទ្យាល័យត្រាវិញបានសហការជាមួយ ការិយាល័យនគរបាលចរាចរណ៍ នៃមន្ទីរនគរបាលខេត្តត្រាវិញបានរៀបចំកម្មវិធីសំណេះសំណាលផ្សព្វផ្សាយអំពីសុវត្ថិភាពចរាចរណ៍សម្រាប់សមាជិកសម្ព័ន្ធយុវជន និងសមាជិកសមាគមនិស្សិតនៃសាកលវិទ្យាល័យត្រាវិញក្នុងឆ្នាំសិក្សា ២០២២ - ២០២៣។
លោក Le Minh Hieu កម្មាភិបាលនៃក្រុមឃោសនាការ ស៊ើបអង្កេតនិងចាត់ការចរាចរណ៍ ការិយល័យនគរបាលចរាចរណ៍ នៃមន្ទីរនគរខេត្តត្រាវិញ បានចុះផ្សព្វផ្សាយច្បាប់ស្ដីពីសុវត្ថិភាពចរាចរណ៍ វប្បធម៌ចរាចរណ៍ និងបំណិនបើកបរម៉ូតូ អោយបានសុវត្ថិភាព និងស្ថានភាពសុវត្ថិភាពចរាចរណ៍នាពេលបច្ចុប្បន្ននេះ។ មូលហេតុនាំមកនូវគ្រោះថ្នាក់ចរាចរណ៍ ផលអវិជ្ជមាននៃគ្រោះថ្នាក់ចរាចរណ៍និងបណ្ដាវិធានការដើម្បីកាត់បន្ថយគ្រោះថ្នាក់ចរាចរណ៍។ កម្មវិធីនេះទាក់ទាញសិស្សនិស្សិតជាង១០០០នាក់ចូលរួម។
តាមរយៈកម្មវិធី លោក Le Minh Hieu សង្ឃឹមថានិស្សិតម្នាក់ៗនឹងបង្កើត និងពង្រឹងបន្ថែមទៀតនូវការយល់ដឹងអំពីការគោរពច្បាប់ស្តីពីសុវត្ថិភាពចរាចរណ៍ផ្លូវគោក និងវប្បធម៌ឥរិយាបទនៅពេលចូលរួមក្នុងការបើកបរ។ បុគ្គលម្នាក់ៗអាចក្លាយជាអ្នកផ្សព្វផ្សាយយ៉ាងសកម្មសម្រាប់មិត្តភក្តិ ក្រុមគ្រួសារ និងសង្គមអំពី សារៈសំខាន់នៃការគោរពច្បាប់ចរាចរណ៍ រួមចំណែកកាត់បន្ថយគ្រោះថ្នាក់ចរាចរណ៍ផងដែរ។
លើសពីនេះ និស្សិតត្រូវបានផ្សព្វផ្សាយ ចំណេះដឹងអំពីផលប៉ះពាល់នៃការប្រើប្រាស់គ្រឿងស្រវឹងនៅពេលចូលរួមក្នុងការបើកបរ ដោះស្រ័យអោយមានវប្បធម៌ពេលចូលរួមក្នុងការបើកបរគោរពច្បាប់ និងបទប្បញ្ញត្តិស្តីពីការ ពិន័យរដ្ឋបាលចំពោះការបំពានច្បាប់ចរាចរណ៍។ល។ ការដោះដូរនិងចែករំលែកចំណេះដឹងអំពីច្បាប់ស្តីពីសុវត្ថិភាពចរាចរណ៍។
ប្អូន Thach Huynh Anh ជានិស្សិតនៃថ្នាក់គ្រប់គ្រងសេវាកម្មទេសចរណ៍ឆ្នាំ២០២០ បានចែករំលែកថា៖ “ចូលរួមកម្មវិធីនេះនិស្សិតយើងខ្ញុំមានឱកាសយល់ដឹងកាន់តែច្បាស់អំពីមូលហេតុដែលបណ្ដាលអោយកើតមានគ្រោះថ្នាក់ចរាចរណ៍ក្នុងសង្គមរាល់ថ្ងៃនេះ។ ឆ្លងតាមកម្មវិធីនេះដែរ ធ្វើអោយប្អូនមានការយល់ច្បាស់អំពីសារៈសំខាន់នៃច្បាប់ស្ដីពីសុវត្ថិភាពចរាចរណ៍”។
Huynh Anh បានបន្ថែមថា៖ កម្មវិធីនេះរួមចំណែកដល់ការអប់រំច្បាប់ អប់រំសីលធម៌ របៀបរស់នៅ និងបំណិនជីវិតសម្រាប់យុវជនជំនាន់ក្រោយ និងបង្ហាញអំពីតួនាទី ភារកិច្ចរបស់សមាជិកសម្ព័ន្ធយុវជននិង សិស្សនិស្សិតក្នុងការរួមគ្នាកសាងវប្បធម៌ចរាចរណ៍ ដើម្បីបរិស្ថានចរាចរណ៍ប្រកបដោយសុវត្ថិភាព ស៊ីវិល័យនិងមិត្តភាព។
ធ្វើសន្ទរកថាក្នុងកម្មវិធីនេះ លោក Tran Van Trieu សមាជិកគណៈប្រតិបត្តិនៃសម្ព័ន្ធយុវជនខេត្ត អនុលេខាប្រចាំការនៃសម្ព័ន្ធយុវជនសាកលវិទ្យាល័យត្រាវិញបានអំពាវនាវឱ្យនិស្សិតទាំងអស់នៃសាលាត្រូវគោរពច្បាប់ចរាចរណ៍ឱ្យបានម៉ឺងម៉ាត់ ដើម្បីការពារសុខភាពខ្លួនឯងផង គ្រួសារ និងសង្គមជាតិផង។
អត្ថបទដោយ៖Hoang Nam
ប្រែសម្រួលដោយ៖ Diem Phuc
