ឯកអគ្គរដ្ឋទូតប្រទេសកាណាដាប្រចាំប្រទេសវៀតណាមជួបធ្វើការនៅ សាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 28 ធ្នូ 2022
- ចុចដង៖ 201
ថ្ងៃទី០៨ ខែធ្នូ ឆ្នាំ២០២២ ឯកអគ្គរដ្ឋទូតប្រទេសកាណាដាប្រចាំនៅប្រទេសវៀតណាម លោក Shawn Steilរួមជាមួយគណៈប្រតិភូបានអញ្ជើញមកជួបធ្វើការនៅសាកលវិទ្យាល័យត្រាវិញ។ លោកសាស្ត្រាចារ្យរង បណ្ឌិតPham Tiet Khanhប្រធានក្រុមប្រឹក្សាភិបាលនៃសាកលវិទ្យាល័យត្រាវិញ ប្រធានសមាគមឧត្តមវិជ្ជាសហគមន៍វៀតណាម(VACC) ប្រធានសមាគមមិត្តភាពវៀតណាម - កាណាដា ខេត្តត្រាវិញបានអញ្ជើញទទួលគណៈប្រតិភូ។
ចូលរួមទទួលស្វាគមន៍គណៈប្រតិភូមានលោក Tran Hoan Kimអតីតអនុលេខាគណៈកម្មាធិការបក្ខខេត្ត អតីតប្រធានគណៈកម្មាធិការប្រជាជនខេត្តត្រាវិញ ប្រធានក្រុមប្រឹក្សានៃសាកលវិទ្យាល័យត្រាវិញ; លោកបណ្ឌិត Nguyen Minh Hoa សាកលវិទ្យាធិការ នៃសាកលវិទ្យាល័យត្រាវិញ; លោកស្រីបណ្ឌិត Thach Thi Dan សាកលវិទ្យាធិការរង; លោកសាស្រ្តាចារ្យរង បណ្ឌិត Diep Thanh Tungសាកលវិទ្យាធិការរង រួមជាមួយសមាជិកក្រុមប្រឹក្សា និងតំណាងអ្នកដឹកនាំអង្គភាពនានា។
ក្នុងការថ្លែងសុន្ទរកថាទទួលស្វាគមន៍ លោកសាស្រ្តាចារ្យរង បណ្ឌិត Pham Tiet Khanh មានប្រសាសន៍៖ ក្នុងរយៈពេលកន្លងមក ក្នុងនាទីជាស្ពានដ៏សំខាន់ក្នុងការទំនាក់ទំនង ប្រកបដោយប្រសិទ្ធិភាពរបស់ស្ថានទូតកាណាដាប្រចាំប្រទេសវៀតណាម កិច្ចសហការរវាងសាកលវិទ្យាល័យត្រាវិញជាមួយបណ្ដាវិជ្ជាស្ថាន សាលាដៃគូនៅកាណាដា បានស៊ីជម្រៅនិងទទួលបានសមិទ្ធិផលជាច្រើនក្នុងវិស័យវប្បធម៌ អប់រំ សិក្សាស្រាវជ្រាវវិទ្យាសាស្រ្ត ការផ្ទេរបច្ចេកវិជ្ជា។ល។ បានរួមចំណែកក្នុងការអភិវឌ្ឍន៍និងលើកកម្ពស់តួនាទីរបស់សាកលវិទ្យាល័យត្រាវិញក្នុងដំណើរអនុវត្តទិសដៅ “នាំមកនូវឱកាសសិក្សាមានគុណភាពសម្រាប់សហគមន៍”។ ផ្អែកលើទំនាក់ទំនងដៃគូជាមួយបណ្ដាអង្គការរបស់ប្រទេសកាណាដា សាកលវិទ្យាល័យត្រាវិញបានអភិវឌ្ឍកម្មវិធីបណ្ដុះបណ្ដាលជាច្រើនដើម្បីលើកកម្ពស់លទ្ធភាពនិងចែករំលែកបទពិសោធន៍បូកផ្សំសកម្មភាពដើម្បីឆ្ពោះទៅកាន់សហគមន៍ដែលមានមូលដ្ឋានគ្រឹះជាទម្រង់ឧត្តមវិជ្ជាសហគមន៍វៀតណាម - កាណាដា។ បច្ចុប្បន្ននេះ សាកលវិទ្យាល័យត្រាវិញបានក្លាយជាមជ្ឈដ្ឋានផ្ដល់នូវធនធានមនុស្សប្រកបដោយវិជ្ជាជីវៈសម្រាប់ខេត្តត្រាវិញ វាលរាបទន្លេគឺវឡុង និងទូទាំងប្រទេស។
