ដំណើរវិលមកកាន់ប្រភពដើមក្នុងគោលបំណងអប់រំប្រពៃណីដ៏ល្អដល់សមាជិកសម្ព័ន្ធយុវជន និងសមាគមនិស្សិត
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 22 ធ្នូ 2022
- ចុចដង៖ 207
(GSV-GV.TVU) – នៅថ្ងៃទី១០និង១១ ខែធ្នូ ឆ្នាំ ២០២២មានសមាជិកសម្ព័ន្ធយុវជន និងសមាគមនិស្សិតនៃសាកលវិទ្យាល័យត្រាវិញជាង៧០រូប បានចូលរួមព្រឹត្តិការណ៍ដំណើរវិលមកកាន់ប្រភពដើមក្នុងគោលបំណងអប់រំប្រពៃណីដ៏ល្អ ឆ្នាំ២០២២ នៅក្រុង ផានធៀត (Phan Thiết)ខេត្ត ប៊ិញធ្វឹន (Bình Thuận)។
នៅទីនេះ ក្រុមអ្នកចូលរួមបានស្តាប់នូវការអត្ថាធិប្បាយអំពីសាលាអប់រំយុវជន (សាលា យុកថាញ់ - Dục Thanh) ដែលជាកេរដំណែលប្រវត្តិសាស្រ្តមានអាយុកាលជាង ១០០ឆ្នាំ។ នេះក៏ជាទីកន្លែងដែលលោកគ្រូ ង្វៀន តឹត ថាញ់ (Nguyễn Tất Thành) ធ្លាប់រស់នៅនិងបង្រៀននៅទីនេះ ហើយក៏ជាកន្លែងដែលបន្សល់ទុកនូវស្នាមនៃដំណើរជីវិតរបស់អ៊ំ។ក្រុមអ្នកចូលរួមក៏បានអុជធូប និងរំលឹកឡើងវិញនូវប្រពៃណីដ៏អង់អាចក្លាហាននៃការប្រយុទ្ធប្រឆាំងខ្មាំងសត្រូវរបស់ជាតិ។
ក្នុងក្របខ័ណ្ឌនៃដំណើរវិលមកកាន់ប្រភពដើម សមាជិកសម្ព័ន្ធយុវជន និងសមាគមនិស្សិតបានទៅទស្សនាកម្សាន្តតំបន់ទេសចរណ៍ល្បីឈ្មោះមួយចំនួននៅតំបន់ខេត្តប៊ិញធ្វឹន (Bình Thuận)មានដូចជា៖ បូជនីយដ្ឋាន យិញ វ៉ាន ធ្វី ទូ (Dinh Vạn Thủy Tú) នេះជាកន្លែងបូជាដែលមានទ្រង់ទ្រាយធំ និងមានអាយុកាលយូរបំផុតនៃរបរនេសាទខេត្តប៊ិញធ្វឹន (Bình Thuận); វិមាន អុង ហ្វាង (Lầu Ông Hoàng) ជាសាក្សីប្រវត្តិសាស្រ្តនៃចំណងស្នេហាដ៏ប្រកបទៅដោយមនោសញ្ចេតនារវាងកវី ហាន ម៉ាក់ ទឺ(Hàn Mặc Tử) និងនាងម៉ុង កឹម (Mộng Cầm); ប្រាសាទចាមPo Sha Nư ជាកេរដំណែលប្រាង្គប្រាសាទនៃនគរចម្ប៉ា។
ទស្សនារចនាបថនៃស្ថាបត្យកម្មដ៏ល្អប្រណិតនៃវិមានផលិតស្រាក្រហម ទស្សនាសារមន្ទីរទឹកត្រីដែលជាសារមន្ទីរមុនដំបូងបង្អស់និងមានតែមួយគត់នៅវៀតណាម ចូលរួមសកម្មភាពកំសាន្តសប្បាយនៅរមណីយដ្ឋាន តំបន់ទេសចរណ៍និងចូលរួមលេងល្បែងជាក្រុម។
នេះគឺជាសកម្មភាពដ៏មានសារប្រយោជន៍ដើម្បីបង្កើតស្នាដៃចូលរួមអំណរខួបអនុស្សាវរីយ៍លើកទី៧៦នៃទិវាទូទាំងប្រទេសក្រោកឈរប្រយុទ្ធប្រឆាំងខ្មាំងសត្រូវ (១៩/១២/១៩៤៦ – ១៩/១២/២០២២)និងទិវាបង្កើតកងទ័ពប្រជាជនវៀតណាម(២២/១២/១៩៤៤ – ២២/១២/២០២២)។
និស្សិត ត្រឹន ផាមអានប៊ិញ (Trần Phạm An Bình)ប្រធានក្លឹបពាណិជ្ជកម្មអនឡាញ បានអោយដឹងថា៖ ដំណើរវិលមកកាន់ប្រភពដើមបានជួយអោយសមាជិកសម្ព័ន្ធយុវជន បានយល់ដឹងបន្ថែមអំពីប្រពៃណីដ៏ត្រចះត្រចង់របស់ជនជាតិ ជាពិសេសគឺបានយល់ច្បាស់អំពីលោកប្រធាន ហូ ជី មិញ ក្នុងការអប់រំយុវជន រួមចំណែកអប់រំ និងជំរុញស្មារតីស្នេហាជាតិ មាតុភូមិដល់យុវជនសម័យបច្ចុប្បន្ន នេះក៏ជាឱកាសដើម្បីយុវជនបានជួបជុំ និងបង្កើនសាមគ្គីភាពផងដែរ។
បង ផាម ឡេ ផឿង ថាវ (Phạm Lê Phương Thảo) សមាជិកអចិន្ត្រៃយ៍នៃគណៈកម្មាធិការសម្ព័ន្ធយុវជនខេត្ត និងជាប្រធានសមាគមនិស្សិតសាកលវិទ្យាល័យត្រាវិញបានលើកឡើងថា៖ ដំណើរវិលមកកាន់ប្រភពដើមបានជួយអោយយុវជននៃសាកលវិទ្យាល័យត្រាវិញរំលឹកឡើងវិញនូវប្រពៃណីបដិវត្តន៍ដ៏អង់អាចក្លាហានរបស់ជាតិ និងពលីកម្មដ៏ធំធេងរបស់បុព្វបុរស។ ឆ្លងតាមរយៈសកម្មភាពនេះ ជួយអោយសមាជិកសម្ព័ន្ធយុវជន សមាគមទទួលបានចំណេះដឹងបន្ថែមអំពីប្រវត្តិសាស្រ្តរបស់ជាតិ។ ទន្ទឹមនឹងនេះ ឆ្លងតាមរយៈដំណើរវិលមកកាន់ប្រភពដើមបានរួមចំណែកអប់រំ លើកកម្ពស់ស្មារតីមោទនភាពជាតិរបស់យុវជនសាកលវិទ្យាល័យត្រាវិញអំពីប្រពៃណី ដើមប្រភពរបស់ជាតិវៀតណាម។
អត្ថបទដោយ៖ Hoang Nam – Huynh Quoc Khanh
ប្រែសម្រយលដោយ៖ Se Has Kien