សាកលវិទ្យាល័យត្រាវិញប្រារព្ធខួបលើកទី ៩២នៃការបង្កើតសម្ព័ន្ធយុវជនកុម្មុយនិស្តហូជីមិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 07 មេសា 2023
- ចុចដង៖ 326
(TVU) - នារាត្រីថ្ងៃទី២៥ខែមីនា គំនរភ្លើងជំរុំប្រពៃណីដើម្បីអបអរសាទរខួបលើកទី ៩២នៃការបង្កើតសម្ព័ន្ធយុវជនកុម្មុយនិស្តហូជីមិញ (ថ្ងៃទី២៦ខែមីនា ឆ្នាំ១៩៣១-ថ្ងៃទី ២៦ខែមីនា ឆ្នាំ២០២៣) ត្រូវបានដុតបំភ្លឺនៅបរិវេណនៃមណ្ឌលទី១សាកលវិទ្យាល័យវិទ្យាល័យត្រាវិញ ដោយមានការចូលរួមពីអ្នកបោះជំរុំជាង៤០០០នាក់។
អញ្ជើញចូលរួមក្នុងពិធីនេះមានលោក Tran Tri Cuong សមាជិកគណៈប្រតិបត្តិការមជ្ឈិមសម្ព័ន្ធយុវជន លេខាសម្ព័ន្ធយុវជនខេត្តត្រាវិញ; លោកសាស្រ្តាចារ្យរងបណ្ឌិត Pham Tiet Khanhលេខាគណៈកម្មាធិការបក្ខភាគ ប្រធានក្រុមប្រឹក្សាភិបាលនៃសាកលវិទ្យាល័យត្រាវិញ; លោកសាស្រ្តាចារ្យរង បណ្ឌិត Nguyen Minh Hoa សាកលវិទ្យាធិការនៃសាកលវិទ្យាល័យត្រាវិញ និងតំណាងថ្នាក់ដឹកនាំអង្គភាពចំណុះសាលា ព្រមទាំងអតីតគណៈប្រតិបត្តិការសម្ព័ន្ធយុវជនសាលាគ្រប់ជំនាន់បានចូលរួមផងដែរ។
ដោយប្រធានបទ "សេចក្តីប្រាថ្នារបស់យុវជន" ការបោះជំរុំនេះបានប្រព្រឹត្តទៅចាប់ពីថ្ងៃទី ២៥ ខែមីនាដល់ថ្ងៃទី២៦ ខែមីនា ឆ្នាំ២០២៣។ មាត្រដ្ឋាននេះរួមមានជំរុំទាំងអស់៨០ខ្នង តូបផលិតផលពិសេស០១ខ្នង តូបផ្តើមអាជីវកម្មរបស់យុវជន០១ខ្នង រួមជាមួយនឹងសកម្មភាពដ៏ឱ្យរំភើបជាច្រើនដែលទាក់ទាញអ្នកបោះជំរុំមួយចំនួនធំដែលជាសមាជិកសម្ព័ន្ធយុវជន លោកគ្រូអ្នកគ្រូ អ្នកស្ម័គ្រចិត្តអន្តរជាតិ សហគ្រាស និងអតីតនិស្សិតចូលរួម។
នេះជាឱកាសសម្រាប់សមាជិកសម្ព័ន្ធយុវជន ដើម្បីដោះដូរ ស្វែងយល់ពីបទពិសោធន៍ការងាររបស់សម្ព័ន្ធយុវជន លើកកម្ពស់ការយល់ដឹង ជំរុញឧត្តមគតិ និងជាមោទនភាពសម្រាប់កម្មាភិបាល សមាជិកសម្ព័ន្ធយុវជន និងយុវជនអំពីប្រពៃណីដ៏រុងរឿង៩២ឆ្នាំ របស់សម្ព័ន្ធយុវជនកុម្មុយនិស្តហូជីមិញ។
សមមិត្ត Pham Le Phuong Thao អនុលេខាសម្ព័ន្ធយុវជន និងជាប្រធានសមាគមនិស្សិតនៃសាកលវិទ្យាល័យត្រាវិញបានមានប្រសាសន៍ថា៖ អង្គការសម្ព័ន្ធយុវជនកុម្មុយនិស្តហូជីមិញនៃសាកលវិទ្យាល័យត្រាវិញត្រូវបានបង្កើតឡើងនៅឆ្នាំ២០០៦។ បច្ចុប្បន្ននេះ សម្ព័ន្ធយុវជននៃសាកលវិទ្យាល័យមាន ០៨សម្ព័ន្ធយុវជនមូលដ្ឋានចំណុះ ដោយមានសមាជិកសម្ព័ន្ធយុវជនជាង ៨០០០នាក់។
អស់រយៈពេល១៧ ឆ្នាំនៃការបង្កើត និងអភិវឌ្ឍន៍ សម្ព័ន្ធយុវជនបានរួមចំណែកយ៉ាងសកម្មក្នុងការអភិវឌ្ឍសាលានិយាយដោយឡែក និងសម្ព័ន្ធយុវជនខេត្តត្រាវិញនិយាយរួម។
ជាមួយនឹងស្មារតីនៃបំណងប្រាថ្នាក្នុងកិច្ចការបំពេញតួនាទីនៃកម្លាំងយុវជន សម្ព័ន្ធយុវជននៅតែបន្តប្តេជ្ញាចិត្តនវានុវត្តន៍ខ្លឹមសារ និងវិធានការនៃសកម្មភាព។ ទន្ទឹមនឹងនេះ ត្រូវធ្វើឲ្យបានល្អក្នុងការអប់រំផ្នែកនយោបាយ សតិអារម្មណ៍ សីលធម៌នៃការរស់នៅ និងអប់រំច្បាប់ដល់សមាជិកសម្ព័ន្ធយុវជន និងនិស្សិត។
