សាកលវិទ្យាល័យត្រាវិញបានចុះហត្ថលេខាលើកិច្ចព្រមព្រៀងសហប្រតិបត្តិការជាមួយមជ្ឈមណ្ឌលស្រាវជ្រាវ ប្រឹក្សា និងបណ្តុះបណ្តាលពីការអភិវឌ្ឍន៍ភូមិភាគ STG
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 29 ធ្នូ 2022
- ចុចដង៖ 212
(TVU) – នាថ្ងៃទី ១ ខែធ្នូ នៅសាកលវិទ្យាល័យត្រាវិញបានចាត់តាំងពិធីចុះហត្ថលេខាលើកិច្ចសហប្រតិបត្តិការរវាងសាកលវិទ្យាល័យត្រាវិញ និង មជ្ឈមណ្ឌលស្រាវជ្រាវ ប្រឹក្សា និងបណ្តុះបណ្តាលពីការអភិវឌ្ឍន៍ភូមិភាគ STG។ ភាគីទាំងពីរបានចុះហត្ថលេខាលើកិច្ចព្រមព្រៀងសហប្រតិបត្តិការលើវិស័យបណ្តុះបណ្តាលផ្តើមអាជីវកម្ម និងការកសាងទីតាំងបណ្ដុះផ្តើមអាជីវកម្ម។
លោកសាស្រ្តាចារ្យរង បណ្ឌិត Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញនិង លោក Nguyen Duc Vinh នាយកមជ្ឈមណ្ឌលស្រាវជ្រាវ ប្រឹក្សា និងបណ្តុះបណ្តាលពីការអភិវឌ្ឍន៍ភូមិភាគ STG បានចុះហត្ថលេខាលើកិច្ចព្រមព្រៀង។
ក្នុងកិច្ចជំនួបនេះ ភាគីទាំងពីរបានចុះកិច្ចសន្យាអនុវត្តលើខ្លឹមសារមួយចំនួនរួមមាន៖ គាំទ្រលើវិស័យសកម្មភាពហ្វឹកហាត់គ្រូបង្រៀនជាប្រភព(TOT) លើការអនុវត្តផ្តាល់នឹងការអភិវឌ្ឍន៍ភូមិភាគ ដោយផ្អែកលើធនធានផ្ទៃក្នុង និងសក្តានុពលនៃមជ្ឈមណ្ឌល និងមហាវិទ្យាល័យមួយចំនួនពាក់ព័ន្ធនឹងការអភិវឌ្ឍសហគមន៍ សេដ្ឋកិច្ច និងសង្គមនៃសាកលវិទ្យាល័យ; ឧទ្ទេសនាមអ្នកជំនាញអោយមហាវិទ្យាល័យ និងមជ្ឈមណ្ឌល។
មជ្ឈមណ្ឌលស្រាវជ្រាវ ប្រឹក្សា និងបណ្តុះបណ្តាលលើការអភិវឌ្ឍន៍ភូមិភាគ STG បានផ្សព្វផ្សាយការហ្វឹកហ្វឹនក្រុមប្រឹក្សារួមដំណើរ (mentor) សម្រាប់កម្មវិធីបណ្តុះបណ្តាល អនុបណ្ឌិតផ្នែកគ្រប់គ្រងអាជីវកម្ម មុខជំនាញខាងចាប់ផ្តើមអាជីវកម្ម។ ផ្សារភ្ជាប់កម្មវិធីបណ្តុះបណ្តាល និងគាំទ្រការចាប់ផ្តើមរបស់សាកលវិទ្យាល័យជាមួយគម្រោងដែលក្រុមហ៊ុនប្រឹក្សាវៀតណាម (VCG)និងមជ្ឈមណ្ឌលស្រាវជ្រាវ ប្រឹក្សា និងបណ្តុះបណ្តាលស្តីពីការអភិវឌ្ឍន៍ភូមិភាគ STG កំពុងអនុវត្ត។
ផ្សារភ្ជាប់ និងគាំទ្រក្នុងការបង្កើតទីតាំងបណ្ដុះគំនិតនិងផ្ដើមអាជីវកម្មច្នៃប្រឌិតតាមស្តង់ដារអន្តរជាតិ ហើយរួមគ្នាស្វែងរក សរសេរសំណើគម្រោង និងកម្មវិធីលើវិស័យដែលសាកលវិទ្យាល័យផ្តល់អាទិភាពក្នុងការស្វែងរកអ្នកឧបត្ថម្ភដែលមានសក្តានុពល; កសាង និងពង្រឹងថាមពលស្រាវជ្រាវ តាមរយៈកិច្ចសហប្រតិបត្តិការលើការស្រាវជ្រាវវិទ្យាសាស្ត្រ និងការបោះពុម្ពផ្សាយក្នុងទស្សនាវដ្តីវិទ្យាសាស្ត្រជាតិ និងអន្តរជាតិ។
លោកសាស្ត្រាចារ្យរង បណ្ឌិត Diep Thanh Tung សាកលវិទ្យាធិការរងនៃសាកលវិទ្យាល័យ និងលោក Nguyen Duc Vinh នាយកមជ្ឈមណ្ឌលស្រាវជ្រាវ ប្រឹក្សា និងបណ្តុះបណ្តាលស្តីពីការអភិវឌ្ឍន៍ភូមិភាគ STG ជឿជាក់ថា កិច្ចសហប្រតិបត្តិការរវាងភាគីទាំងពីរនឹងទទួលបានជោគជ័យយ៉ាងល្អប្រសើរហើយរួមសន្យាថានឹងបង្កលក្ខណៈងាយស្រួលបំផុតសម្រាប់សកម្មភាពលើកិច្ចសហប្រតិបត្តិការ។
អត្ថបទដោយ៖ Hanh Nguyên – Han Vu
ប្រែសម្រួលដោយ៖ Diem Phuc