មហាវិទ្យាល័យ ភាសា វប្បធម៌ និងវិចិត្រសិល្បៈខ្មែរណាមបូ ទទួលស្វាគមន៍, ផ្ដល់ប្រឹក្សាអាជីពនិងពត៌មានជម្រើសនិស្សិតដល់សិស្សានុសិស្សមកពីបណ្ដាសាលាវិទ្យាល័យដែលមកទស្សនកិច្ចសិក្សានៅសាកលវិទ្យាល័យត្រាវិញ។
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 14 ធ្នូ 2022
- ចុចដង៖ 234
ព្រឹក្សាថ្ងៃទី០៤ខែធ្នូឆ្នាំ២០២២ ស្របនឹងបរិយាកាសសកម្មភាពផ្ដល់ពត៌មានជម្រើសនិស្សិត និងប្រឹក្សាអាជីពឆ្នាំ២០២២នៅសាកលវិទ្យាល័យត្រាវិញ, មហាវិទ្យាល័យ ភាសា វប្បធម៌ និងវិចិត្រសិល្បៈខ្មែរណាមបូ បានទទួលស្វាគមន៍សិស្សានុសិស្សចំនួនជិត៤០០រូបមកពីបណ្ដាសាលាវិទ្យាល័យមកទស្សនកិច្ចសិក្សាក្នុងនោះរួមមានសាលា៖ បណ្ដាសាលាមកពីខេត្ត Dong Thap រួមមាន សាលាវិទ្យាល័យ Tran Quoc Toan, សាលាវិទ្យាល័យ Chu Van An, សាលាវិទ្យាល័យ Tam Nong, សាលាវិទ្យាល័យ Phu Thanh A, និងសាលាវិទ្យាល័យ Hoa Minh - ត្រាវិញ។ ក្នុងឱកាសនេះដែរ មហាវិទ្យាល័យបានចាត់តាំងសកម្មភាពយ៉ាងសម្បូរបែបដូចជា៖ ឧទ្ទេសនាមបណ្ដាមុខជំនាញដូចជា៖ វប្បធម៌វិទ្យា, ភាសាខ្មែរ, គរុកោសល្យភាសាខ្មែរ, គរុកោសល្យអក្សរសាស្ត្រ, សំដែងឧបករណ៍ភ្លេងប្រពៃណី, តន្រ្តីវិទ្យា, គ្រប់គ្រងសណ្ឋាគារ, គ្រប់គ្រងសេវាកម្មទេសចរណ៍ គ្រប់គ្រងភោជនីយដ្ឋាននិងសេវាកម្មចំណីអាហារ; ទស្សនាពិព័រណ៍វិចិត្រសិល្បៈ; លេងល្បែងទទួលរង្វាន់ដូច៖ ចាប់ឆ្នោតឆ្លើយសំណួរ, ល្បែងចលនា; ជាពិសេសប្អូនៗសិស្សានុសិស្សនៅបណ្ដាសាលាវិទ្យាល័យបានថតរូបដោយសេរីជាមួយនឹងជញ្ជាំងគំនូរពណ៌នាអំពីរមណីយដ្ឋានល្បីៗនៅវៀតណាម និងផ្ទាំងគំនូរបង្ហាញអំពីវប្បធម៌ និងវិចិត្រសិល្បៈរបស់ជនជាតិខ្មែរនៅត្រាវិញ។
ប្អូនៗសិស្សានុសិស្សកំពុងស្ដាប់ការឧទ្ទេសនាមអំពីមុខជំនាញនិងបែបបទជម្រើសនិស្សិតរបស់សាលា
កម្មវិធីទទួលស្វាគមន៍បណ្ដាសាលាវិទ្យាល័យ មានការចូលរួមពីលោកគ្រូ អ្នកគ្រូ និងប្អូនៗនិស្សិតដែលកំពុងសិក្សានៅមហាវិទ្យាល័យរួមដំណើរដើម្បីផ្ដល់នូវពត៌មានសំខាន់អពីមុខជំនាញសិក្សា, ក៏ដូចជាបែបបទនៃការជម្រើសនិស្សិតរបស់សាលា។
សកម្មភាពនេះបានបន្សល់ទុកនូវអារម្មណ៍សប្បាយរីករាយ, ពិសេសទៅទៀតគឺញ៉ាំងប្អូនៗយល់បាននូវបរិស្ថានសិក្សានៅសាកលវិទ្យាល័យ, ទន្ទឹមនឹងនោះក៏កត់ចំណាំយ៉ាងគ្រប់គ្រាន់នូវពត៌មានអំពីមហាវិទ្យាល័យ ភាសា វប្បធម៌ និងវិចិត្រសិល្បៈខ្មែរណាមបូនិយាយដោយឡែក នៅសាកលវិទ្យាល័យត្រាវិញនិយាយរួម។ សង្ឃឹមថា ឆ្លងតាមការទស្សនកិច្ចសិក្សានេះ ប្អូនៗសិស្សានុសិស្សនិងអាណាព្យាបាលសិស្សអាចមានលំនឹងចិត្តក្នុងការជ្រើសរើសមុខជំនាញសិក្សាសមស្របនឹងសាមីខ្លួននិងបំណងផ្ទាល់ខ្លួននៅសាកលវិទ្យាល័យត្រាវិញ។
រូបភាពសកម្មភាពមួយចំនួន៖
ប្អូនៗសិស្សានុសិស្សថតរូបអនុសាវរីយ៍ជាមួយជញ្ជាំងគំនូរ
ចូលរួមលេងល្បែងកម្សាន្ត
ទស្សនាតាំងពិព័រណ៍និងឧទ្ទេសនាមមុខជំនាញសម្ដែងឧបករណ៍ភ្លេងប្រពៃណី និងជំនាញតន្រ្តីវិទ្យា
អត្ថបទដោយ៖ Kim Ha
ប្រែសម្រួលដោយ៖ Son Van Đong
