ពិធីបង្ហាញមុខសាខាសមាគមអភិវឌ្ឍធនធានមនុស្សឡូជីស្ទិចវៀតណាម នៅតំបន់វាលរាបទន្លេគឺវឡុង
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 16 ធ្នូ 2022
- ចុចដង៖ 193
(TVU) – នាថ្ងៃទី ៤ ខែធ្នូ នៅសាកលវិទ្យាល័យត្រាវិញបានប្រព្រឹត្តិឡើងនូវសន្និសីទបង្ហាញមុខសាខាសមាគមអភិវឌ្ឍធនធានមនុស្សឡូជីស្ទិចវៀតណាមនៅតំបន់វាលរាប់ទន្លេគឺវឡុង និងទទួលស្គាល់សមាជិកថ្មី VALOMA (សមាគមអភិវឌ្ឍធនធានមនុស្សឡូជីស្ទិចវៀតណាម)។
សន្និសីទនេះត្រូវបានគេរំពឹងថានឹងមានប្រមាណជិត ៣0 សហគ្រាសជាសមាជិក VALOMA មកពីទីក្រុងហាណូយ និងទីក្រុងហូជីមិញចូលរួម និងទទួលស្គាល់សមាជិកថ្មីចំនួន ១២ នៅក្នុងតំបន់វាលរាបទន្លេគឺវឡុង។
នៅក្នុងព្រឹត្តិការណ៍នេះ ធ្វើពិធីបង្ហាញមុខសាខាសមាគមអភិវឌ្ឍធនធានមនុស្សឡូជីស្ទិចវៀតណាមតំបន់វាលរាបទន្លេគឺវឡុង ហើយសាកលវិទ្យាល័យត្រាវិញបានទទួលតួនាទីជាប្រធានសាខាសមាគម។
ក្នុងពិធីនេះដែរ បានចាត់តាំងសិក្ខាសាលាស្តីពីតម្រូវការនៃការអភិវឌ្ឍធនធានមនុស្សឡូជីស្ទិចនៅតំបន់វាលរាបទន្លេគឺវឡុង និងការតម្រង់ទិសសកម្មភាពរបស់សាខា Valoma នៅតំបន់វាលរាបន្លេគឺវឡុង ក៏ដូចជាបណ្ដាវិធានការដំណោះស្រាយនៃការបណ្តុះបណ្តាល និងអនុវត្តអោយបានសមស្របសម្រាប់ការអភិវឌ្ឍធនធានមនុស្សឡូជីស្ទិច។
សាស្ត្រាចារ្យរង បណ្ឌិត Diep Thanh Tung សាកលវិទ្យាធិការរង នៃសាកលវិទ្យាល័យត្រាវិញក្នុងនាមជាគណៈចាត់តាំងបានមានប្រសាសន៍ថា ជាមួយនឹងអត្រាកំណើនដ៏ខ្លាំងក្លានៃវិស័យឡូជីស្ទិចសក្ដានុពលនៃការអភិវឌ្ឍ និងតម្រូវការធនធានមនុស្សក្នុងវិស័យឡូជីស្ទិចនាពេលបច្ចុប្បន្ន និងក្នុងឆ្នាំខាងមុខត្រូវបានរំពឹងថានឹងកើនឡើងជាលំដាប់។ សាកលវិទ្យាល័យត្រាវិញ បានបង្កើតមជ្ឈមណ្ឌលបណ្តុះបណ្តាលឡូជីស្ទិច និងពាណិជ្ជកម្មអេឡិចត្រូនិក ដើម្បីបម្រើតម្រូវការបន្ទាន់ក្នុងការអភិវឌ្ឍធនធានមនុស្សផ្នែកឡូជីស្ទិចនៅតំបន់វាលរាបទន្លេគឺវឡុង ហើយទទួលបានការគាំទ្រខ្ពស់ពីសមាគមអភិវឌ្ឍធនធានមនុស្សឡូជីស្ទិចនៅវៀតណាម (Valoma) និងគណៈគ្រប់គ្រងតំបន់សេដ្ឋកិច្ចខេត្តត្រាវិញ ។ នេះជាជំហានជឿនលឿនរបស់សាកលវិទ្យាល័យត្រាវិញ ក្នុងបរិបទនៃការកង្វះធនធានមនុស្សលើវិស័យឡូជីស្ទិចនាពេលបច្ចុប្បន្ន។
ដោយមានគោលដៅធ្វើឱ្យប្រសើរឡើងឥតឈប់ឈរនូវគុណភាពនៃធនធានមនុស្សលើវិស័យឡូជីស្ទិច និងលើកឡើងដំណោះស្រាយសម្រាប់ការអភិវឌ្ឍ ដើម្បីអោយវិល័យឡូជីស្ទិចនៅតំបន់វាលរាបទន្លេគឺវឡុងមួយថ្ងៃកាន់តែរីចម្រើន សាកលវិទ្យាល័យត្រាវិញមានកិត្តិយសដែលបានក្លាយជាសមាជិកនៃគណៈកម្មាធិការរៀបចំបង្កើតសាខាសមាគម VALOMA នៅតំបន់វាលរាបទន្លេគឺវឡុង។
សន្និសីទនេះ រួមចំណែកពង្រឹងភាពស្អិតរមួតរបស់សមាជិក និងពង្រីកបណ្តាញទំនាក់ទំនងអាជីវកម្ម។ សន្និសីទនេះក៏ជាវេទិកាចែករំលែកការរួមចំណែករបស់ថ្នាក់ដឹកនាំក្រុមហ៊ុនជាសមាជិក VALOMA ដើម្បីជួយសមាគមមានដំណោះស្រាយក្នុងការអភិវឌ្ឍ និងបណ្តុះបណ្តាលធនធានមនុស្សវិស័យឡូជីស្ទិចអោយកាន់តែមានគុណភាពខ្ពស់សម្រាប់តំបន់វាលរាបទន្លេគឺវឡុង។
អត្ថបទដោយ៖ Thanh Sơn
ប្រែសម្រួលដោយ៖ Van Thon