ក្នុងឱកាសនេះ គណៈប្រតិភូបានស្ដាប់របាយការណ៍អំពីប្រសិទ្ធភាពនិងស្ថេរភាពដែលបានមកពីជោគជ័យនៃគម្រោងសាលាឧត្តមវិជ្ជាសហគមន៍វៀតណាម - កាណាដា ការបណ្ដុះបណ្ដាលតាមទម្រង់ Co-opបណ្ដាសកម្មភាពផ្ដើមអាជីវកម្មគំនិតច្នៃប្រឌិត បណ្ដាបញ្ហាទាក់ទងនឹងសមភាពភេទ ក៏ដូចជាតួនាទីជំនួយសហគមន៍របស់សាកលវិទ្យាល័យត្រាវិញឆ្លងតាមគម្រោងការជំនួយនារីនិងកុមារក្នុងសកម្មភាពអភិវឌ្ឍន៍សេដ្ឋកិច្ច វប្បធម៌ សង្គមកិច្ចរបស់ខេត្តយើង។ ទន្ទឹមនោះ សាលលវិទ្យាល័យត្រាវិញបានស្នើរឲ្យដំណើរការផែនការអភិវឌ្ឍន៍ជាស្ថេរភាពនៃសាកលវិទ្យាល័យត្រាវិញនិងបណ្ដាសាលាជាសមាជិករបស់ VACC ឈរលើមូលដ្ឋានពង្រីកនូវបណ្ដាសមិទ្ធិផល ដែលគម្រោងការឧត្តមវិជ្ជាសហគមន៍វៀតណាម - កាណាដាសម្រេចបាន និងការជំនួយរបស់ស្ថានទូតប្រទេសកាណាដាប្រចាំប្រទេសវៀតណាម រួមជាមួយគូទំនាក់ទំនងខាងវិជ្ជាស្ថាន សាលានៃប្រទេសកាណាដាក្នុងពេលខាងមុខ។
ក្នុងកិច្ចជំនួបពិភាក្សាការងារ ឯកអគ្គរាជទូតប្រទេសកាណាដាប្រចាំប្រទេសវៀតណាម លោក Shawn Steil បានបញ្ជាក់ថា៖ ជោគជ័យរបស់គម្រោងការឧត្តមវិជ្ជាសហគមន៍វៀតណាម - កាណាដា គឺជាសាក្ខីភាពនៃចំណងមិត្តភាពរវាងរដ្ឋាភិបាលនិងប្រជាជននៃប្រទេសទាំងពីរ បង្កើតនូវបម្លាស់ប្ដូរមានអត្ថន័យសម្រាប់ប្រជាជនខេត្តត្រាវិញនិងសាកលវិទ្យាល័យត្រាវិញ។ យើងខ្ញុំមានមោទនភាពយ៉ាងខ្លាំង ដោយសាកលវិទ្យាល័យត្រាវិញគឺជាប្រធានសមាគមឧត្តមវិជ្ជាសហគមន៍វៀតណាម (VACC) សមិទ្ធិផលដែលសាកលវិទ្យាល័យត្រាវិញសម្រេចបាន បានរួមចំណែកក្នុងការអភិវឌ្ឍន៍របស់ខេត្តត្រាវិញក៏ជារឹតបន្ដឹងចំណងមិត្តភាពរវាងប្រទេសទាំងពីរដែរ។ ថ្ងៃនេះ ពេលដែលមកសួរសុខទុកសាលា ខ្ញុំបានឃើញនូវការវិវឌ្ឍន៍របស់សាលា ក៏ដូចជានិស្សិតកំពុងរៀនសូត្រ សិក្សាស្រាវជ្រាវកាន់តែច្រើនឡើង។ ខ្ញុំសង្ឃឹមថា ជោគជ័យនេះគឺជាប្រមុខ សម្រាប់ការទំនាក់ទំនងជាច្រើនទៀតក្នុងពេលអនាគត។
ឯកអគ្គរាជទូតប្រទេសកាណាដាប្រចាំប្រទេសវៀតណាម លោក Shawn Steil មានប្រសាសន៍ក្នុងកិច្ចទទួលស្វាគមន៍