ថ្លែងមតិក្នុងពិធីនេះ លោកសាស្ត្រាចារ្យរង បណ្ឌិត Nguyen Minh Hoa អនុលេខាគណៈកម្មាធិការបក្ខភាគ សាកលវិទ្យាធិការនៃសាកលវិទ្យាល័យត្រាវិញបានសង្កត់ធ្ងន់ថា ក្នុងរយៈពេល៩២ ឆ្នាំកន្លងមក ក្រោមការដឹកនាំរបស់បក្ខកុម្មុយនិស្តវៀតណាម យុវជនវៀតណាមគ្រប់ជំនាន់ បានបន្តគ្នាចារនូវទំព័រដ៏រុងរឿងនៃប្រវត្តិសាស្រ្តរបស់សម្ព័ន្ធយុវជន។ បន្តវេន និងលើកតម្កើងប្រពៃណីដ៏រុងរឿងរបស់សម្ព័ន្ធយុវជន និងអ្នកជំនាន់មុន យុវជននៃសាកលវិទ្យាល័យត្រាវិញនៅតែបន្តអនុវត្ត និងបណ្តុះឧត្តមគតិបដិវត្តន៍ ស្ម័គ្រចិត្តដើម្បីជីវិតនៃសហគមន៍ និងប្តេជ្ញាអនុវត្តប្រកបដោយជោគជ័យនូវសេចក្តីសម្រេចចិត្តរបស់មហាសន្និបាតសម្ព័ន្ធយុវជនរបស់ថ្នាក់លើ។
អង្គការសម្ព័ន្ធយុវជនរបស់សាលាកំពុងរីកចម្រើន និងអភិវឌ្ឍឥតឈប់ឈរ។ សម្ព័ន្ធយុវជនសាលាបានធ្វើយ៉ាងប្រសើរនូវភារកិច្ចនៃការសាមគ្គី រួបរួមប្រមូលផ្តុំ និងអប់រំយុវជន រួមចំណែកការខិតខំប្រឹងប្រែង កម្លាំងប្រាជ្ញា និងភាពមុះមុតរបស់យុវជនក្នុងការអភិវឌ្ឍសាកលវិទ្យាល័យត្រាវិញ។
កត់ស្គាល់នៃការរួមវិភាគទានរបស់សម្ព័ន្ធយុវជន លោកសាស្ត្រាចារ្យរង បណ្ឌិត Nguyen Minh Hoa មានការរំពឹងទុកថា សមាជិកសម្ព័ន្ធយុវជន និស្សិត និងអង្គការសម្ព័ន្ធយុវជនត្រូវច្នៃប្រឌិត និងធ្វើពិពិធកម្មនៃសកម្មភាពអនុវត្តប្រកបដោយប្រសិទ្ធភាពកិច្ចការអប់រំនយោបាយ សតិអារម្មណ៍ ឧត្តមគតិបដិវត្តន៍ និងប្រពៃណីវប្បធម៌សម្រាប់សមាជិកសម្ព័ន្ធយុវជន និងយុវជន។
សាកលវិទ្យាធិការជឿជាក់ថា យុវជននៃសាកលវិទ្យាល័យត្រាវិញនឹងរួមគ្នាបំពេញរាល់ភារកិច្ចបានល្អ សក្តិសមជាកម្លាំងបម្រុងដែលអាចទុកចិត្តបានរបស់បក្ស រួមចំណែកកសាងសាកលវិទ្យាល័យត្រាវិញឱ្យកាន់តែរឹងមាំ ចូលរួមក្នុងបុព្វហេតុកសាង និងការពារជាតិក្នុងស្ថានភាពថ្មី។
បញ្ចប់កម្មវិធី MITTINHគឺទិដ្ឋភាពព្រះអគ្គី បានទាក់ទាញអ្នកចូលរួមក្នុងសកម្មភាពបោះតង់ជំរុំប្រពៃណីទាំងអស់ ជាមួយសកម្មភាពដោះដូរសិល្បៈជាច្រើន... ដែលសម្ដែងដោយអ្នកបោះតង់ផ្ទាល់។
ជាពិសេសគឺ ការបង្ហាញខ្លួនរបស់តារាចម្រៀង Xuan Nghi ម្ចាស់ជ័យលាភីលេខពីរនៃកម្មវិធី The Voice Vietnam ២០១២ និង DJ Kat ញ៉ាំងឲ្យបរិយាកាសពេលរាត្រីជួបជុំកាន់តែសប្បាយ និងទាក់ទាញទស្សនិកជនជាច្រើនមកទស្សនា និងលើកទឹកចិត្ត។
ក្នុងឱកាសនេះដែរធនាគារពាណិជ្ជកម្មយោធាសាខាខេត្តត្រាវិញបានប្រគល់ជូន អាហារូបករណ៍ចំនួន១៥ចំណែក (មួយចំណែក១លានដុង) ដល់និស្សិត១៥រូប ដែលជួបការលំបាកហើយជំនះក្នុងការសិក្សារៀនសូត្រ។
អត្ថបទដោយ៖Hoang Nam – Thien Loc
ប្រែសម្រួល៖ Van Thon