លោក Tran Hoan Kim អតីតអនុលេខាគណៈកម្មាធិការបក្ខខេត្ត អតីតប្រធានគណៈកម្មាធិការប្រជាជនខេត្តត្រាវិញ ប្រធានក្រុមប្រឹក្សានៃសាកលវិទ្យាល័យត្រាវិញបានចែករំលែកថា៖ ឆ្លងតាមយោបល់របស់លោកឯកអគ្គរដ្ឋទូត បានបើកឱកាសដល់យើងជាច្រើន ការរំពឹងរបស់សាកលវិទ្យាល័យត្រាវិញក៏ដូចជាខេត្តត្រាវិញគឺអាចស្ថាបនាបាននូវសាកលវិទ្យាល័យមួយតាមទម្រង់គំរូរបស់កាណាដា។ សាកលវិទ្យាល័យត្រាវិញអាចអនុវត្តតាមទម្រង់របស់កាណាដាល្អថែមទៀតក្នុងការអភិវឌ្ឍន៍សាកលវិទ្យាល័យត្រាវិញ ឈានដល់ការស្ថាបនានូវសាកលវិទ្យាល័យមួយជឿនលឿន។
កងជួរគ្រូបង្រៀន បុគ្គលិកនៃសាកលវិទ្យាល័យត្រាវិញមានមោទនភាពយ៉ាងក្រៃលែងដោយបានទទួលបណ្ដាសមិទ្ធិផលធំធេងដែលគម្រោងការផ្ដល់អោយ។ គោលដៅដែលសាលាឆ្ពោះទៅរកគឺជាឧបសគ្គមួយក្នុងដំណើរអភិវឌ្ឍន៍។ ជំនួយនិង វិភាគទានរបស់រដ្ឋាភិបាលនិងប្រជាជនកាណាដាគឺជាគន្លឹះជោគជ័យដែលសាកលវិទ្យាល័យត្រាវិញឆ្ពោះទៅរក។
លោក Tran Hoan Kim អតីតអនុលេខាគណៈកម្មាធិការបក្ខខេត្ត អតីតប្រធានគណៈកម្មាធិការប្រជាជនខេត្តត្រាវិញ ប្រធានក្រុមប្រឹក្សានៃសាកលវិទ្យាល័យត្រាវិញមានប្រសាសន៍ក្នុងកិច្ចទទួលស្វាគមន៍
លោកមបណ្ឌិត Nguyen Minh Hoa សាកលវិទ្យាធិការនៃសាកលវិទ្យាល័យត្រាវិញបានឲ្យដឹងថា៖ ឆ្នាំ២០២៣ ប្រទេសវៀតណាម - កាណាដានិងគម្រប់៥០ឆ្នាំអនុស្សាវរីយ៍នៃការបង្កើតទំនាក់ទំនងការទូត(១៩៧៣ - ២០២៣)។ សាកលវិទ្យាល័យត្រាវិញធ្វើជាម្ចាស់ចាត់តាំង សិក្ខាសាលាកិច្ចសហប្រតិបត្តការនិងអប់រំអន្តរជាតិវៀតណាម - កាណាដាឆ្នាំ២០២៣។ សិក្ខាសាលាគឺជាឱកាសសម្រាប់បណ្ដាអង្គការភាគីកាណាដានិងវៀតណាមស្ថាបនានិងពង្រឹងទំនាក់ទំនងឲ្យកាន់តែរឹងមាំ ឆ្ពោះទៅការកំណត់ឱកាសសហការជាថ្មីរវាងកាណាដានិងវៀតណាម ផ្តោតសំខាន់ទំនាក់ទំនងក្នុងវិស័យអប់រំនិងបណ្ដុះបណ្ដាលសាកលវិទ្យាល័យ ស្នើរដល់ការទំនាក់ទំនងដែលផ្ដល់ផលក្នុងពេលអនាគតដូចជា៖ អភិវឌ្ឍបណ្ដាកម្មវិធីបណ្ដុះបណ្ដាលភ្ជាប់ទំនាក់ទំនងអំពីការអភិវឌ្ឍន៍ស្ថេរភាព កាត់បន្ថយផលប៉ះពាល់និងសម្របជាមួយបម្រែបម្រួលអាកាសធាតុ ប្ដូរសិក្ខាកាមនិងនិស្សិត បញ្ហាទាក់ទងនឹងសមភាពភេទ អភិវឌ្ឍបច្ចេកទ្យានិងឌីជីថល។ល។
គណៈប្រតិភូស្ថានទូតប្រចាំវៀតណាមដាំដើមឈើជាអនុស្សាវរីយ៍នៅសាកលវិទ្យាល័យត្រាវិញ
អត្ថបទដោយ៖ Đong Lam
ប្រែសម្រួលដោយ៖ Son Van Đong